انا صيدليتي اتسرقت في عز النهار وقت الفطار !!

الاول الحمد الله
قدر الله ما شاء فعل

الحكايه كالتالي
انا ماكنتش موجود في الصيدليه اليوم ده
كان ولقف الدكتوره الكبيره اللي هي والدتي

وقفلت قبل المغرب بربع ساعه عشان تطلع تفطر
ونزلت يعد الفطار بنص ساعه


لقينا الباب مكسور
والدرج مفتوح
وأخدوا الفلوس كلها
وكمان كنا سايبين فلوس الكهربا وفلوس بعض الشركات عشان ميعاد تحصيلهم كان النهارده

ياللا
الحمد الله

بس مش عارف ابن ال...............ز اللي بيسرق وقت اذان المغرب ده !!

ربنا ياخده ولو وقع في ايدي هاحط الصاعق الكهربائي اللي اشتريته من امير في قفاه وهاعمله كفته مشويه:beatdeadhorse5::beatdeadhorse5::2:

لا حول ولا قوة الا بالله
قدر الله وما شاء فعل
اصبر واحتسب
وماتبقوش تسيبو فلوس كتير كدة ولو لدقايق
البلد جاعت يا دكترة

فعلا الموضوع اصبح ظاهرة ...انتشار السرقة في وضح النهار..والاسباب لا تخفى على الجميع...انا لا التمس العذر للسارق ...بس الغلابه كتير جدا
المهم ان احنا نتعلم من الموقف و ربنا يعوض عليك و فداك وفدى السيده الوالده اذ لا قدر الله كان ممكن حد يخش عليها الصيدلية و هي لوحدها ...قدر الله و ما شاء فعل

لا اله الا الله :(
قول اللهم اجرنى فى مصيبتي و اخلف لي خيرا منها
معلش قدر الله و ما شاء فعل
والله يا دكتور طول ما هي على قد شوية فلوس يبقي خير والله ربنا ميجيبش حاجة وحشة
ربنا يعوض عليك يا رب

ربنا يعوض عليك يا دكتور
و الحمد لله انها جات علي قد كده

ربنا يعوضك ونصيحه
اعمل باب حديد تقيل للصيدليه برة
وياريت متسيبش فيها فلوس
ولو عندك ادويه تابعه للجدول اما تشيلها من الصيدليه لو بيتك قريب وتبقى تبعت تجيبها و تحطها فى حاجاه صعبه الكسر
وحاول ترخص سلاح شخصى وحطه فى الصيدليه لو انت خدمه 24 ساعه وربنا يعوض عليك فى اللى اتسرق

عادي و الله ربنا يعوض عليك

عن ام سلمه رضي الله عنها قالت : سمعت رسول الله صلى الله عليه وسلم يقول : « ما من عبد تصيبه مصيبة ، فيقول : إنا لله وإنا إليه راجعون : اللهم أجرني في مصيبتي ، واخلف لي خيرا منها، إلا أجره الله تعالى في مصيبته وأخلف له خيرا منها . قالت : فلما توفي أبو سلمة ، قلت كما أمرني رسول الله صلى الله عليه وسلم فأخلف الله لي خيرا منه رسول الله صلى الله عليه وسلم . رواه مسلم

اقتباس:

---

المشاركة الأصلية كتبت بواسطة ahmodium

الاول الحمد الله
قدر الله ما شاء فعل

الحكايه كالتالي
انا ماكنتش موجود في الصيدليه اليوم ده
كان ولقف الدكتوره الكبيره اللي هي والدتي

وقفلت قبل المغرب بربع ساعه عشان تطلع تفطر
ونزلت يعد الفطار بنص ساعه


لقينا الباب مكسور
والدرج مفتوح
وأخدوا الفلوس كلها
وكمان كنا سايبين فلوس الكهربا وفلوس بعض الشركات عشان ميعاد تحصيلهم كان النهارده

ياللا
الحمد الله

بس مش عارف ابن ال...............ز اللي بيسرق وقت اذان المغرب ده !!

ربنا ياخده ولو وقع في ايدي هاحط الصاعق الكهربائي اللي اشتريته من امير في قفاه وهاعمله كفته مشويه:beatdeadhorse5::beatdeadhorse5::2:

---

انا بجد زعلان من اللي حصلك و خصوصا و انت شاريه مخصوص لهدف حمايه صيدليتك, احمد ربنا علي كل شيء و ده قدرك اللي ممكن يكون ربنا خفف عليك فيه انكو مكنتوش موجودين الله اعلم كان ممكن يعملو فيكو حاجه كده ولا كده لاقدر الله و ساعتها فلوس الدنيا مكنتش هتعوضك
الحمد لله علي كل شيء قدر و لطف
و حاول فعلا تعمل باب حديد زي ما الاخوه نصحوك و لو تجيب حد يساعدك انت و والدتك في الصيدليه حاول تجيبه يكون راجل طويل عريض و شكله يخض
و لو حالتك الماديه تسمح حاول تشوف شركات الامن اللي بتأجر افراد امن( ضخام الجثه مش بتوع الانيميا)
و ربنا يعوضك خير
انا اسف ليك جدا

