انتشار كوروﻻ 2014

**Mohamed.Hany** · 23-12-2013 09:56 AM

المشاركة الأصلية كتبت بواسطة bassem.naguib

من شهر 9 وحياتك

ربنا يطمنك كركبت بطني .
بس أيه الحل لو زادت هل من بديل مناسب (غير الفلوانس والأوبل)؟! وخاصة أن سعرها في الطبيعي أوفر شوية .. فما بالك لو زادت كمان ؟!
وما هو العمل وخاصة أنه مكتوب أن السعر النهائي عند التسليم ولكنه لم يفي بعهده بميعاد التسليم ومتأخر بأكتر من شهر عن الميعاد المحدد .

ما رأيكم زاد فضلكم .. وخاصة أني ابتديت أقفل من العربية من قبل ما شوفها

ا/باسم
دايما منورنا في قسم التويوتا
في رأي هتغلي تاني و في الغالب علي اول السنة و الناس دى محترمة هيقولو للي بيحجز قبل ميحجز انها غليت، وانا شابف انه طبيعي يغلو زى كل التوكيلات خصوصا بعد الانتشار و الضغط في الحجوزات و انهم اتطمنو من الخليجي انها تايواني و فقيرة فنية فضمنيين بضاعتهم فل الفل يبقي ميعليش ليه شوية؟ و يوصل لسعر المنافسيين الرئيسيين اللي هما الاسترا اللي لسه مغلية 7 اللاف جنيه عشان زودو بلوتوث و الفوكاس اللي سعرها قرب ال 200 الف فتوقعي زيادة 5 اللاف علي الفئة التانية لتصبح 190.
بصراحة العربية ميتقفلش منها خالص وهتحس الاحساس ده لما تركبها ان شاء الله.

**Silent~Dream** · 23-12-2013 10:00 AM

انا لحد دلوقتى شوفت 3 او 4

**bassem.naguib** · 23-12-2013 10:30 AM

المشاركة الأصلية كتبت بواسطة psycholain

ا/باسم
دايما منورنا في قسم التويوتا
في رأي هتغلي تاني و في الغالب علي اول السنة و الناس دى محترمة هيقولو للي بيحجز قبل ميحجز انها غليت، وانا شابف انه طبيعي يغلو زى كل التوكيلات خصوصا بعد الانتشار و الضغط في الحجوزات و انهم اتطمنو من الخليجي انها تايواني و فقيرة فنية فضمنيين بضاعتهم فل الفل يبقي ميعليش ليه شوية؟ و يوصل لسعر المنافسيين الرئيسيين اللي هما الاسترا اللي لسه مغلية 7 اللاف جنيه عشان زودو بلوتوث و الفوكاس اللي سعرها قرب ال 200 الف فتوقعي زيادة 5 اللاف علي الفئة التانية لتصبح 190.
بصراحة العربية ميتقفلش منها خالص وهتحس الاحساس ده لما تركبها ان شاء الله.

ربنا يخليك ويعزك يا باشا .. والقسم منور بأصحابه وأعضاءه المميزين بأخلاقهم العالية .

ماشي بس برضه محدش رد على أسئلتي .. لما يكون واحد حاجز بسعر والاستلام المفروض بعد شهرين حسب الاتفاق .. ويعدي فوق الشهرين شهر كمان .. وبعد كدة لو العربية جت يقولك أصلها غليت وده مكتوب في وصل دفعة الحجز .. يعني أنت عاوز تلتزم بالكلام المكتوب في الوصل ومش عاوز تلتزم بفترة الحجز ؟! أو يقولك مثلاً نقسم البلد نصين لا بالسعر القديم ولا بالسعر الجديد .. يبقى التصرف ازاي ساعتها وأيه البدائل ؟! وخاصة أني شايف أن سعر 185 سعر أوفر شوية فما بالك لما يغلى كمان .

أنا مش لاقي لفظ غير أنه استغلال ولو كدة تغور العربية حتى لو الأحسن في فئتها وأنا متفق على ذلك .. سيبك من ده كله بقى أكتر من شهرين من غير عربية ومقضيها .. حيكون شعورك أيه غير النقمة عليها حتى لو تستاهللل

أيه البدائل ؟! أيه البدائل ؟! ده اللي بفكر فيه دلوقتي

**iUsef** · 23-12-2013 11:55 AM

المشاركة الأصلية كتبت بواسطة bassem.naguib

ربنا يخليك ويعزك يا باشا .. والقسم منور بأصحابه وأعضاءه المميزين بأخلاقهم العالية .

