100000000 مبروك يا باشا وربينا يكفيك شرها بأذن الله
عرض للطباعة
100000000 مبروك يا باشا وربينا يكفيك شرها بأذن الله
[QUOTE=الجنرال;3875353761]
الــ Immobilizer موجود فى الكتالوج
الـ fuel cut off device لسه مقابلتوش فى الكتالوج . بس انا قبل الشراء كنت طلبت من التوكيل بيان تفصيلى بمواصفات العربية عشان كنت بقارن بينها و بين عربيات تانية و كان مذكور فى البيان ده
اما بالنسبة لتشغيله , هو بيشتغل اتوماتيك فى الحالة الحوادث لا قدر الله بيقوم بقطع امداد البنزين الواصل للموتور للامان و منع حدوث حرائق .
تقرير أكثر من رائع
الف مبروك ، إختيار موفق للغايه
ما شاء الله تقرير جميل جدا ربنا يباركلك فيها و يكفيك شرها و يسعدك بيها دائما
ما شاء الله تبارك , كفيت ووفيت , تقرير أكثر من رائع :)
ربنا يبارك لك ويحفظك ويحفظ السيارة من كل سوء
عقبال ما توصل لأول صيانة وكلك رضى عن أداء السيارة :Bravo:
تقرير فوق الممتاز رائع
تقريرك ده والله كان احد الاسباب الرئيسية يااستاذ اسلام انى جبت العربية دى...فعلا تقري مفييد ..ولازم تطالب شركة عز العرب بنسبة فى ارباح المبيعات لانهم فشلوا فى تسويق العربية دى..ربنا يبارك فيك
الف مبروك العربية جميلة ما شاء الله ربنا يحميهالك ويحفظها من كل شر ويديك خيرها :)
مبرووووك على العربيه مع انها جااات. متاخره كتييييير
كنت عايز اسالك عن ثباتها و خاصه على السرعات العاليه رينج ١٦٠ ،،، ١٧٠
علشان بسافر كتييير قوى
و هتفرق فى الثبات عن الانسر البومه
شكرا لمجهوداتك
الله يبارك فيك و فى كل واحد شرفنى و قرا التقرير و بشكركم لمروركم الكريم
بالنسبة لموضوع الثبات و ده كان يهمنى عشان انا بسافر كتير زى حضرتك ..
عشان اكون صادق مع حضرتك موضوع الثبات ده هيختلف على حسب حضرتك كنت نازل من ايه
انا مجربتش اللانسر فى الجرى و هى stock
اللانسر اللى جربتها كانت متعدلة عفشتها بالكامل و جنوط كبيرة فا مينفعش نقيس عليها لكن اقدر اقولك على حاجة انا جربتها بنفسى وهى الكيا سيراتو الاليزيه كثبات افضل من السيراتو
العربية سرعتها مقفولة على 190 كم/ساعة او تحديدا 188كم
بس هى بتوصل للسرعة دى بسهولة بتكييف و من غير
انا جبت بيها سرعة 190 كم/ساعة 3 مرات حتى الان و فى طرق السفر لو الطريق يسمح غالبا بثبت على 180 كم/ساعة
العربية كثبات مش هتزعلك و تقدر تاخد بيها ملفات و غرز على سرعات عالية ( جربتها على سرعة 160 كم/ساعة ) لكن فى الاول و الاخر ده بيعتمد على سواقتك و تمكنك من الطريق
العربية فراملها ممتازة و بتلم العربية بطريقة كويسة جدا و تخدمك على سرعات عالية
جزئية ان العربية ضهرها يفتح فى الملفات مع السرعة مقدرش افيدك فيها اوى عشان لازم يكون الكلام دقيق فى النقطة دى بالذات و يكون فى قياس دقيق لزاوية الملف بس هى مفتحتش منى غير مرة واحدة فى ملف على 170 كم/ساعة مع المحافظة على الحارة اثناء الدوران
لو بتقارن بـ اللانسر هيعجبك الباور الكهربا بتاعها و خفته فى الركنات و ثقله على السرعات العالية و احساسك بالتملك من السيارة و السيطرة اثناء الجرى من ثقل الدريكسيون و ثباته و عدم تاثره بشكل كبير بخشونة او بسوء جودة الطريق تحت العجل و انت بتجرى رد فعل الدريكسيون من الطريق موزون و ثابت مقارنة بـ اللانسر
النقطة اللى مش فى صالح العربية فى رأى هى وزنها , العربية وزنها خفيف نوعا ما و ده هيبان تاثيره معاك فى مطبات الهوا , هتحس رد فعل العربية مع مطبات الهوا لو انت على سرعة انه زيادة شوية .
اتمنى انى اكون قدرت اساعدك و وصتلك فكرة و لو قريبة عن اداء العربية .
تحياتى
_________________________
تقرير ممتاز جدا
ربنا يبارك
تقرير اكتر من ممتاز وشكرا حقيقي عليه وانا بحب ماركه ستروين
تقرير هايل
الف مبروك يا زعيم
و ربنا يديك خيرها و يكفيك شرها
انا كنت فى مركز الصيانة وقلت اسأل على مشاكل الأليزيه وقالوا ان هى بسبب الوفت وير ودلوقتى مفيش اى مشكلة للعربية
بس حبيت اسأل ايه نظام قطع الغيار فا قالى ان سعرها معقول فا قولتله طب تيل الفرامل بكام فا قالى 800 جنيه !!!
