مشكلة فى السنتر لوك

**bekato4** · 21-12-2013 04:31 PM

الدنيا مطرت السنتر مبقاش شغال خالص وكمان المانيول مش شغال يعنى من الاخر مش عارف افتح ال4 ابواب وبركب العربيخ من الشنطه اعمل ايه اعمل ايه

**tamer hassan** · 21-12-2013 04:34 PM

انا حصلي نفس المشكلة دي بس كان شغال مانيوال موصلتش للركوب من الشنطة بس لما نشفت رجع يشتغل تاني عادي بجد مش عارف هو اية الحوار دة ( الدنيا تشتي علي العربية السنتر يفصل )

**bekato4** · 21-12-2013 05:55 PM

روحت لواحد بس شكله بطيخه قالى ال4 اربه اللى فى البيان اتحرقوا مصدقتوش

**elbasha2020** · 23-12-2013 01:34 PM

المشاركة الأصلية كتبت بواسطة bekato4

الدنيا مطرت السنتر مبقاش شغال خالص وكمان المانيول مش شغال يعنى من الاخر مش عارف افتح ال4 ابواب وبركب العربيخ من الشنطه

اعمل ايه اعمل ايه

حضرتك ده جهاز السنتر لوك عباره عن ماتور صغير بيسحب السقاطة عندي في الدوجان فيات باب مش بيفتح فكيت الباب و لاقيت فعلا السنتر معلق دخله مايه و قفش

هو عبارة عن ماتور زي اللي في اللعب الاطفال بس علي كبير شوية بيسحب علي ترسين وبعكس التيار بيطلع لقدام وبيرجع للخلف المهم شلته من الباب اشتغل الباب عااادي وروحت غيرته بواحد جديد واشتغل فله