والله يا رفيق انت كلامك ذى الفل و ماشاء الله مجموعة عربيات حكاية كاتب عنها :) وان شاء الله تجيب الفيرارى اللى نفسك فيها ... لكن هل انت مقتنع بالمانيوال هنا فى مصر ؟
بس اعترف ان المانيوال برضوا فى العربيات الجديدة مشوار الدواسة اقل والنقلة انعم واطول مش ذى مانيوال زمان ...
انا سقت الداستر ال 4x4 فى الصيف و دخلت فى رملة الساحل وهبد وتنطيط ودخلنا فى المياة ... فركة الاول و كبسة الدبرياج بالعربيات ال 4x4 متعة متعة متعة
دة انا بفكر اشتريها بس خايف مع اول زحمة طريق اندم حيث لا ينفع الندم !
المانيوال متعة السواقة ولا يعلى علية فى الشعور بأنك تملك الطريق
انا بكون متضايق لما بسوق عربية اوتو بحس ان العربية هية اللى بتسوقنى وانا ماسكلها الدركسيون وشكرا
انا جربت الاتنين المانيول امتع بكتيير من الاتوماتيك بس لو مشاوريك جوا القاهره فى الزحمة هتزهق
معايا الاتنين
اتعلمت وسقت على المانيوال من 2005 حتى الان ومعنديش اى مشاكل معاه غير الزحمه والمطبات القريبه من بعض ركبت الاوتو فى مواتير متوسطه وكبيره 1600 و2000 و 2200 كل ما الموتور يبقى اكبر يقل احساسك بان العربيه سايقاك وخصوصا لو الفتيس متجاوب معاك
مسبتش المانيوال عشان ارجعله بس معنديش اى مشكله فى السواقه غير انى بعد سواقه المانيوال فتره الاقى نفسى اول ما اركب الاوتو اروح فاعص الفرامل على انها دبرياج لكن مهما ركبت اوتو ارجع سوق مانيوال عادى من غير مشاكل الغيارات او الفرامل يعنى الشمال بتستغل لوحدها
المانيوال
جولف1 2000 سىسى
جيب رانجلر 2000 سىسى
ابيزا 1400 سىسى
فولكس كادى 1900 سىسى ديزل ودى اللى معايا حاليا
الاوتو
ميجان2 1600 سىسى بتاعه اخويا
اوبل فكترا 2000 سىسى بتاعه صاحبى بتبقى معايا كتير
اكورد90 2200 بتاعتى ومعنديش نيه للتغيير مع انها قديمه
سجل مشرف مفيهوش فيات :)
الاوتو افضل فى مصر وبيخلينى هادئ وانا سايق (هى ناقصه حرقه دم فى البيت والشغل والشارع كمان :))
انا سقت الاتنين طبعا المانيوال في الاول ولفتره طويله الى ان تم القياده الان وحتى دلوقتى الى الاوتوماتيك ... هو مريح وجميل خاصه في الزحمه والتوقف الانهائى في الطرقات ولكن المانيوال خاصه في السفر بيشعرك بقوه وعمق النقله ...........
فى اتفاق ان الاوتو اريح والمانيوال امتع بس مينفعش فى مصر
لكنى شخصيا افضل نيسان صنى اوتوماتيك على بى ام مانيوال!..العربيه المانيوال بعتبرها مش موجوده ف اختياراتى لما بفكر اشترى