مقيم ولا زائر...موضوع عن السفر
السلام عليكم
الموضوع باختصار...فكرة السفر عن البلد للعمل
بغض النظر ع اللي حاصل في البلد من حاجات تخلي الناس مش طايقه بعضها...وان لو افتكرنا نفسنا من 10 سنين او اكتر شويه...الناس والطباع كانت احسن من دلوقتي والخوف انها تفضل في ازدياد للاسوء
اكيد كل واحد فكر انه يسافر يشتغل بره...فيه اللي ظروفه نافعه وفيه اللي ماينفعش....
لو الظروف تسمح:
سواء ان مش مرتبط او انك لسه متخرج او مش شايف نفسك في البلد او زهقان من العيشة ومن الشغل ومن اللي حاصل في البلد
او ظروفك لا تسمح انك تسافر......مثلا مبسوط من البلد..وضعك في العمل هنا افضل انك تسافر....مش عايز تاخد الريسك وتسافر وتجرب وترجع.......كبرت شويه ومقلق من موضوع السفر...او انك تشتغل سنه ولا اتنين وترجع تلاقي نفسك كبرت وتبتدي من الاول
الفكره كل واحد فينا مختلفه عن التاني...ونتفق ان الحياه في البلد احسن من غيرنا والحمد لله....بس الواحد بيدور ع الادمية في التعامل بين الناس...في عيشه كريمه...حياه نضيفه...عايز تعلم ولادك تعليم نضيف...تخطط لنفسك ولشغلك......الخ
ارائكم ايه في موضوع السفر........وياسلام لو الناس الي سافرت بره وشغاله تحكلنا لما بتنزل اجازه في البلد اليومين دول رايها ايه...........رايكوا ايه انكم هاتسيبوا اهلكوا واصحابكوا...والناس اللي حواليك...........والبلد اللي مش طايقها بس لو الفيزا جاتلك هاتردد 100 مره اقلها عشان اهلك والبلد دي رغم اللي فيها بس بنحبها لان احنا اللي عاملين فيها كده