الموضوع: ملاحظاتى على الsx4 بعد 11,000كم + اخر اسعار قطع الغيار الشهر ده

معلش كنت عاوزة اسال هو حضرتك عربيتك مانيوال ولا اوتومايك و اخبار ثبات العربية ايه على الطرق السريعة ؟ هل علو العربية على الارض مأثر علي ثباتها؟ كمان اخبار العفشة بتاعتها ايه ناعمة ولا ناشفة ؟

عربيتى اوتوماتيك ، والحمد لله الثبات ممتاز بالرغم من ارتفاع العربية ، وده مقارنة باللانسر والكورولا والانترا ، وده مش رأيى لوحدى ، ده كان رأى كل اصحابى اللى ساقوا عربيتى .
ولو اتكلمت بالارقام ، الثبات بيكون ممتاز لحد 140 فى الملفات المتوسطة الحدة زى اللى على الدائرى مثلا ، وبيكون جامد لحد 170 فى الملفات الضعيفة زى الصحراوى ، وبيكون كويس جدا لحد 100 فى الملفات الحادة داخل القاهرة .
اما العفشة ، فمتعتبرش ناعمة ، بس طبعا لو ماشية ديما على الاسفلت حتحسى انها ناعمة على طوول . وعموما العربية دى اصلا مصممة للراليات ، يعنى للجرى فى الطرق الوعرة ، وهى بتنزل برة مصر AWD(all wheel drive) ، وعلشان كده مينفعش تبقى عفشتها ناعمة وحرير علشان متضمرش فى كام شهر .

انا بالرغم من اعجابى باختبارالقيادة اللى عملو كريم منير، انا اختلف معاه فى انتقاضه للعفشة ، وانها كسرت ظهره ، لان انا عامل بالعربية حوالى 12000كم ، وقاعد فى العربيه اكتر ما بقعد فى بتنا ، والحمد االله مستريح وكل تمام ، بس هو اكيد افترى عليها بزيادة شوييتين فى الزلت والرمله :) ، علشان كده اخذ الانطباع ده.

ana soot el soffara dah zahar 3andy wana lessa 3amel 3500 km bas fel 3agala el shemal oddam bardo ma3 el faramel wel malaffat... ana olt de akeed zawaya we kont haroo7 bokra azbot zawaya.... mate3rafsh de moshkelet ah ommal madam mesh zawaya we lazem tetsalla7 fel tawkeel walla momken barra

ما تقلقش ، انا صوت الصفارة ظهر عندى يمكن قبل ال 5000 كم برده ، وفى التوكيل اكيد مخترعوش الذرة ، انا اللى حصل معايا بالضبط ، انى لما قلت للمهندس على الصوت ده وهو بيستلم منى العربية ، قالى احنا حنشوف لو محتاجة ضبط زواية حنضبطها وحتتكلف 70جم ، ولو مش محتاجة ، حيكون تربيط وتظبيط العفشة عادى ، اللى انا كدة كدة محاسب علية فى ثمن الصيانه، وبعد لما استلمت العربية وجربتها ، كل حاجة كانت تمام ، و محسبونيش على ضبط زواية.

وانا كنت متوقع زيك كده برضه ضبط زواية علشان فى اتنين صحابى معاهم يارس ، وحصلهم نفس صوت الصفارة ، ولما راحوا التوكيل عملوا ضبط زواية .

الف مبروك
و أحييك من قلبي على تقييمك الموضوعي و ذكر العيوب حتى التافه منها مثل التقشير مثلا

ربنا يملاهالك بركة و تشوف فيها الخير دايما

المشاركة الأصلية كتبت بواسطة mekawy002

عربيتى اوتوماتيك ، والحمد لله الثبات ممتاز بالرغم من ارتفاع العربية ، وده مقارنة باللانسر والكورولا والانترا ، وده مش رأيى لوحدى ، ده كان رأى كل اصحابى اللى ساقوا عربيتى .
ولو اتكلمت بالارقام ، الثبات بيكون ممتاز لحد 140 فى الملفات المتوسطة الحدة زى اللى على الدائرى مثلا ، وبيكون جامد لحد 170 فى الملفات الضعيفة زى الصحراوى ، وبيكون كويس جدا لحد 100 فى الملفات الحادة داخل القاهرة .
اما العفشة ، فمتعتبرش ناعمة ، بس طبعا لو ماشية ديما على الاسفلت حتحسى انها ناعمة على طوول . وعموما العربية دى اصلا مصممة للراليات ، يعنى للجرى فى الطرق الوعرة ، وهى بتنزل برة مصر AWD(all wheel drive) ، وعلشان كده مينفعش تبقى عفشتها ناعمة وحرير علشان متضمرش فى كام شهر .

انا بالرغم من اعجابى باختبارالقيادة اللى عملو كريم منير، انا اختلف معاه فى انتقاضه للعفشة ، وانها كسرت ظهره ، لان انا عامل بالعربية حوالى 12000كم ، وقاعد فى العربيه اكتر ما بقعد فى بتنا ، والحمد االله مستريح وكل تمام ، بس هو اكيد افترى عليها بزيادة شوييتين فى الزلت والرمله :) ، علشان كده اخذ الانطباع ده.

الف الف شكر يا استاذ مكاوى بجد احييك على موضوعييتك فى التقييم و فى الرد على استفساراتى

ربنا يباركلك فيها و يحفظهالك

mate3rafsh 7etta kkwayesa betbee3 el Armrest bta3 el sx4 3ashan ana mesh la2eeh 7'ales????

الحقيقة انا كنت سألت عليه قبل لما اشترى العربية فى معرض مودرن موتورز ، قالولى انه مش موجود وقتها بس حيجيبوه فى شحنة قطع الغيار اللى جاية ، طبعا الكلام ده من 3 شهور ، طبعا الشحنة جت ويمكن اللى بعدها كمان ، بس انا بصراحة نسيت اسأل ، ان شاء الله لو عرفت اى معلومة اكيد حقولك ... وربنا يسهل ...