ماشي بس برضه محدش رد على أسئلتي .. لما يكون واحد حاجز بسعر والاستلام المفروض بعد شهرين حسب الاتفاق .. ويعدي فوق الشهرين شهر كمان .. وبعد كدة لو العربية جت يقولك أصلها غليت وده مكتوب في وصل دفعة الحجز .. يعني أنت عاوز تلتزم بالكلام المكتوب في الوصل ومش عاوز تلتزم بفترة الحجز ؟! أو يقولك مثلاً نقسم البلد نصين لا بالسعر القديم ولا بالسعر الجديد .. يبقى التصرف ازاي ساعتها وأيه البدائل ؟! وخاصة أني شايف أن سعر 185 سعر أوفر شوية فما بالك لما يغلى كمان .

أنا مش لاقي لفظ غير أنه استغلال ولو كدة تغور العربية حتى لو الأحسن في فئتها وأنا متفق على ذلك .. سيبك من ده كله بقى أكتر من شهرين من غير عربية ومقضيها .. حيكون شعورك أيه غير النقمة عليها حتى لو تستاهللل

أيه البدائل ؟! أيه البدائل ؟! ده اللي بفكر فيه دلوقتي

نمسك حاجه حاجه ونبتدي نخمن
اول حاجه زياده السعر... العربيه نزلت في شهر ٨ واكيد كانو بيدرسو السوق وسعر الدولار من قبلها بشهر كان الدولار عامل حوالي ٧ جنيه ولما الدولار نزل منزلوش حاجه.... وهو دلوقتي الحمد لله ولو كان حتي بيطلع تاني لسه مكسرش ال ٧ جنيه اللي كان عليها والكلام ده برضه علي السوق السودا عشان محدش يقول السعر دلوقتي ٧.٤٥ برضه كان في شهر ٧ نفس الكلام والمفروض ان العربيات داخله يوم ٢٨/١٢ يعني ان شاء الله كلها ٥ ايام وبأذن الله ميكنش الدولار لحق يزيد

خصوصاً اني لما عملت شكوي عشان الاستلام وقابلت مدير المبيعات قالي مقدرش اوعدك انها ما تزيدش بس هيا عمرها ماهتزيد الا لو حصل حاجه كبيرة في البلد عشان نبرر الزياده
وفوق ده كله هما عرفين انهم غلطانين وبصراحه الراجل كان محترم جدا وقالي الغلط من عندنا وكل الناس ليها الحق تزعل لان فرحة العربيه الجديده راحت من عند الناس بسبب التاخير و احنا اللي متاخرين...
يعني من حقي اني استلم بسعر الناس اللي استلمت في ميعاد التسليم بتاعي

نيجي بقي للبدايل هيا للاسف قليله شويه بس انا شايف افضل البدايل
الفلونس es3
وبعدها النيسان القشقاي مع العلم ان الشكل اتغير:(

**Mohamed.Hany** · 23-12-2013 07:15 PM

المشاركة الأصلية كتبت بواسطة ahmed khalifa

اولا شكرا للموضوعات و الردود المفيده جدا
و منطقى جدا انه يغلى على اول السنه بالنسبه للى لسه هايحجز اما الى حاجز من شهرين على سعر معين و حاطط خمسين الف جنيه و مستنى من غير عربيه فأعتقد ان ده مش لطيف خالص انا من غير ما يغلى بافكر الغى الحجز و ابتديت ادور على عربيه تانيه لانى زهقت من الانتظار مبالك لو غلى السعر
فيه حاجه كمان مهمه و هى انه هيدخل فى شريحة السيفيك و السيفيك يابانى و معروف انها اعلى و بالرغم من ان كماليتها اقل و بالرغم من ان التقفيل التركى جيد لكن اليابانى يابانى برضه
فلو عرفنا ان الوكيل للهوندا و التيوتوا واحد و هو الفطيم و رئيس مجلي الاداره واحد و هو المهندس احمد منصف و ان الاقبال على الهوندا مش كبير لغلو سعرخا اعتقد ان قرار زيادة الاسعار مش هيكون سهل و اعتقد ان الفلوانس هتكون بديل ممتاز و سهل و الى يحب يزود شويه ممكن يجيب الاوكتافيا و هى افخم كتيرو سعرها 223000 لل a7

يا فندم الهوندا تركي برضو مش ياباني و بتبدا من 200 الف اظن

**محمد الوااالى** · 24-12-2013 10:30 PM

الكورولا ديه خارج المنافسة, والطبيعى انها بعد ما تنتشر زى تاكسى اللادا كده, سعرها الرسمى فى موديلات 2015 حيعدى ال 200 مرتاح. نصيحة احجز واستنى 3 او 4 شهور واستلم العربية , بدل ما يحصل زى ل اللى حصل مع الاوكتافيا, لو فاكريين من 150 ل 175 ل 210 الف.