عرض للطباعة
العربيه عامله 30 الف كيلو وناشفه جدا وبحس باى حاجه وانا ماشى خصوصا المطبات بحس ان العربيه بتترزع على الارض...ربط العفشه كتير بس للاسف الوضع مبيتغيريش...مفيش الا مرة ربط العفشه وحسيتها نعمت جدا بس الوضع ده مستمرش الا يومين ورجعت زى الاول...يا ترى ايه الحل؟
هناك من نصح بتغيير الكاوتش اللي بنزل في اللوجان..و ملوه نيتروجين
ممكن تقلل ضغط الكاوتش شوية شوف الضغط المكتوب ع القايم واضبط عليه
النيتروجين مش هيفرق اوي
انصحك انك تتكيف مع العربية خد المطبات علي سرعة اقل و حاول تفادي الحفر والنقر واغسل وشحم وربك من وقت للتاني
ضغط الكوتش مظبوط وربط كل فتره بس مشحمتش قبل كده
التشحيم طبعا مفيد للعفشة بس مش هيخليها اريح بالنسبة لك
ممكن طبعا تغير المساعدين بنوع تاني بس دة بيسبب مشكلتين
العربية هتهبط لو محملها
التكلفة و هتبقي مشاكلها كتير عشان مش الفبريكة
زهقت خالص م العفشة غير العربية احسن احسن حل من وجهة نظري انك تتعود علي العربية علي فكرة العفشة الناشفة لها كزا ميزة
ايه مميزاتها
ظبط الكاوتش 29 امامي 32 خلفي .
تغيير الكاوتش لكاوتش طري .. لان الكاوتش اللي راكب فيها اقل وصف ليه انه زبالة وناشف جداً .
خلي بالك هيا انشف من الفيرنا واللانوس علشان تديك ثبات علي السرعات العالية