-
جى ام مناسب !!!
السلام عليكم ....
محتاج راى الخبراء فى جى ام محترم بس يكون غير السيمفونى عايز اشغل عليه السوند دة
السماعات دى للرف
Kenwood KFC-S6984, 6x9 Speakers | Kenwood Car Audio Online
و دى للابواب
Alpine Electronics of America, Inc.
و دة صب Alpine بس مش عارف الalpine كويس ولا اجيب JBL ????
Alpine Electronics of America, Inc.
عايز جى ام محترم يقوم كل دول و لو حد فاهم فى حوار ال 2Ω و 4Ω دة ياريت يفهمنى علشان مش فاهمو يعنى لو صب 4Ω اتوصل مكان ال2Ω فى الجى ام يحصل حاجة ؟؟؟
-
-
الصب ده محترم جدا طبعا انا معايا اخوه بس للاسف لازمله جي ام قوي يقومه !!
ومافيش هنا في مصر جي ام خرجه قوي الا السيمفوني والسيمفوني البيزة بتاعته خشنة ومش نقية خالص !!
انا حاليا بفكر اجيب جي ام كينود 720 وات 4 شانيل واشغل الصب عليه 2 اوم
الفرق مابين ال 2 او وال 4 اوم
ان الصب بيبقى خارج منه 4 سلوك ( + / - / + / - )
غالبا او معظم الناس بتوصل السالب الداخلي للصب مع الموجب الداخلي ببعض وتخرج من الصب فرديتن بس وتعملهم بريدج على الجي ام
انا بقى بفكر اخرج الاربع مخارج للصب واوصل كل فردتين بردج على 2 شانيل للجي ام الكينود
لو الحوار ده نفع هبقى اقولك
بس في جميع الاحوال مش هتلاقي جي ام يقوم السماعات والصب ده مع بعض الا جي ام بنش بيتباع عن السجان ب 1750 جنيه
وطبعا سماعات الابواب كدة كدة هتركب على الكاسيت
-
يعنى سماعات الابواب بلاش اوصلها على جى ام ؟؟؟
انا لقيت الجى ام دة و مش محتاج ال500 RMS بتوع الصب كلهم 300 بس يبقا كويس ولا انت ايه رأيك و هجيبو للسماعات الرف و الصب مع بعض
Kenwood Electronics UK Ltd. | Amplifiers > KAC-6203 (details)
-
طب مانت وفر الفلوس يا ريس وجيب صب اقل قوة طالما انت كدة كدة مش هتستفيد بقوة الصب ال Alpine كلها !!
وفي جميع الاحوال الكينود ال 500 4 شانيل على صب وسماعتين ضعيف !!
جيب الكينود ال 720 4 شانيل لسه سال عليه النهارده ب 800 جنيه
والسماعات المدورة طبعا بتبقى ضعيفة مش محتاجة جي ام
الكاسيت بيقومها كويس
-
منا عجبنى الAlpine والله و غير كدة الميزانية :)
بس الجى ام اللى انا وريتهولك دة 600 وات و 2 شانيل ينفع اشغل السماعات الكينوود عليه هوا والصب ؟ بس الصب هيبقا شغال 300RMS و كدة هيبقا عالى جدا بردو و هسمع الشارع كلو :D
السماعات المدورة 300وات و 100RMS فأشغلها من غير جى ام ولا اجيبلها جى ام !!!!
-
الجي ام ده هيبقى برضوا ضعيف على الصب لان لازم تخلي بالك من نقطة
انك مش هتقدر تعلي الجي ام على الاخر عشان مايتحرقش منك فبالتالي انت مش هتاخد ال 300 rms بتوع الجي ام كلهم يعني اخرك ممكن تعلي الجي ام على بعد النص بشوية عشان تحافظ عليه فبرضوا هيبقى ضعيف على الصب
الصب ال Alpine ده محتاج كينود 1000 وات 2 شانيل او تتنازل وتجيب سيمفوني
ومين قال ان السماعات المدورة 100 rms ؟ انا جايب السوني ال 350 وات بالتويتر بتاعتها و 60 rms
-
تمام الجى ام الكينوود ال1000وات 2 شانيل بس مش هينفع على السماعات الكينوود علشان 2x170 و هيا اصلن 110 بس
بالنسبة للسماعات المدورة مكتوب فى التفاصيل انها 300وات 100RMS :)
-
ماهو يا باشا كدة كدة الجي ام ال 2 شانيل ده ماينفعش يركب عليه اي حاجة غير الصب فقط !!!
انت عشان تركب صب وسماعات على نفس الجي ام لازم يكون 4 شانيل
بالتالي الكينود ال 1000 وات ده هيبقى للصب بس وللاسف مش موجود الا عند السجان وبيتباع ب 1250
انت ايه نوع السماعات المدورة اللى اشتريتها ؟ ولا لسه ماشترتش ؟
-
اه تمااااام انت وضحتلى الفرق كدة :D
انا لسا بدور على الAlpine دى و لو لقتها هجبها على طول بس دى 17 سم ممكن تركب مكان 13 سم ؟؟ انا عربيتى نيسان صنى 2010 مش عارف المقاس بظبط :(
-
بص ماتتعبش نفسك بانك تشوف حجات حلوة على النت لانك مش هتلاقيها هنا في مصر !! وهتبقى بتتحسر على حال بلدك على الفاضي !!
غالبا السماعات المدورة دي مش موجوة هنا في مصر
بس ممكن تسال عليها كدة وشوف !! انا شفت سماعات Alpine مدورة قبل كدة بس كانت ضعيفة ماكنتش زي اللى في اللنك
وعن نفسي ارشحلك في المدور السوني ال 350 وات ال 16 سم دي ممتازة وعن تجربة
-
و البيز بتاعها كويس ؟؟؟؟ علشان سمعت ان السونى مش كويس فى البيز
-
لا كويسة وبعدين السماعات المدورة بتاعة الابواب مش بتبقى محتاج منها اكتر من توزيع صوت وتربلات
البيز بيبقى جاي من ورا
-
تمام تمنها كام دى ؟؟ و ممكن اركبها مكان ال 13 سم ولا ايه !
-
260 جنيه تقريبا ومش متاكد الصراحة تركب مكان ال 13 سم ولا لاء
بس غالبا تركب
-
ماشى يا باشا انا هجبها و على ضمنتك بقا :d
و تسلم يا كبيييير على المساعدة دى :)
-
باشا انا عندى جى ام بيونير 400 وات 2 شانيل
بقالو معاية 5 شهور تقريبا موصل علية صب فيديك امريكى 12 بوصة وشغال زى الفل
دة رقمى لو يلزمك 01009702701
Content Relevant URLs by
vBSEO 3.6.0 PL2