اولا يا ريت تيجى على 100 بلبل كان الواحد انقذ ما يمكن انقاذه ...
ثانيا انا ماغلطش لما قلت العيب فى الحكومه مش فينا احنا ..:dunno:
عرض للطباعة
يا دكتور انت بتقول كدة لانك دوكتور و مساعدة المصابين حاجة طبيعية بالنسبالك جدا جدا و لو لا قدر الله حد حاول يتهمك بحاجة حيبقى سهل اوى انك تثبت انك دكتور و بتحاول تساعد المصاب
لكن واحد زى حالاتى حيعمل ايه و يقول ايه؟ حقولهم كنت بساعدة يكتب الاقرار الضريبى بتاعة؟؟
MMamdouh
يا جماعة معظم الردود كارثة إنسانية !! يعنى تخيل نفسك إنت اللى مرمى على الأسفلت مصاب مش قادر تقف على رجلك حتى والعربيات مندفعة حواليك ماحدش عايز يقفلك ولا ياخد بإيدك ؟ إحساسك إيه ساعتها بس ؟؟؟؟؟؟؟؟؟؟؟
أنا ملاحظ إن كل اللى دخلوا فى مشاكل بسبب مساعدتهم لناس مخبوطة ، بيكونوا خبطوهم بالفعل ، صعبان عليك إنك سهرت ليلة فى القسم ومش حاسس بالطرف التانى اللى فقد حياته أو هيعيش بإعاقة ؟؟؟ حتى لو خطأه يمكن ربنا يسترها معاك فى الأزمة دى عشان عملت خير فى المصدوم
فيه أعضاء قالوا إنهم ماخبطوش حد ووقفوا يساعدوا ، وربنا سترها معاهم فى الآخر حتى وإن كانوا مروا بفترة صعبة فى الأول ، إحتسبها عند ربنا يا أخى ، ماحدش معمر فيها !!
نقطة مهمة أوى أوى بقا بعيداً عن الموضوع هو إستخدام الآية الكريمة (لا تلقوا بأيديكم إلى التهلكة) ، كالعادة نستخدمها على مزاجنا فى المناسبة اللى عايزين نبرر فيها سلبيتنا وخلاص ، وكلام ربنا منزه عن هذا ، التهلكة المقصودة هى (ترك الجهاد والإنفاق فى سبيل الله) يعنى معنى الآية لا تتركوا الجهاد والإنفاق فى سبيل الله فتهلكوا ، مافيش أى علاقة بينها وبين إستشهاد البعض بيها لتبرير عدم تقديم المساعدة ! ويمكن مراجعة أى من التفاسير للتأكد من معنى الآية
إنما لو هنستشهد ممكن أقولك كلام نبينا (من لم يهتم بأمر المسلمين فليس منهم) ، والله العظيم لو الموضوع ده حصل معايا هقف وأساعده على قد ما أقدر وبعدين النتايج على ربنا ، هى مش شطارة ، ممكن تجرى وتتشاف نمرتك وكام شاهد وتشيلها برضه ، عامل ربنا أحسن بدل الفهلوة بتاعتنا دى
لا حول ولا قوة الا بالله ... ده الغراب واري أخوه في التراب ... سبحان الله
طبعا ربنا ينتقم من اللي عمل كده و سابه و ان شاء الله هيوريهاله في أعز مالديه.
يا سادة يا أفاضل - "من يتقي الله يجعل له مخرجا" صدق الله العظيم
في أي تصرف ممكن حضراتكو تعملوه : اما انكو تقفو بالعرض مكان ما وقفتوا و توقفوا الشارع عشان تشيلوا الراجل و اكيد ماكنش حد من اللي سايقين هيقول ان انتم اللي خبطوه.
أو تتصلوا بالاسعاف من الموبايل و تبلغوا ...
او تقفوا و تشيلوه و اللي يحصل يحصل...و اكيد في كذا اثبات ان مش حضرتك اللي عملتها ...
أنا عارفة ان لو - لا قدر الله الموقف ده حصل معايا و كان معايا بابا مثلا أو أي حد كان هيقولي اوعي توقفي ... بس أنا في مرة كنت ماشية ببطء شوية و فجأة واحدة بتعدي الشارع خبطت في العربية من الجنب لدرجة أنها و الله كسرت المراية و طبعا جرحت الباب لما وقعت عليه و انا وقفت من الخضة. و لاقيتها قايمة تعيط اني خبطتها و رجليها ورمت و ذراعها أكيد اتكسر (طبعا ده كلامها) و الناس اللي ماشفوش حاجة و جايين من ورايا طبعا قعدوا يدوني في كلام اني مش باعرف اسوق و خلافه. نزلت من العربية و بهدوء قلت للست بصى اللي حصل كذا و كذا يظهر انك دوختي او ماخدتيش بالك انتي عايزة تروحي فين و انا اوصلك غير كده حضرتك اللي غلطانة و انا المفروض اللي اخد تعويض عن المرايا و الباب.