المبلغ ده كده مش كتير شوية ؟؟
شكرا جزيلً ليكم يا جماعة والله اسعتدونى بتعليقاتكم و شرفتونى بمروركم الكريم و قراءة التقرير
بالنسبة لسؤالك أ/ punisher
مش عارف حضرتك تقصد ايه بمركز الصيانة , هل حضرتك تقصد مركز الصيانة التابع للتوكيل و لا ايه ؟؟
اللى اعرفه ان سعر تيل الفرامل امامى 435 جنيه
و سعر تيل الفرامل خلفى 550 جنيه
عموما هاتصل بالتوكيل فى اقرب فرصة للتاكد .
_______________
تحياتى
مركز الصيانة اللى اقصده هو ( المصرية الاوروبية ) فى اسكندرية وده اللى ماسك صيانة بروتون وسيتروين وبريليانس
ياريت حضرتك تتأكد من الموضوع ده ضرورى عشان اللى انا شايفه انهم منزلين العربية بسعر أقل بكتير من امكانياتها بس معوضين الفرق ده فى قطع الغيار ( زى زمان الواحد كان يشترى طابعة حبر ب 250 جنيه ولما الحبر يخلص يحب يغير الكارتريدج كانت ب 260 !!! )
طيب ياريت حد يتاكد عشان انا قلتله ده سعره غالي قالي ان ده الاصلي شامل الضريبه وبتاع بروتون ب 1500 !!! فا كده سعره كويس جدا
اكيد سعر دة الامامي مع الخلفي وهو غالي 800 جنية دة الواحد هيغير الامامي كل 10 الف كيلو
الحل ان حد يتاكد ويقولنا السعر كام بالضبط عشان انا اعتقد انه يقصد 800 للامامي فقط عشان لو الاتنين ب 985 علي حسب ما قلتم مش 800
وياريت لو نعرف باقي اسعار قطع الغيار ايه
وهل هي متوافرة خارج التوكيل وفين؟
الف مبروك وتقريرك ممتاز ومميز وشامل كل التفاصيل الدقيقة
أولاً شكرا على التقرير المميز
ثانياً سؤال لما بقفل العربية بعد ما بخرج منها بالريموت ما بتديش صوت خالص حتى لما بقفل ويكون فيه باب مش مقفول كويس بتدي فلاش بس من غير صوت هوه ده عادي ولا ممكن الصوت يتفعل
وسؤال تاني لو حبيت اركب جهاز gps اللي بيفصل كهرباء عن الموتور هل حأخرج من الضمان
الشكر لله يا افندم
متشكر لذوقك
العربية نازلة بـ ايموبليزر ( مانع ادارة السيارة بدون المفتاح الاصلى ) عشان كده التوكيل منزلها من غير جهاز انذار
و لعدم وجود جهاز انذار فمفيش صوت اصلا المفروض يطلع عشان يتفعل او لا
ثانيا : جهاز gps ليس له علاقة بفصل الكهرباء عن الموتور ده خاص بالملاحة والخرائط و فيه منه بيستخدم لتببع السيارة و معرفة مكانها فى حالة السرقة لا قدر الله
لو حضرتك خايف من السرقة فا وجود الايموبليزر يطمنك لانها يستحيل تشتغل غير بالمفتاح الاصلى
اما بالنسبة لتركيب اى كماليات كهربية التوكيل فالغالب بيرفض و بيقول انها ممكن تخرج الضفيرة من الضمان ممكن حضرتك تسالهم و تتاكد او تجيب منتج ماركة كويسة و تركبه فى التوكيل بس تسالهم برضه قبل ما تشترى
تحياتى .
شكراً جزيلاً على الاهتمام و الرد ، هوه المشكلة بصراحة موضوع الاشارات الضوئية دي غلسة قوي ، يعني مثلاً لو انت نزلت من العربية وفي باب مش مقفول كويس وقفلت بالريموت كل اللي حتعمله العربية انها تعمل كام فلاش وخلاص ولو واحد مش منتبه أو باصص ناحيتها ولا حيحس بيها في عكس لما بتشغل السرينة مثلاً وطبعاً معنى كده لو جه حد علشان يسرق كاسيت ولا حاجة وكسر الزجاج حتقعد تدي فلاشات برضه وخلاص ودي حاجة غريبة جدا بصراحة
Thaaaaanx
بسم الله الرحمن الرحيم
الأخ إسلام
لقد أذهلتنا بهذا التقرير الرائع. . . لك منى كل الشكر والتقدير . . . أنا مهندس و أفرق جيدآ بين التقرير الفنى الضعيف و بين التقرير الإحترافى الذى صنعته حضرتك.
بارك الله لك فيها و متعك بكل خيرها و كفاك كل شرها
السلام عليكم و رحمة الله وبركاته
الف مبروك يا استاذ اسلام و ربنا يباركلك ف السيارة
و تقرير متميز جدا من حضرتك و اسلوب رائع و لبق
و يكفى احترامك للاعضاء و الرد عليهم و الاهتمام منك
تسلم ايدك بجد
ممكن اعرف سعرها دلوقتي كام