الموضوع: استفسار بخصوص فتيس a5

المشاركة الأصلية كتبت بواسطة أبورفاعي

بسم الله الرحمن الرحيم

ممكن يا شباب اعرف نتشة الفتيس ( البودي فالف ) النتشه دي بتكون باستمرار ولا في أوقات متباعده
علما بان النتشه اللي عندي مع نزول سرعة العربيه وفي اوقات متباعده
وغيرت زيت الفتيس الاصلي والفلتر الاصلي والسياره ماسيه 90000 الف
والزيت اللي كان فيها مش اصلي ( يبقى كده اللي انا شاري منه العربيه كان غيره )

وشكر

وعليكم السلام ورحمة الله

سبب النتشة هوا سوء لزوجة الزيت,
أو وجود رايش في الزيت
والرايش بسبب حدوث نقص في الزيت أو أحتراق الزيت لو متغيرش في معاده فا بيحصل أحتكاك أعلي ما بين التروس وبتأدي لظهور رايش في الزيت ونتشة ما بين الغيارات مع الوقت وبتكون مش دايمة, لحد ما بتبقي دايمة وممكن تتلف الفالف بادي لو الزيت متغيرش بالأصلي ونزل الزيت القديم.

معني إن الزيت اللي فيها مكنش أصلي يبقي المالك السابق كان مغيرلها الزيت بزيت مش أصلي,
ودا كمان مشكلة تانية عشان كل عربية ليها مواصفات زيت التانية, ومش أي زيت فتيس أوتوماتيك يتحط في أي عربية وإلا ممكن يتلف الفالف بادي وينهي عمر الفتيس..

اللي مفروض تعمله دلوقتي أنك تغير الزيت كمان مرة بعد 10 الأف أو 20 ألف كحد أقصي,
عشان في غيار الزيت اللي أنت عملته مش كل الزيت القديم نزل من العربية,
فانت كدا ماشي علي نص زيت أصلي جديد, ونص زيت قديم مش أصلي وفيه رايش.

ممكن تبقي تقرأ الموضوع دا هيفيدك بمعلومات أكتر.
http://www.nilemotors.net/Nile/376054-2010.html

لا أطمن ومش هيكون فيه مشاكل إن شاء الله,
بس غير الزيت تاني بالأصلي بدري علي قد ما تقدر, ممكن كمان 10 الأف كدا.
عشان تنزل أكبر قدر من النص القديم اللي هيتخلط بالنص بالجديد اللي أنت غيرته أخر مرة.