انا عايز اعرف ايه احسن نوع طنابير للفيكترا b2 اقدر اجيبه لان الاربع طنابير عندى خلاص ماتو
عرض للطباعة
انا عايز اعرف ايه احسن نوع طنابير للفيكترا b2 اقدر اجيبه لان الاربع طنابير عندى خلاص ماتو
عندى طنابير خلفيه بالتيل بتاعهم حالتهم كويسه جدا فكيتهم عشان جبت اتنين استيراد بفرامل سكاكين
لو عاوز تجيب طنابير سكاكين زى اللى انا جبتهم يبقى هاتروح تجيب من الحرفيين الطنبورتين بالاجهزه والتيل ب ٤٠٠ جنيه واعتقد ان الامامى هايبقى فى نفس السعر
تحياتى
انا جربت الريمسا
و ناس بتقول ال sk حلوه
و اكيد طبعاً الجى ام
انا جربت ريمسا قدام حلوه .. بس رايى من راى استاذ هشام .. طالما هتغير طنابير ورا غيرهم لسكاكين ..
طب فية نوع اسمه swag صناعة ألمانى اية رأيكم فية حد يعرفة
بصراحه انا ماجربتش الجديد .. والاستاذ طنانى ادرى واحد بيه لانه اكيد ركبه فى اكتر من عربيه فى المركز عنده .. بس انا رأيي المتواضع انه يروح يبص على الاستيراد الاول .. انا بصراحه جايب طنبورتين ولله الحمد بحالتهم
تحياتى
راى من راى طنانى باشا
الريمسا جربتها امامى كويسه جدا و الجى ام اكيد افضل
و الفرامل الخلفية غيرها احسن سكاكين انا مسمار السوستة اللى بيمسك فردة القبقاب و المسوجر اللى بتمسك فييهم السوستة اللى فوق ضيعهم الميكانيكى باشا قابل بقى يا معلم حك و تصفير و فرامل زى الزفت
لكن السكاكين هتريح دماغك زائد فرامل حديد
يعنى ايه سكاكين انا كل معلوماتى عن الطانبير العندى 5 مسامير لانى عندى جنط 16
disc brake هى السكاكين و دى زى الطنابير الامامية ( التيل بيبقى لقم disc brake pads) عمر قصير بس فرامل حديد
drum brake دى بتبقى فى الخلفى لحد موديل 2000 تقريبا و دى عمرها اطول بس فرامل اوحش (التيل بيبقى قبقاب drum brake shoes)
انت بتقول 5 مسمار يبقى 99% سكاكين
تسلم يا باشا على التوضيح والصور الفعلا فهمت منها لا انا فرامل بتعتى سكاكين لان انا موديل عربيتى 2002 ايكوتيك
وشكل الفرامل عندى وره زى قدام سكاكين الفكره بقا انى بدور على نوع طنبير يكون كويس ومحترم ومع احترامى للاراى الاعضاء الافاضل الشركونا بمعلومتهم ان فى بعض قطع الغيار فى العربيه متنفعش تتجاب استيراد منهم التيل والطنابير لازم جديد
رأى ريمسا او جى ام
طيب يا باشا تسلم على المعلومه بس هما ثمن الطنابير قدام ووره الريمسه وثمنهم كام لو جى ام معلش انا عارف انى بتقل عليكوا بس انا عندى اجازه 3 ايام بس عايز اعمل فيهم كل حاجه للصيانه
بعد اذن سيادتك ممكن اعرف الاقي تيل الفرامل Mintex فين او لو حضرتك عندك فكرة عن المستورد يبقا جزاك الله خير وشكرا