عارفين الناس بمجرد ما لاقيتني نازله من العربية و باتكلم معاها بهدوء نفس الراجل اللي كان نازل يتخانق معايا و عايز يجيب العسكري اني انا اللي خبطتها هو بنفسه قالها لا يا ست اكيد فعلا انت اللي غلطانة و خلاص المسامح كريم و طبعا العسكري اللي ولا به و لا عليه قالي ربنا يعوض عليكي واضح انها ست غلبانة!
يمكن يكون ده موقف اقل بكتير بس ده مجرد مثال .
وحاجة كمان
اللى مرمى على الأرض ده معندوش وقت يستنى الإسعاف أو النجدة
أنا شفت لحظى السئ فيديو على ميتاكافى لترلة خبطت واحد سايق موتوسيكل وبعدين مشيت عليه مرتين .. مش هقول لكم الراجل حصل له إيه لأن مجرد ذكر اللى حصل متعب لأقصى درجة
فسواء لينا خبرة فى الإسعاف أو لا فأول هام نبعد البنى آدم ده عن الخطر لإنه مش هيستنى عربية الإسعاف ولا النجدة - كأنك معدى على واحد بيغرق أو مولّع أو واقع فى بلاعة وماشى عادى وجايز تفكر تتصل بالنجدة!! .. ما إحنا عارفين النجدة بتاعتنا - لو وصلت هتوصل إمتى!!! دا إذا وصلت أساسا!! فأكيد طالما حياته فى خطر شديد لازم تمد له يد العون بسرعة..
بس.. ويارب ما نتحط فى الفتنة دى ويارب ثبتنا على الصح لو قابلناها ويارب ما تحطنا مكان اللى محتاج مساعدة من البشر وإرحمنا برحمتك جميعا وسلم طريقنا كلنا
وبأحيى أخويا الفاضل سامح على التنبيه الصحيح للآية الكريمة (ولا تلقوا بأيديكم إلى التهلكة) لإنها فعلا من الآيات المظلومة بيننا فى إستخدامها دايما فى غير موضعها
هو اللى ايده فى المياه زى اللى ايده فى النار !!!
نقف بالعرض كمان فى طريق اقل واحد ماشي فيه ماشي على 100 او 90 ؟؟؟!! و الاخ ممدوح حكى حكايته 100 مرة واللى حصل له!!
الله اعلم لما الرجل يفوق بعد كل ده هيقول احنا ولا مش احنا وكمان محدش هيشهد كله هيطير ويشوف طريقه محدش هيعطل نفسه علشان ييجى معانا القسم وخلافه !!!!
لو انا شفتك فى الموقف ده هقول على طول انك خبطيها وعايزه تتفاهمى معاها علشان متروحوش القسم ... ده رد الفعل الطبيعى .
و انا ذنبى ايه اترمى فى الحجز و اتعرض على نيابة و اخش محكمة؟؟؟ ما اللى غلط و عمل فهلوى يتحمل نتيجة خطاءة بعيد عنى
اللى مش خايف على روحة مش من حقة يرمى بلاه عليا... طيب انا اتحبست و اترحلت على النيابة و من اول السنة و انا فى حوارات محامين و محاكم و قرف... دا غير نفسيتى و نفسية مراتى و اهلى و مش حقول العربية اللى اتبهدلت عشان واحد فهلوى
اللى عايز يعمل فهلوى يعمل بعيد عنى و اللى عايز يعمل فهلوى يتحمل نتيجة اعمالة... يتخبط... يموت ... يولع بجاز... المهم ان رجلى متجيش فى الموضوع بدون ذنب
قيس على كدة بقى اللى بيوقف يساعد و هو ملوش اصلا فى الموضوع... و يلاقى نفسة داخل فى الحوار كا متهم مع انه بيساعد و عايز يعمل الخير... و ياريت متتكلمش عن الحجز و النيابة و خلافة باستخفاف لانك ماشوفتش التجربة شكلها ايه... و ربنا ما يكتبهاش على حد فيكوا يا رب
انا مازلت عند قرارى... لو لقيت قتيل فى الشارع مش حقف خااااالص
MMamdouh
[ و ياريت متتكلمش عن الحجز و النيابة و خلافة باستخفاف لانك ماشوفتش التجربة شكلها ايه... و ربنا ما يكتبهاش على حد فيكوا يا رب
انا مازلت عند قرارى... لو لقيت قتيل فى الشارع مش حقف خااااالص
