بصراحة أنا قريت 3000 موضوع ناس تقول 2014 هوندا وناس تقول لأ دا متسوبيشي زي ماهو .. مع ان في الناس اشترت العربية 2014 ولا حد دلوقت بنسأل ومش عارفين ... يعني أيه الكلام ده !!!!! يا اخوانا واحد يفتح الماتور ويشوف مكتوب عليه أيه وخلصنا .. في انتظار الردود
ولا ده ولا ده الموتور صينى بتكنولوجيا يابانية ( ميتسوبيشى )
يا باشا الموضوع بسيط.. في منها 1600 CC بموتور ميتسوبيشي لانسر اللي كوده (4G18) ودي المنتشرة من ساعة ما العربية دخلت مصر ولا زال موجود في التجميع المحلي حتى موديل 2014.. وفي منها 1500 CC بالموتور اللي بيقولوا عليه هوندا سيتي.. وحتى الآن لسة متأكدناش إن كان فعلاً بتاع هوندا ولا لأ.. وده لسة نازل من فترة قريبة ( تقريباً في مارس 2013) وهو حتى الآن تقفيل صيني فقط.. ومفيهوش آير باج، وموتوره من انتاج شركة بي واي دي وتم استخدامه في موديل g3 ولكنه قليل الانتشار جداً في مصر.
الـ 1500 ميزته بيديك هورس باور أعلى (يعني عزم للموتور أكبر) بالإضافة إلى توفير نسبي في استهلاك البنزين لأنه 1500 CC.. ولكن عيبه إنه لسة جديد، ولم يستخدم الاستخدام العالي ويُجرب مثل الـ1600، كذلك إن صح القول إنه فعلاً بتاع هوندا؛ فهوندا معروف إنها من أعلى السيارات الياباني، وقطع غيارها سعرها عالي.. فده ممكن يكون عيب مش ميزة..
الـ 1600 الهورس باور بتاعه أقل شوية واستهلاك البنزين أعلى نسبياً، لكن الموتور متجرب كويس واسأل عليه أي سواق تاكسي هتسمع أشعار، كمان قطع غياره متوفرة بسهولة ومنتشرة (لانتشار اللانسر على مدى زمني واسع من أول المكوة 2003 وحتى الآن 2014) وأصلاً قطع غياره هادية شوية مش حراقة.. وده كان من أقوى أسباب الإقبال على هذه السيارة..
الاختيار لك.. وتقدر تتفرج على الموديلين في التوكيل :)
على فكرة يا محمود الاتنين تقريباً ليهم نفس العزم والهورس باور ..
اللي أنا متوقعه أنه فيه ستوك مواتير 1600 أول ما يخلص العربية حتنزل بالمواتير ال 1500 طبقا لسياسة الشركة الأم .
والموتور ال 1500 الكاتينة فيه جنزير .. بس المشكلة مفيش حد عارف بالظبط ما هي قطع الغيار المتوافقة معاه زي ال 1600
أنا حجزت سيارة بي واي دي من معرض ... والراجل اللى اتعاملت معاه محترم ومؤدب جدا
لما أستلم العربية إن شاء ... المفروض أديه كام إكرامية أو بقشيش ؟؟؟
شكرا يا سادة
متأسف أنا كتبت الموضوع غلط .. كان قصدي موضوع جديد وليس مشاركة
الساده/ المحترمين مالكى البى واى دى بكل موديلاتها الحديثه والمنتجه محليا و المستورده برجاء التاكد من الفرق بين قطع الغيار الاصليه والمستورده من مصنع بى واى دى وقطع الغيار المستورده من خارج التوكيل
يوجد فرق فى الخامه والجوده واحيانا سعر التوكيل ارخص كما لا يوجد معظم قطع الغيار بطيئه التغيير فى السوق
وتوجد فقط فى التوكيل بالقطاميه والعباسيه والشرابيه وايضا بتوكيل الاسكندريه
تحياتى
وكل عام وسيادتكم بخير
عماد حبيب