[blur]السلام عليكم ورحمة الله [/blur]
أصدقائي الأعزاء وحشني جدااا

بعد رحلة مع عربيتي لادا 2105 استمرت 6 شهور من بعد ما اشترتها جاة اليوم
اللي نجددها بقي ...قفولت يا واد نروح للميكانيكي الواد جمعة اللي موجود في السيوف
بس نحسب الميزانية كويس .. والحوار كالاتي

صباح الفل يا أستاذ أحمد
صباح الخير يا اسطي جمعة
اية اخبار سعدية ( قصدة عربيتي )
منا جايلك علشان تشوفها
المهم بص عليها وكدة لاقاها
قالي هات فلتر زيت وبنزين وهوا من حودة اللي جمبنا
فلتر زيت 5 جنية - فلتر بنزين 15 جنية - فلتر هوا مش فاكر
المهم حسبة 30 جنية كدة .. ركب ركب ركب تمام .
كام يا اسطي جمعة خلي والله 5جنية
الله يباركلك
------
طيب روحت للكهربائي المهندس عماد الألفي بص علي العربية قالي شوية لمض قدام وورا بكام روحت جيب لمبة كشاف 100 ب 20 جنية و باغة قدام شمال 15 جنية 2107 وركبت عادي علي 2105 وتكلف حسبة بردة 50 جنية
وركبهم وقالي العربية زي الفل طيب كام ولا حاجة وما رضاش ياخد فلوس خالص بجد
طيب
---
عفشة قولت في الاخر وظبط زوايا
نروح نعمل الكبيرة
السمكرة والدوكو
طبعا العربية عايزة سمكرة ودوكو من ساعت ما اشترتها لانها بايظة واتخبطت كمان مني يمين وشمال رفارف والأجناب رايحة في داهية
(ح نزل صور ليها بكرة ان شاء الله )
المهم روحت لأول واحد قالي قدامي اسبوعين
روحت للتاني بص علي العربية وقالي دي فيها شغل كتير
(قولت بس جة اللي يدفعك يا حلو عمال تقول ببلاش ببلاش اهو جالك الموت يا تارك الصلاة )
طيب كام يا صلاح قالي حنشيل الكبوت وتفورة كلة بالدهان بتاعة ونجيبة علي الصاج قولتلة تمام واية تاني
والشنطة برضة والخبطة ح اعدلهالك يمين وشمال تمام والسقف حلو بس ح لقت بس الحتت اللي فرقعت والسوك تتعدل وكمان فيها يا أبو حميد شغل معجون كتير لازم يتشال ويتظبط قالي سمكرة 200 جنية وبوية 700 .. والكلام حقيقي اقسم بالله
قولت اشوف اخوية هوة اللي فاهم راح متصل بنسيبة وهو سواق تاكسي لادا قالة الشغل اللي فيها بحولي 1000 جنية سمكرة بس غير الدهان لأنها بايظة
واعتمدت وقولت تمام

( ابقوا قولولي رأيكم اية في دة ) بعد الصور

اشتغل فيها أول امبارح وعدل الخبطة اليمين ولسة قدامة شويتين عقبال ما يخلص

قولت انقل التجربة لحبايبي هنا ونتناقش بقي ويا رب حد يستفيد من الموضع دة .,الموضوع قابل للتحديث

الغرض من الموضوع مش لاك في لاك انما الناس كلها تستفيد وتقول رأيها في كل حاجة تخص العربية الجميلة حمالة القاسية لادا الروسي 2105 علي فكرة العربية موديل 82

علي فكرة أخوكم علي أدة ف الصيانة ومعرفة قطع الغيار ولسة بقالي 6 شهور بس بسوق وهية أول عربية ليا

يالا مستني ردودكم وعايزين نخلي قسم لادا انشط قسم في المنتدي نملاة مواضيع مفيدة لينا كلنا