MMamdou]
اه فعلا يا جماعه انا اتحكالي عالحجز وكان حجز مدينة نصر كمان يعني النضيف فيهم ربنا ما يوريكم بصو ياجماعه مالاخر لو كنت واد هتتحجز بقه مع حراميه وقتالين قتله وناس زباله شوف هيعملو فيك ايه واغلب البنات اللي مبيسوقوش ومؤيدين للرأي اني اقف واشيل واودي للمستشفى اما تبات ليله في التخشيبه مع احقر بنات المجتمع نفسي اسمع ردهم هيكون ايه واللي انا بقولو ده اخر احترام لا قلت بقه لو حد عجبو هدومك ممكن ياخدها ويديك جلبيه مقطعه زي فيلم زكي شان كده ودكر اتكلم
تخوفات المعترضين جايز تكون منطقية دنيويا
بس مش هتنفع فى الآخرة لما يسألك ربنا عن الروح اللى كنت تقدر تنقذها وهربت منها
وإذا كان الله فى عون العبد مادام العبد فى عون أخيه
وإذا كان بيفرج عن العبد كربة من كربات يوم القيامة لو فرج عن أخيه كربة فى الدنيا
يبقى هنروح فين فى الدنيا والآخرة؟
يا سيدى ارضى بقضاء الله وقدره
وبعدين يمكن انت اتورطت فى موضوع ظلم بس صدقنى محدش يضمن نفسه ثانيه واحده
كلنا فى الشارع وكلنا لا نملك لنفسنا اى شى
ممكن بعد ما اتهاون فى انقاذ شخص ربنا يعاقبنى ويكون لا قدر الله الجزاء من جنس العمل
واحتمال يكون الحادث ده ااختبار من الله لينا فين التراحم بينا
وعموما انت رائيك يحترم وكل انسان يحاسب عن نفسه فقط ربنا يسترها معانا جميعا
يا د. أحمد : كلنا بنخاف من ربنا و من الثواب و العقاب ، و كما تدين تدان ، و كلنا ممكن نشرب من نفس الكأس (اللهم أحفظنا) ، أصلا ماحدش قال نمشى و نسيبه ، قلنا نتصل من اى مكان من غير ما ادخل رجلى فى الموضوع ، و بعدين مش بنتكلم على اللى خبط واحد لا قدر الله ، لو راجعنا هنلاقى كل اللى حصل معاهم كده اتحملوا المسئولية و وصلوه للمستشفى و بيتحملوا تبعات كده سواء هما غلطانين أو لأ ، ربنا يحفظنا و يكفينا الشر جميعا
احنا الكلام ابتدأ أصلا على اللى تلاقيه مخبوط و مرمى فى الشارع و اللى خبطه هرب و سابه ، هنا اللى بنقول بلغ بس بدون ما تقف له علشان ما تتحملش خطأ غيرك و تدفع انت الثمن بداله
و بعدين ممكن نتكلم بواقعية شوية يا د. أحمد : واحد على طريق سريع مخبوط بعربية سرعتها على الطريق ده لن تقل عن 60كم/ساعة و واقع على الأرض ، اول حاجة حضرتك ها شك فيها ان عنده كسر فى العمود الفقرى أو فى الجمجمة (و خاصة قاع الجمجمة) ، و سعادتك سيد العارفين ان تحريك المصاب فى ظروف زى دى ممكن يتسبب له فى شلل ده غير انه خطر على حياته ... و طبعا كلنا عارفين تعليمات الأسعافات الأولية بعدم تحريك مصاب حوادث الطرق و الموتوسيكلات علشان السبب ده و لابد من انتظار الأسعاف علشان معاهم الرقبة اللى بتثبت الفقرات العنقية و تمنع اى حركة لها فتحافظ عليه من الشلل أو الوفاة ، و تثبيت الظهر لو فيه اشتباه اصابة فى العمود الفقرى
و ده موجود فى الأسعاف ، و طبعا مش مع اى فرد سايق ، و كتير مالهومش خبرة ازاى يعمل كده (و احيانا أطباء ماتعرفش ازاى تعمل كده للأسف)
فهل سيادتك تفضل انى أكون المتسبب فى شلل أو وفاة الشخص لأنى حركته (حتى لو بنية كويسة) ، ده غير المخاطرة بوقوع حادثة تانية بسبب وقوفى و جريى فى نهر الطريق علشان أوصل له ؟؟
