نشتري ميجان (2006-2007) يا جدعان واحنا في 2013 ولا ايه؟

**Mohamed Nassef** · 23-12-2013 02:19 PM

انا بفكر اغير عربيتي اليومين دول,حاليا معايا دايو لانوس موديل 2000 وطول عمري حلم حياتي الميجان بحب شكلها وامكانيتها وفخامتها وكل حاجة فيها.مش حيفرق معايا كتير موضوع التوكيل او مراكز الصيانة المعتمدة بس الحاجة الوحيدة اللي قالقاني هي هل واحنا في 2013 ممكن الاقي ميجان متسعملة تكون بنت ناس ومتصانة وماشية قليل ومتهانتش؟هل حتكون فاتحة بقها ومصروفها كتير؟انا كان نفسي الحق العربية زيرو لاكن كان الواحد لسه مشتغلش المهم هل اتوكل علي الله وادور وممكن الاقي حاجة نضيفة ولا الدنيا بايظة مع العلم اني بتكلم عن موديلات (2007-2009) وهل موديل 2006 لو نازل للعربية نسخة سوفتوير جديدة عشان الجير بوكس هل تكون كويسة ولا ابتدي من موديل 2007دي اول مشاركة ليا واتمني الرد

**M.Radwan** · 23-12-2013 03:28 PM

ابتدي من موديل 2007 وياريت لو أعلى من كده كمان عشان تلاقي طلباتك فيها. بس خلي بالك مصاريفها هتبقى أكتر بكتير من اللانوس.
لو مركبتش عربيات غير اللانوس، يبقى صدقني أول ما هتركبها هتحس انك مركبتش عربية قبل كده، فرق شاسع. وده السبب في المصاريف الكتير للأسف كل حاجة وليها ضرائبها.

**تامر.محمد** · 23-12-2013 03:36 PM

عشان تلاقي مش هايبقى سهل بصراحة , عن تجربة
بس عموما مش مستحيل يعني , هو هياخد شوية وقت و مجهود
و ركز في كشف التوكيل قبل ما تشتري

و عن تجربة , النقلة من اللانوس للميجان محسوسة جدااااااااااااااااااااااا ا :)

و طبعا لو معاك فلوس الفلوينس هات فلوينس :)

**تامر.محمد** · 24-12-2013 05:20 AM

الموضوع شقين
فنيات عربية , و ورق
الورق له قصصه

و الفنيات , بتاخد معاك حد فاهم شوية بيبص عالعربية كده يعني
اداك الاوكيه , تاخده عالتوكيل , لو صاحبها وافق طبعا :)

**تامر.محمد** · 06-01-2014 11:58 AM

و لو فلوينس اكشف في التوكيل برده
في الحالتين هي حماية لفلوسك

**تامر.محمد** · 06-01-2014 01:16 PM

المشاركة الأصلية كتبت بواسطة tarek_asem

يعني يا استاذ تامر لو انا اخدت العربيه للتوكيل وفحصت ... هيقوللي ايه في التقرير
وامتى ابعد عنها ؟ انا عايز خد يساعدني لاني لقيت واحده فعلا ومحتاج مساعده فعلا فعلا عايز مساعده

هايقول لك العربية فيها قطع غيار ايه مش بحالتها السليمة
يعني لو فيها قطعة ( بدأت ) تبوظ هايقول لك
فيه قطع ممكن تفوتها
فيه حاجات لازم بتقلل من سعر العربية
و فيه حاجات تخليك تسيب العربية اصلا

-

-

-

الموضوع: نشتري ميجان (2006-2007) يا جدعان واحنا في 2013 ولا ايه؟

LinkBack

أدوات الموضوع

عرض

-

-

-

-

-

المواضيع المتشابهه

A 620 2007 ولا ميجان 2006

مقارنة بين ميجان 2007 و ميجان 2005/2006 و كلام غريب

الفرق بين ميجان 2006\2007

ايه الاختلاف بين ميجان 2006 و 2007

ميجان 2006 أو 2007 ؟

الكلمات الدلالية لهذا الموضوع

المفضلات

المفضلات

ضوابط المشاركة