تسريب زيت من طرمبة باور فيرنا

**mshmshm3** · 22-12-2013 05:55 PM

السلام عليكم ...
امبارح رحت عملت صيانة للعربية و غيرت طقم سيور
المهم لما روحت فتحت الكبوت ببص لاقيت في طبة او صامولة كبيرة في طرمبة الباور عليها زيت
قولت يمكن الصنايعي حاجة ادلقت منه في الحتة دي نشفتها و قولت اشوف هاتسرب تاني ولا لا
الصبح بعد ما وصلت الشغل لاقيتها مسربة تاني و زيت احمر (زيت باور )

هل الصامولة دي بتتغير يعني اجيبها من اي محل قطع غيار و افك القديمة و اركبها ولا في حاجة اعملها قبل ما افكها ولا محتاجة حاجة تمنع التسريب

**Khaled Lanos** · 07-01-2014 01:13 AM

السلام عليكم
صديقي معاه فيرنا ولسا مغير لها الطرمبة وبتجيب زيت من المكان دا..راح عند صنايعي قرط له عليها بمفتاح 22 تقريبا ومن ساعتها مش بتجيب زيت.
تحياتي.

**HOSSAM99** · 07-01-2014 02:06 AM

و عليكم السلام و رحمة الله
خرطوم باور الفيرنا علي نصفين ممكن تغير الجزء العلوي اللي فيه المشكله و سعره بسيط كان من سنه الوصله كامله من الإسكترا للطرمبه بـ170 جنيه كوري
حاول تتأكد إن اللاكور ده بايظ لأن ممكن يكون محتاج تقريط زي زميلنا ما أقترح