أنا عن نفسى شايف ان الأسعاف فرصتها أحسن بكتير عن أى واحد فينا ، و علشان كده بأويد الأتصال بيها ، و لكن برضه من غير ما رجلى تيجى فى الموضوع
و على فكرة ، أنا فى كلامى كله ما دخلتش فى نقطة التهور لعبور الطريق من أماكن غلط ، مع انى مقتنع فعلا ان اللى بيعمل كده يبقى زى المنتحر ، و المفروض ان مالوش دية ، و لكن مش موضوعنا علشان كده مش بافتح النقطة دى فى الحوار
صعب قوي الحادثتين بس فعلا ساعتها اقول و انا مالي
بس محدش حط نفسه مكانه حتى لو مات فاكرام الميت دفنه مش كده و لا ايه
الحل الصحيح زي ما الباش مهندس سبعاوي قال اتصل بس من بعيد و من غير ماحد يشوفك
انا اتخبط مره قدام المستشفى بتعاتنا الباشا كان ماشي معاكس و بيجري طبعا خبطني و جرى فعلا اول حاجه كنت عاوزها هيا المساعده لانه اثر عليا جدا رجلي اتكسرت و بسببها ضعت في الاعداديه يعني ضيع مستقبل لاني قعدت اتعالج لحد مارحت الكليه طبعا عذاب
يا جماعه دي روح انسان قبل ماتكون حاجه تانيه و دي اعظم حاجه عند ربنا المساعده لو من بعيد يبقى كسبت ثواب كبير و حط نفسك مكان الي اتخبط طبعا بعد الشر عليكوا و لا يوريها لحد بس بجد ده حرااااااااااااااااااااااا ااااااااااااااااااااااااا ااااااااااام
يا صديقى الفاضل لو نسبة الخطر من إصابته بالشلل من حمله على جانب الطريق 30% فنسبة وفاته لو تركته 1000% ، وتعليمات الإسعاف بعدم تحريك المصاب يسبقها تأمين المصاب من حدوث إصابات جديدة أشد خطورة بل وبالتأكيد قاتلةاقتباس:
عنده كسر فى العمود الفقرى أو فى الجمجمة (و خاصة قاع الجمجمة) ، و سعادتك سيد العارفين ان تحريك المصاب فى ظروف زى دى ممكن يتسبب له فى شلل ده غير انه خطر على حياته ... و طبعا كلنا عارفين تعليمات الأسعافات الأولية بعدم تحريك مصاب حوادث الطرق و الموتوسيكلات علشان السبب ده و لابد من انتظار الأسعاف
والإسعاف متى ستصل لو ذهبت تتصل بها من تليفون عام أو حتى من المحمول؟ نصف ساعة على أقل تقدير لو كان المصاب محظوظا .. طيب لو كان عنده مجرد إغماء بسبب إرتجاج بالمخ ومحتاج دقيقة ويفوق.. فى خلال الدقيقة دى هيكون بقى ميت حتة ، مش كل الحالات كسر فى العمود الفقرى أو قاع الجمجمة وأظنه هو وأهله يفضلون حتى كونه معاقا عن كونه ميّت متقطع..
وأتوقع وقتها تساهيل ربنا فى اللحظة المناسبة للوصول إليه ونقله بسرعة لجانب الطريق...
هو طبعا إختبار رهيب لأى واحد فينا لكن كويس إننا ناقشه دلوقت لعل وعسى نعرف نعمل الصواب فى وقته دون تضييع الوقت فى التفكير
لأ يا د/ أحمد
أحيانا وفاة الإنسان بتكون رحمة من ربنا عن معاناته و أهله بسبب حدوث اعاقة
طبعا لو حصل بيكون امتحان من ربنا و جزاء الصابرين عظيم
لكن والله العظيم و شفتها بعينى أحيانا الإنسان أهله بيتمنوا موته رحمة ليه و ليهم
و أحيانا هو نفسه للأسف بيتمنى كده
دى وجهة نظر من هذه النقطة فقط
انا عاوزة اوضح حاجة لان الموضوع تحول كأنه فيه جبهة الخير اللى هتقف تساعد و جبهة الاشرار اللى معندهاش قلب و هتجري ..
فعاوزين بس نتفق على نقطة الخلاف لان فى ناس مش فاهمة احنا قاصدنا على ايه بظبط و بترد من منطلق اننا هنخبط الناس و نجري او مش هنساعد اى حد فى الشارع لو شفناه متكوم وسط العربيات ..
