السادة اعضاء المنتدى الكرام
محتاج ارائكم الخبيرة فى موديل yeti لانى بفكر اجيبة علشان عربية عالية واوسع من اى سيدان بس للاسف مافيش فى المنتدى اى موضوعات عنها
ياريت تساعدونى بارائكم القيمة
وشكرا مقدما ليكم جميعا
عرض للطباعة
السادة اعضاء المنتدى الكرام
محتاج ارائكم الخبيرة فى موديل yeti لانى بفكر اجيبة علشان عربية عالية واوسع من اى سيدان بس للاسف مافيش فى المنتدى اى موضوعات عنها
ياريت تساعدونى بارائكم القيمة
وشكرا مقدما ليكم جميعا
الصراحه العربيه مش منتشره ومجرد راءى هات نسيان قشقاى او هيواندى i35
بما انك غمراوي شقيق يبقى وجب عليه اديك النصيحه التمام
شوف يا باشا الياتي عربيه محترمه مفيش كلام وانا شخصياً معجب بيها جداً هي واختها الصغيره الرومستر وفي فتره من الفترات كنت بفكر اشتري الرومستر بس على ارض الواقع ده كان تفكير عاطفي وغير عمليي بالمره. ليه بقى؟؟؟؟؟
1- عشان بمنتهى البساطه الياتي والرومستر والرابيد كمان العربيات دي مباعتش في مصر تقريباً وانتشارها محدود جداً جداً جداً وده معناه ببساطه انك مش هتلاقي قطع غيارها بره التوكيل نهائياً وفي التوكيل مش هتلاقي كل قطع الغيار ولما هتحتاج حاجه مش موجوده هيقولك استنى لما نبعت نجيبها من بره واصلها ناقصه وكلام من ده كتير وحتى لما يبعتوا يجيبوها من بره فده هيترجم لوقت وعطله ملهاش لازمه وكمان سعر اغلى واعلى لانه جايبهالك مخصوص
2- لو حصل اي مشكله التوكيل هيستغلك وهيمص دمك لانه متاكد انك مجبر تصلحها عنده لانها ببساطه محدش بيفهم فيها بره واي حد بره هتوديله العربيه هيبقى غالباً اول مره يشوفها هيبدأ يعك فيها وهيبهدلهالك
3- اصلا في مشاكل الوكيل نفسه ممكن ميعرف يحلها عشان الصنايعيه جوه التوكيل نفسه مش واخدين على العربيه ومبيقابلهاش كتير يعني اي حاجه طارئه غير الصيانات الدوريه الله اعلم هيعملوا معاها ايه
4- لو فكرت تبيع في اي وقت هتتعب تعب السنين وهتخسر خساره كبيره لان العربيه مش مطلوبه
5- في كلام عن مشاكل في الجير بوكس الوتوماتيك في الاوكتافيا الجديده فتوقع تلاقي نفس الموضوع في باقي اصدارات سكودا لانه في الغالب بيبقى الاساس واحد (بس ده مجرد احتمال لان مفيش حد أكد ده وده بحكم عدم انتشارها ومحدش جربها عشان يقول لنا)
لو بتدور على عربيه عاليه خليك في العربيات اللي حققت انتشار معقول عشان تبقى في الامان يعني عندك الهيونداي ix35 و الكيا الاسبورتتج و افضلهم من وجهة نظري النيسان القشقاي عربيه ياباني تقفيل انجليزي
أتمنى اكون افادتك بوجهة نظري وربنا يعملك الخير
بس انت منين بقى من ميت غمر
أ محمد
مشكور يافندم على اهتمامك وشكرا لكل اللى رد على استفسارى
فعلا وجهة نظرك سليمة وفى محلها
انا ياباشا من صهرجت الكبرى يعنى ميت غمر البندر بتاعنا
شكرا
صهرجت دول احسن ناس
وربنا يوفقك بعربيه محترمه إن شاء الله
دة تقرير عن الياتى 2013
و عاوز اقول لحضرتك حاجة انى سكودا ياتى 2013 هى نفس الياتى 2014 و الكلام دة من نفس التوكيل
و دة التقرير
http://www.nilemotors.net/Nile/363456-2013.html
ربك المستعان