الحمد الله وقدر الله ما شاء فعل

هو انا عندي باب صاج للصيدليه الخارجي

بس ده بنقفله بالليل لأنه باب رخم في فتحه وقفله

المهم الواحد أصبح بيمشي وعينه في وسط راسه

الحراميه كتروا اوي

ربنا يستر علينا كلنا

يعنى الحرامى الغبى ده ساب الأدوية الجدول الى فى الصيدلة الى ممكن تتباع بمبلغ أكبر من الفلوس الى فى الدرج :blink4::blink4::blink4:
ممكن لو الصيدلية ببابين ممكن تعمل لكل باب ترباس من جوة و بدل بين البابين يوم تقفل الباب ده من جوة و يوم تقفل الباب ده من جوه و ممكن تعمل ترابيس و كوالين فى كل حتة فى واحد أعرفه عامل كدا بعد لما الصيدلية كانت حتتسرق و فى يوم حاول حرامى تانى يكسر القفل الى فى الباب الى مقفول بالترباس من جوة فمعرفش يفتح الباب فمشى و سابه

بس أقولك لو عرفته هاته و حطه تحت كاوتش عربية نقل تقيل و أفرك بالعربية فوقه:gun_bandana::2guns:

اقتباس:

---

المشاركة الأصلية كتبت بواسطة ahmodium

الحمد الله وقدر الله ما شاء فعل

هو انا عندي باب صاج للصيدليه الخارجي

بس ده بنقفله بالليل لأنه باب رخم في فتحه وقفله

المهم الواحد أصبح بيمشي وعينه في وسط راسه

الحراميه كتروا اوي

ربنا يستر علينا كلنا

---

لو الباب بيغلس في الفتح و القفل كده جرب wdh40 معاه (اللسائل بتاع ازاله الصدء بتاع الربيات ده) مش غالي حوالي 40 جنيه و هيزيل الصدء عن المفصلات و ان شاء الله الباب يبقي خفيف و شوف جديا موضوع انك تعمل قفل داخلي للباب الحديد
و ربنا يعينك علي المنطقه اللي انت فيها علشان انا اشتغلت فتره في مستوصف هناك و اقل ما يقال عن الموضوع ده ان القوانين و سطوته بتبان و بتنفذ في الاماكن الراقيه لكن غالبيه الاحياء الشعبيه بتبقي سطوه الدراع و البلطجه هم القوانين السائده لا تلاقي امن ولا بوليس ولا يحزنون
انا مره موبيلي وقع مني و اللي لقاه قالي اجيله عند موقف ناهيا
و هناك لاقيت شله متقلش عن 15 واحد و بيقولي 200 جنيه حق الناس دي و حلاوتهم, و كان معانا واحد صاحبي كان لسه في كليه شرطه سابنا و راح يجيب عربيه دوريه
البهوات طلعو علي كوبري ناهيا يجرو و بشوات عربيه الاتاري خافو يجرو وراهم و قالو ورانا عيال نربيها و الله العظيم ده حصل و جريت انا وراهم و مسكت اتنين و ساعتها بس العربيه فضلت علي بال ما وصلت اتنين من الشله ليها
البلد دي مفهاش لا امن ولا امان و الناس اتسعرت
قانون الغابه هو المسيطر و لو انت بلطجي الناس تخشاك

رينا يعوض عليك
معلش قدر الله و ماشاء فعل

أخى الفاضل قدر الله وماشاء فعل
الحمدلله انها جت على قد كده ولكن المفروض انك تقفل الصيدلية بالباب الصاج اللى انت قلت عليه لان أفضل وقت للسرقة بالنسبة للحرامى هو وقت الافطار ووقت قبل صلاة الفجر بساعة وبعد الصلاة بشوية لان الشوارع بتكون فاضية تماما
ربنا يحفظ أموالنا وأموال المسلمين

انا النهارده اتفقت مع واحد بتاع مفاتيح
هايركبلي كوالين زياده واٌفال زياده
بس هاييجي بكره الصبح

انا بقالي 3 ايام مش عارف انام

خايف انام والصيدليه تتسرق

يا عالم

ماهو ممكن القفل اللي على الباب الصاج يتسرق كمان !!