يعني لما حصل الموقف نفسه و اخويا او ممدوح او اى كان الشخص اللى صدم حد بعربيته فهو فى الاخر تحمل المسؤلية ووقف بعربيته و انا بأكد على كلمة تحمل المسؤلية مش تحمل غلطه لان كل الحوادث اللى حصلت دى بتكون على طرق سريعة يعني مفهاش مشاة اصلا .. يعني اللى حصل انه تحمل المسؤلية و جاب اسعاف و راح القسم و اتبهدل و اتحجز و اترحل و استني البيه وكيل النيابة انه يجيي و قمة البهدلة و الاهانة اللى اى حد ممكن يشوفها فى الدنيا ..يبقي احنا هنا متفقين و كلنا هنعمل نفس التصرف و مفيش حد هيجري ولا هيهرب ولا هيقول ماليش دعوة .. يبقي احنا هنا متفقين
لكن نقطة الخلاف بقا التانية انه لو انت ماشي بعربيتك و لقيت حادثة و واحد مخبوط و مرمي فى الشارع . مبدئيا مش هتبقي لوحدك اللى شفت ولا انت لوحدك اللى وقفت و اتفرجت ولا وحدك اللى طلبت اسعاف .. كل الناس اللى فى الشارع هتبقي بتعمل كدة و كله بيحاول يساعد بللى يقدر عليه و دة احنا برده متفقين فيه.. لكن اللى عاوزة افهمه بقا بجد .. هل انت او انتى او اى حد عاوز دوناً عن بقية الناس اللى واقفة دى كلهاااااااا و متلمية حوالين الشخص المخبوط انك تقوم و تشيل المصاب و تاخده فى عربيتك و تروح بيه لاى مستشفى و تدخل بيه انت كدة شخصيا ؟؟؟؟ يعني السؤال بمعنى تانى .. هل انت فعلا ناوى تدخل بواحد مخبوط و انت متأكد مية فى المية ان اول ما هتخطي باب المستشفى بواحد مخبوط هيبقي المحضر بيتعمل ؟؟ طيب السؤال بمعني تالت هو انت مستغني عن نفسك اوى كدة عشان تلبس تهمة ؟؟ طيب السؤال بمعني رابع هو اهل المصاب هيصدقوووو ان حضرتك فقطططط متطووع لتوصيل الاخ المصاااب ليس إالا و ليس لك اى علاقة بالحادث؟؟؟
انا فعلا فى حييرة و محتاجة اجابة واقعية و منطقية
والله لازم الانسان فى الوقت ده مايفكرش غير فى مساعده المصاب و بس
لان لو قعدنا نفكر كتير مش هنعمل حاجه
و إن شاء الله ربنا يسترها
معظم كلام اللى بيتقال عن انك هتاخدة فى عربيتك للمستشفى وهتقف فى طريق سريع كلام جميل جدا
نظريا
عمليا ولا واحد هيعمل كدة كل واحد يسئل نفسه السؤال دة كدة ويشوف بينه وبين نفسه هيرد يقول ايه مش لازم يكتب الرد هنا كفايه هو يبقى عارفه بينه وبين نفسه
الكلام النظرى جميل جدا العملى لا
بالظبط
بس والله بدعى انه يا رب يعيننا على الخير و يا رب ييسرلنا طاعته و ييسرلنا مساعدة الناس و ربنا هو الوحيد اللى عالم بالنفوس و محدش عاوز ابدا يشوف حد محتاج لمساعدة و ميساعدووش لانها بجد توجع اوى و اللى منقدرش نشوفه على اهلنا يبقي منقدرش نشوفها على غير اهلنا ...يا رب يعينا على طاعته و مساعدة الناس و حسبي الله و نعم الوكيل فى اللى خلانا نفكر الف مرة و نخاف اننا نعمل خير و نخاف اننا نعين محتاج
[quote=zobaaa;426114]الجهل يا جماعه وحش احمدو ربنا ان انحنا وعينا عالحياه لقينا اللي ودانا مدارس نضيفه وفضل ورانا لغاية ما دخلنا جامعات وفهمنا وبقينا اشخاص ان شاء الله ربنا مديها القدره انها تشيل البلد فالفتره القادمه وان شاء الله نخليها احسن.
اول مشاركة ليا فى نايل موتورز من اول ماسجلت من شهور , احيى حضرتك على كلامك وخصوصا الجزء الأخير من زمان مسمعتش الطريقة دى من التفكير أشكرك
صعقتني الكلمة لدرجة اني ما كملتش قراءة الموضوع
حلال ؟؟ وصرف كمان !!!!!!!!!!!!!!
طيب أولا الأية مش معناها { ماتوديش نفسك في داهية}
الأية دي نزلت لما الأنصار فكروا يمنعوا زكاتهم و كانوا هايروحوا التهلكة في الأخرة مش في الدنيا .
