عرض للطباعة
الاخوة الكرام كنت في مشوار وقفلت عادي ونزلت جيت اشغل تاني لقيت علامة الحرارة موجودة مع ان العربية باردة واول مامشي تروح واثناء السير مؤشر الحرارة لا يزيد عن معدله الطبيعي تاني حاجة ودي متهيألي مش مهمة لانها برده بتروح اول مامشي وهو مفتاح الصيانة
حد ممكن يفيدنا اية سبب ظهور علامة الحرارة دي والعربية لسة باردة وكيفيه ازالة مفتاح الصيانة
ولكم الشكر
بالنسبة للحرارة اكشف على قربة المياه هل مشروخة وبتسرب مياه ام لا
ولو لقيتها سليمة يبقى انت كده محتاج تغير طلمبة المياه , أنا لسه مغيرها من اسبوعين و سعرها 200 جنيه
وموضوع قربة و طلمبة المياه ده مشهور فى الاسبرانزا انا اعرف كذا واحد معاه اسبرانزا والطلمبة باظت وغيرها
وبالنسبة لإطفاء لمبة الصيانة:
١- ادخل المفتاح فى الكونتاكت بدون ادارته
٢- قم بالضغط على زر ضبط عداد الرحلات و استمر فى الضغط عليه
٣- ادر المفتاح فى الكونتاكت بدون أداره الموتور
٤- اترك زر ضبط عداد الرحلات
٥- اضغط بسرعه على زر ضبط عداد الرحلات و معاه زر اعاده ضبط الساعه فى نفس الوقت
٦- سيتم إطفاء لمبه الصيانه ان شاء الله
جربها كذا مرة لغاية ماتنجح , هى دى الطريقة الوحيده بس ممكن ماتجيش من أول مرة
شكرا ياغالي بالنسبة للقربه لو مكسورة مش هايفضل عداد الحرارة مستمر ---؟ بس دا بيختفي اول مااسير بالسيارة لو 2 متر حتي وكذاا مفتاح الصيانة والعربية لما تسخن تبقي ف وضعها الطبيعي يعني قبل ال90 بشرطتتين مثلا
بالنسبة لعلامة الحرارة اتشال لما شيلت كابل البطارية السالب والموجب اما مفتاح الصيانة فلسة موجود للاسف
العربية فيها سنسور في طرمبة المية بينور لو المية قلت عن الطبيعي حتي لو العربية مش سخنة ....
بص في القربة المية مظبوطة ولا تحت المينيمم...
و ابقي اتأكد ان القربة مش مشرخة لان هيه بتحتاج تتغير سنويا تقريبا ...
انما اول مرة اسمع ان الطلمبة بتحتاج تتغير ......؟؟؟؟!!!!!