عربى دة يامرسى

**Dr_Mido** · 21-09-2008 04:58 PM

النهاردة كنت فى شغل فى القصر العينى الفرنساوى المندوب ربنا يكرمه عكلى الدنيا وودى حاجات غير اللى متوافق عليها وقصه كدة
المهم رحت اشوف حل للقصه دى وانا معدى شفت خير اللهم اجعله خير اليافطه اللطيفه الظريفه دة

مكنتش ااقدر اعدى من غير مصورها ووانا مروح لقيت واحد معديه شايله شنطه مكتوب عليها Aktive
ملحقتش اصورها
صورة الطف من موقع اتصالات

هى معدلات الذكاء اررتفعت للدرجه دى فى العربى واللغات ولا انا مش شايف

**bee** · 21-09-2008 05:48 PM

تصدق وتآمن بالله
انا فرحت لما لقيتك كاتب الموضوع ده :)
حسيت ان الدنيا لسه بخير
وبعدين هتروح بعيد ليه
هنا في المنتدى غلطات قاتلة والواحد على قد ما بيقدر بيصلح عشان الناس بتزعل وبتاخدها على محمل شخصي مع ان والله الموضوع ان الواحد مش خبير لغة ولا حاجه بس الكلام لو فضل كده فترة قصيرة كلنا هننسى الكتابة الصحيحة .. :)
أحييك يا باشا
شكرا على مجهودك يا دكتور

**Dr_Mido** · 21-09-2008 05:51 PM

انا بكتب عربى بسرعه ومش واخد عليه بكتب انجليزى اسرع فتلاقى عندى دايما حروف بتنط مكان حروف وبحاول اصلح فيهم على قد معرف بس مش لدرجه اكتب كلمه عربى غلط يبقى العي ب على اللى نجحنى ثانويه عامه عربى

**TaoTao** · 21-09-2008 06:45 PM

هي ممكن تكون مكتوبة بالفارسي أو التركي حيث التاء دائما مفتوحة، إفرض واحد تركي حب يدخل القصر العيني، يتوه عشان اللوحة مكتوبة بالتاء المربوطة؟! سيبك طبعاً إن التركي نفسه بقى يتكتب بالحروف اللاتيني بس احنا برضه بلد العراقة .. العرااااااااااااااااااااا اااااااقة.

72 سنة احتلال انجليزي ومن قبلهم 400 سنة الدواوين تتكلم التركية ولم يحد اللسان المصري عن العربية القويمة، 50 سنة بعد الثورة وصارت لغة القرءان غريبة وسط أبنائها .. ولا حول ولا قوة إلا الله العلي العظيم

**Noha.M** · 21-09-2008 06:48 PM

انا بأمانة موش عاوزة اتريق عشان انا كمان ليا غلطاتى لان الكلام بالعامية اصلا بيجبرك انك تكتب من غير قواعد بس بحاول على قد ما اقدر يكون الكلام ليه معني بس مش لدرجة وحدت

**Abo_Lina** · 21-09-2008 06:48 PM

يعني مدير المستشفى عمره ما مشى في المكان ده ?
للاسف صورة تنم عن عدم مبالاة واهمال..

**جمال** · 22-09-2008 02:06 AM

انا كمان ساعات بلاقى اخطاء تنرفز , ولما بحاول اصلحها لحد بيزعل
انا اتكلم عن الاخطاء اللغوية مثل ال ذال و ال زين مش الاخطاء نتيجة سرعة الكتابة ودى بيكون واضح انها نتيجة سهو او سرعة

**Ibtal** · 22-09-2008 02:24 PM

المشاركة الأصلية كتبت بواسطة sab3aawy

انا اول ما شفتها حسيت انى فى تركيا ، وحدت وهمت وحشمت وعصمت ...الخ

اما بالنسبة لأكتيف فانا اعتقد ان فيه ماركة رياضية كدة بتتكتب بحرف الK بس مافيهاش حرف الE فى الآخر AKTIV

http://www.aktivsport.dk/
http://www.aktiv-sport.pl/
http://www.aktivsport.hu/

انا معرفش هى بلدها ايه بس اللى اعرفه ان فى الألمانى الكلمة بتتكتب aktiv وبالتالى الماركة دى ممكن تكون من احدى الدول التى تتكلم الالمانية او لغات مقاربة لها(المانيا النمسا، سويسرا، هولندا، لكسمبورج.........الخ)

Aktiv هي كلمة ألماني و معناها active و ممكن في وسط الجملة تبقى Aktive حسب موقعها في الجملة