و نرجع لموضوعنا ..
اذا كنت ناوي تساعد الراجل في الف طريقة وطريقة
اتكلم من كابينة عمومية
اتمشي للعسكري أو الظابط على رجلك وشاور
اشتري خط من أبو عشرة بندق ده وارميه بعد المكالمة
ولا انزل شيله و أجرك على الله
أنا خبطت فتاه بعربيتي و أنا في ثانية كلية و نزلت على الأرض ما حطتش منطق و كنت غلطان و نزلت خدتها و روحت بيها المستشفى هيا ووالدتها و استنيت لحد الكشف ما خلص و فاقت و اتكلمت و طلبت مني اكلمها أي حد يعملها اشعة مقطعية لأنها طبيبة و خايفة من ارتجاج أو كسر في الجمجمة
ووالله كلمت ناس معارفي علشان نعمل الأشعة و المستشفى مش راضية مع اني ممكن انضر
انا ماعملتش كده شجاعة ولا جدعنة أنا كنت ميت في جلدي و خايف
بس ماكنتش أقدر اعمل غير كده
ربنا فوق ......
فكروا شوية ....
ربنا كلنا ...فوق .....
بص حضرتك هو من الواضح بنسه 100% ان اللى حصله كدة مش زى اللى محصلوش
وكلها اراء وكل واحد شايف وجهه نظرة صح من منظورة هو
اما تبقى دكتور وواحد غبى فى خلال ثوانى يحولك من دكتور رايح شغله ولا مروح لواحد متهم بقتل خطاء وياريتها غلطتته هو وهو اللى خطبه لا مش هو كمان يعنى هيروح فى داهيه بسبس خطاء مش خطاءة
انا عندى شركه فيها 8 موظفين بيقبضو اخر الشهر وعندى ابوي وامى وعندى خطبيتى معقتدش انى هودى نفسى فى داهيه بسبب خطاء مش خطائى و ابوظ حياة الناس ى كلها واضيع مستقبلى كمان
ومحش قال هنمشى ومش هنعمل حاجه
هنبلغ باىى طريقه كانت وبرضه من غير مندخل فى الموضوع
احنا مش شياطين
انا ممكن ااقفل الطريق بالعرض واعمل كل حاجه واتصل بالاسعاف واستناها كمان بس لو عربيتين خابطين بعض غير كدة لا
وانا مقلتش لو انا خبطت حد هسيبه لو انا خبطت حد هوديه المسشتفى بنفسى
بس مش هعمل كدة مع حد مخبطتوش
ولو انت مش من مصر ولا متعرفش الاقسام ابقى جرب يبقالك حق وتخش تعمل محضر علشان تاخدة وابقى قلى حصل ايه
ومتتصعقش قوى كدة جرب موضوع القسم وتعال قلى وصلت لايه
لا يا عزيزي
من مصر و من مصر قوي
و شوفت من البلد دي اللي يمكن حضرتك ماشفتوش
و عندي مسؤليات زي حضرتك وأكتر
بس لو هساعد واحد ..مش أنا اللي خبطته
وهو اللي غلطان
و انقذ حياته لأنه ممكن يموت بدون مساعدتي
وفي المقابل (اتمرمط) يومين تلاتة في القسم لحد مالدنيا توضح
تبقى بالنسبة ليا صفقة رابحة
لأني بعامل ربي
ربيى اللي اداني كل النعم اللي حضرتك خايف عليها و يقدر في غمضة عين يحطني مكان الراجل اللي حضرتك قلت انك مش هاتساعده لأنك مش غلطان ...
و بلاش تزايد عليا أنا اني ايدي في المية و ماجربتش الدنيا وحشة ازاي و الكلام ده
مش كل الناس بتشوف من عينك
[
ولو انت مش من مصر ولا متعرفش الاقسام ابقى جرب يبقالك حق وتخش تعمل محضر علشان تاخدة وابقى قلى حصل ايه
ومتتصعقش قوى كدة جرب موضوع القسم وتعال قلى وصلت لايه[/quote]
الله ينور
خلاص ياجماعة إبقوا سيبوا المصاب يموت لأنه منتحر ولا يغسل ولا تتم الصلاة عليه ولا يدفن فى مقابر أهل دينه ، واللى معدى يتف عليه ويحدفه باللى فى رجليه
وربنا يكرم ويحفظ ويجازى خير اللى كتب الكلام ده:
اقتباس:
تبقى بالنسبة ليا صفقة رابحة
لأني بعامل ربي
ربيى اللي اداني كل النعم اللي حضرتك خايف عليها و يقدر في غمضة عين يحطني مكان الراجل اللي حضرتك قلت انك مش هاتساعده لأنك مش غلطان ...