الواحد ما بقاش يحس بأمان نهائيا

الحمد الله
وقدر الله وما شاء فعل

اقتباس:

---

المشاركة الأصلية كتبت بواسطة lancerevolution

ممكن لو الصيدلية ببابين ممكن تعمل لكل باب ترباس من جوة و بدل بين البابين يوم تقفل الباب ده من جوة و يوم تقفل الباب ده من جوه و ممكن تعمل ترابيس و كوالين فى كل حتة فى واحد أعرفه عامل كدا بعد لما الصيدلية كانت حتتسرق و فى يوم حاول حرامى تانى يكسر القفل الى فى الباب الى مقفول بالترباس من جوة فمعرفش يفتح الباب فمشى و سابه

---

شوف الموضوع ده و ربنا يعوضك خير

ربنا يعوض عليك يا دكتور احتسب عند الله والحمد الله ان مافيش حد كان في الصيدليه

الحمد الله

ربنا يعوض عليك واحمد ربنا ان محدش فيكم كان موجود ساعتها

لا حول ولا قوة الا بالله
قدر الله وما شاء فعل

لا حول ولا قوة الا بالله، ربنا يعوض عليكم

بس بالنسبة لحكاية السرقة وقت اذان المغرب... انت مستغرب

لية؟!! دة حرامـــــــــــــي !!


دة في حرامية بيطلعوا يحجوا علشان يسرقوا هناك مخصوص

ودي بتبقى مواسم عندهم، الحرامي اخر حاجة هيفكر فيها الديانات

او الحساب، اصل لو هو هيفكر كدة مكانش سرق من الاساس.

أجارك الله في مصيبتك و خلف عليك خيرا منها
باب حديد اوكرديون من اللي بيتقفل بالعرض يحللك المشكلة بس هو غالي حبتين

انا ماعملتش محضر

لأقتناعي انه مالوش لازمه في هذه البلد

لان اللي اتسرق مش هايرجع


البلد دي محتاجه نحس فيها بالامان

ونحس فيها بان الشرطه موجوده

وان الواحد لما يشوف شرطي يحس بالامان
مش بالخوف منه

ربنا يعوض عليك ..
الحمد لله على كل شيء ..

انا بقى اتسرقت في الصيدلية وانا واقفة كده عيني عينك (وكأني كيس جوافة ) ..:blush5:

احنا حاطين البامبرز وحاجات الاطفال جنب باب الصيدلية :biggrin24:
دخل واحد .. بكام ده ؟..
ب 74 جنيه ..
وده ؟
زيه ..
راح شايل الكيسين وطلع يجري !!!! واكيد مش هسيب الصيدلية واطلع اجري وراه ..
والحمد لله انها جت على قد كيسين بامبرز مش علبة بلافيكس :biggrin24:

اقتباس:

---

المشاركة الأصلية كتبت بواسطة Miss_Pharma

راح شايل الكيسين وطلع يجري !!!! واكيد مش هسيب الصيدلية واطلع اجري وراه ..
والحمد لله انها جت على قد كيسين بامبرز مش علبة بلافيكس :biggrin24:

---

ما هو ده المطلوب عشان يدخل زميله ياخد علبة ال
بلا
بلا
بلا ايه ده بتاع ايه

لا حول ولا قوة إلا بالله

قدر الله و ماشاء فعل

علي فكرة سرقة الصيدليات خصيصا اصبحت هي موضة السنة دي

انا اعرف دكتور صيدلي اتسرقت الصيدلية بتاعتة اكتر من نره بالليل و بنفس الطريقة يكسر القفل و ياخد كل السيولة المادية الموجودة بالدرج و لو فيه حاجة خفيفة ممكن تتاخد مافيش مانع
و علي عينك يا تاجر

البلد اصبحت حاجة لا تحتمل و لسه ياماااااااااااااااااااا هنشوف لأن الجوع وحش

ربنا يستر

اقتباس:

---

المشاركة الأصلية كتبت بواسطة Miss_Pharma

COLOR]
والحمد لله انها جت على قد كيسين بامبرز مش علبة بلافيكس :biggrin24:

---

هو ايه الـــ بلافيكس دا يا دكتوره دا برشام دا و لا ايه

الظاهر انه حاجة غاليه جدا

اقتباس:

---

المشاركة الأصلية كتبت بواسطة karim_monir

ما هو ده المطلوب عشان يدخل زميله ياخد علبة ال
بلا
بلا
بلا ايه ده بتاع ايه

---

اقتباس:

---

المشاركة الأصلية كتبت بواسطة mostafabakry

هو ايه الـــ بلافيكس دا يا دكتوره دا برشام دا و لا ايه

الظاهر انه حاجة غاليه جدا

---

:laugh6:
ده دواء بيمنع التجلط لمرضى القلب معروف انه غالي..
العلبة ب 340 جنيه ..
طبعا فيه حاجات اغلى بس ده يعني اللي مشهور ..
ربنا يكفينا ويكفيكم شر المرض ..

ربنا يعوضك خير و عسى ان تكرهوا شيئا و هو خير لكم و المؤمن لا يلدغ من جحر مرتين