شكر خاص للمهندس هاني Speed Service Center

**mummy_47** · 23-12-2013 09:21 AM

في الحقيقة يا جماعة انا كنت رايح اعمل صيانة للهيونداي الافانتي وطبعا انتم عارفين ان العربيات ديه بتيجي من بورسعيد استيراد(معاقين) وطبعا مكنتش اعرف اي حاجة في اي حاجة في العربية-استقبلني م/هاني في المركز وطمني ان العربية هيتعمل فيها كل المطلوب -م/هاني راح بنفسه جاب قطع الغيار المطلوبة لاني اعتذرت له اني معرفش حاجة في جسر السويس وانا من 6 اكتوبر- العربية كان فيها شغل كتير -العفشة الامامية اتغيرت بالكامل-طقم السيرفيس اتعمل وحاجات اخرى لاني كنت سايبها ل م/ هاني يعمل فيها اللي هو عاوزة نتيجة لثقتي الكبيرة في المركز -كشف بالجهاز- طبعا م/ هاني شاف اللي ممكن يستنى وسابه عشان التكاليف لانها افورت مني جامد ..وبعدين راح معايا عملنا ضبط زوايا وترصيص -في الحقيقة م /هاني كان راجل ذوق جدا وقالي متشلش هم الفلوس خالص ولو ليا فلوس مش مهم....المفاجأة يا جماعة ان م/ هاني مخدش مني مصنعية تقريبا ..وانا كنت عمال اتحايل عليه انه اكيد ليه فلوس...

تحياتي كثير وشكرا جزيلا م / هاني وان شاء الله لنا لقاء قريب عشان اشرب القهوة

**ahmad--ezzat** · 23-12-2013 09:33 AM

المهندس هانى راجل محترم بشهاده كتير من الناس

**mummy_47** · 23-12-2013 09:40 AM

المشاركة الأصلية كتبت بواسطة ahmad--ezzat

المهندس هانى راجل محترم بشهاده كتير من الناس

فعلا راجل محترم وامين في الشغل ومش مستغل زي الصناعية اللي بنتعامل معاهم ويا ريت يفتح فرع هنا في 6 اكتوبر هيأكل الجو فعلا

**john55** · 23-12-2013 10:38 AM

انا قابلت المهندس في المركز بجسر السويس بصراحه الراجل ذوق ومحترم وهو اللي ساعدني اني اكتشف ان علبه الدريكسيون فيها مشكله وغيرتها في الضمان من الوكيل ربنا يكتر من امثاله وامانته وشكرا

**saddam** · 23-12-2013 12:21 PM

صديقي المواطن
كلنا سعداء ﻷجلك من أجل إنجازك للصيانة وأيصا ندعم ونشجع نشر كل أخبار أو تجربة حية تتناول أخلاق أو قوة صنعة مهندس أو مركز صيانة أو ورش وغيره لتعم الفائدة كل أعضاء منتدانا الكريم ولا تحرمنا من كل جديد لك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**enghany** · 24-12-2013 04:08 AM

طبعا انا بشكرك و اسف اني عطلتك الوقت ده و في النتظارك لاعاده ضبط الفرامل و متشكرعلي التقرير المحترمو كل سنه و حضرتك بخير و انا بفكر النس تاني بالعرض اللي سبيد عامله حتي يوم 6/1/2014 كل تغير كاتينه عليه هديه صيانه هديه بدون مصنعيات و كل سنه و انتم بخير

**mummy_47** · 24-12-2013 12:43 PM

المشاركة الأصلية كتبت بواسطة enghany

طبعا انا بشكرك و اسف اني عطلتك الوقت ده و في النتظارك لاعاده ضبط الفرامل و متشكرعلي التقرير المحترمو كل سنه و حضرتك بخير و انا بفكر النس تاني بالعرض اللي سبيد عامله حتي يوم 6/1/2014 كل تغير كاتينه عليه هديه صيانه هديه بدون مصنعيات و كل سنه و انتم بخير

العفو يا باشمهندس انا مقلتش غير اللي شفته وانت تستحق كل خير ....وكل سنة وانت بالف خير
اكيد هجيلك عشان اشرب القهوة لكن افوق شوية لان الايام ديه عندنا ميزانية وجرد وتقفيل اخر السنة..يعني متكعبل جامد ...هفوق وهجيلك باذن الله..

تحياتي
محمد