خلاص يا جماعة انا حاسة ان الموضوع استنفذ كل افكاره و كل واحد متمسك بوجهة نظره و مقتنع بيها و مش هيعمل غيرها لو اتعرض للموقف دة
يبقي خلاص كل واحد يتحمل نتيجه عمله و ربنا اعلم بالنفووس و بالنوايا و يجازى كل واحد على قد عمله ..
ربنا يستر طريقنا جميعا و يعيننا على طاعته
شباب
بغض النظر عن الشق الديني للموضوع( مش عشان حاجه بس ده محسوم و الحلال بين و كذا الحرام)
احب اقترح حاجه نتناقش فيها
لو الوضع بقي علي ماهو عليه:
الناس هتفضل تخاف تقف لما تخبط حد و طبعا الوقت بين حصول الحادثه و وصول المصاب الي المستشفي(مع اهميه الاسعاف طبيا الا اني كان لي شرف اني اشوف ايه اللي بيحصل و مره ركبتها مع مصاب)
و ده طبعا علشان لو عملت شهم و وصلته للمستشفي( مع كامل الانتباه لمباديء الاسعافات الاوليه, لانك ممكن تحركه او تنقله و تتسبب في موته) (الله يخرب بيت الاذكياء اللي طلعو علينا بفرمان شنطه الاسعافات كان اولي و انفع يفرضو دورات اسعافات اوليه علي كل من يتقدم لاستخراج رخصه و كانو هيكسبو بردو بس غباء ما بعده غباء, بكره نشوف الناس بردو بتتعامل مع مصابين الحوادث بطريقه قاتله ) نرجع لكلامنا لو وصلته المستشفي و مات ممم اه احب اوضح لو وصلته المستشفي و كان غائب عن الوعي بتفضل مشرف قيد الحجز لغايه ما المصاب يفوق و يظهر معدنه يا اما رمه من باقي الرمم و يقول هو ده اللي خبطني!!! او يطلع ابن ناس و يقول الحقيقه و ساعتها بس يخلي سبيلك
و الوضع ده بيتهم الراجل الشهم اللي مش هاين عليه يسيب جريح مرمي في الشارع و بيحطه في دائره الاتهام بنسبه عاليه ( و كذا قوانين تانيه برضو للاسف)
طب ليه القانون ميتغيرش و لصالح المصاب برضه و انه يكون علي الشكل التالي:
لو حد نقل مصاب الي المستشفي بيعتبر فاعل خير الا اذا التحريات او الشهود اثبتو عكس ذلك, و لا يؤخذ بكلام المصاب ( درءا لتلقيح الجتت و البلاوي ) اطلاقا
طبعا الناس هتسئل طيب ما كده حق المصاب ممكن يروح في الارض لو اللي خبطه هو اللي نقله المستشفي, طيب ماهو ده الهدف اساسا, و بعدين لو الحادثه مكنش فيها شهود ولا التحريات عرفت تجيب الفاعل او تتأكد منه يبقي يقيد ضد مجهول و المصاب يصرفله تكاليف العلاج من شركات التأمين( و ساعتها يبقو يوصلو لاتفاقيه تخلي كل شركات التأمين العامله تساهم بقدر متساوي في علاجه)
و بكده يبقي المصاب كسبان كسبان مره ان الناس هتتشجع انها توصله للمستشفي و مره تانيه ان مصاريف علاجه مدفوعه
اما بقي لو المصاب مات في المستشفي او خلال نقله يبقي ساعتها بردو شركات التأمين تتحمل دفع الديه الواجبه عليه( برضو بعد التحريات و عدم وجود شهود)
اظن الاقتراح عادل بما فيه الكفايه و نقط الضعف بتاعته تتركز ان اللي ممكن ينقل المصاب يكون هو الجاني و التحريات و الشهود ميكفوش لادانته, طب ماهو الوضع الحالي بيخلي الجاني لو خبط و لحق يجري زي الفل و كأن لم يكن
يبقي انهه حل افضل الوضع الحالي المقيت او الاقتراح بتاعي
بس قبل ما تفكرو في السؤال ده او تاخدو قراركم حطو نفسكم مكان المصاب, و تخيل لاقدر الله طبعا انك جريح و بتنزف و تتألم و الناس بتعدي تبص عليك و تمصص شفايفها و تمشي
علي فكره الاسعاف و المسعفين دول شويه تييييت
و موضوع الرقبه علي اهميته, و الاكسجين و انبوب التنفس الصناعي و غيره و غيره مش موجودين, و المفروض البهوات قبل ما يجبرو غير المتخصصين و المدربين (اللي هما الناس اللي سايقه عربيتها) قبل ما يجبروهم علي خرق قواعد الاسعاف الاوليه خرقا تاما (لأنه لا يدريها) يلزمو عربيات الاسعاف الصفيح الحقيره بوجود كافه مستلزمات التعامل مع المصاب و ده غير لاسلكي للاتصال بالمستشفي لتجهيز استقبال الحاله
انما بالوضع الحالي يستحسن حد من الاخوه المحامين في المنتدي يتكرم برفع قضيه علي الدوله لانتهاكها حقوق مصابين الحوادث بجعل الناس العاديه تتدخل في اسعافه, مش نلاقي خرابه الصحه (وزاره الكحه سابقا) تتطلع بطلعتها البهيه و تحط المواصفات القياسيه لشنطه الاسعاف و تسيب المصابين لجموع الشعب يجربو الطب فيه!!!!
ده فيه فرع من الطب مختص بالحوادث ,يعني هيساوي دول باللي سايق عربيه و ملوش فيها نهائي؟!!!!
اما بالنسبه لموضوع قلقك من انك لا تدري كيفيه التعامل مع المصابين مع انك دكتور, فانت اكدت كلامي, دوره الاسعافات الاوليه لا علاقه لها بكونك طبيب من عدمه, حاولو تشتركو فيها, انا خدتها في القصر العيني و الهلال الاحمر موجود بعد مشرحه زينهم علي الشمال قبل مجري العيون, و ممكن يدو دوراتهم لمجاميع بس لازم تحجز, و بالمناسبه دي و علي اساس ان المنتدي مش صغير, ممكن الاداره مشكوره تكلمني و اروح اتفق مع الهلال الاحمر و نشوف سنتر في كل منطقه قريبه من الاعضاء و نعمل دورات اسعافات اوليه, و الموضوع مش مكلف اطلاقا و قيمته الحقيقيه هتحسها لما تتحط في موقف صعب و تلاقي نفسك عارف تتصرف, و علي فكره الدوره دي مفيده كمان في حالات الاختناق و فقدان الوعي و الكسور و اللدغات و الازمات القلبيه و الحروق و الانعاش القلبي الرئوي للبالغين و الاطفال و حالات ابتلاع اشياء قد تؤدي الي غلق مجري التنفس و الغرق و غيره و غيره
بجد هتبقي خدمه بتؤديها لنفسك و من حولك, خاصه ان مباديء الاسعافات الاوليه موجهه بالاساس للجمهور العادي و بتوصله المعلومات و سبل التصرف بطريقه لا تحتاج تخصص طبي
مستني ردكم و رد الاداره
نقلا عن جريده الدستور والاخباريصدم سيارة ويهرب .. ثم يكتشف أنه أصاب ابنه وقتل زوج ابنته
القاهرة ـ د ب أ
صدمت سيارة نقل سيارة أخرىوهرب السائق دون أن ينقذ ركاب السيارة الثانية بعد أن اطمأن أن أحدا لم يلتقط رقم سيارته.
وذكرت صحيفة "الاخبار" القاهرية في عددها الصادر أمس أنه عندما عاد الرجل إلى قريته أقبل جيرانه عليه يقدمون له العزاء في مقتل زوج ابنته ويدعون لابنه الذي أصيب في حادث بالشفاء.
وعندما شرحوا له تفاصيل الحادث الذي أودى بحياة زوج ابنته وإصابة ابنه صرخ ودموعه تسبق صرخاته "أنا القاتل .. أنا مجرم .. لم أعرف أنهما في السيارة التي صدمتها".
كان مسؤولو شرطة مركز السنبلاوين بمحافظة الدقهلية 120( كلم شمال القاهرة) قد تلقوا بلاغا بالحادث وتبين أن سيارة تابعة لاحدى شركات البترول اصطدمت باخرى تابعة لشركة أدوية ما أدى إلى اشتعال النار في السيارة الثانية وهروب سائق السيارة الاولى دون أن ينقذ المصابين.
Date : 29-09-2008
هو المضمون واضح من الخبر ولا تعليق .......................
الله ينور يا أستاذة
بصراحة انا مندهش من ردود افعال البعض لهذا الموضوع
هوا البني ادم بقى رخيص للدرجة دي؟
هل لو هذا البني ادم جاهل ولا يعرف اصول عبور الطريق فيكون ده سبب كافي لان نتركه يموت لو فيه روح؟
لا حول ولا قوة إلا بالله