عرض للطباعة
انا جايب عربيه رينو سانديرو تبع بنك القاهره 2013 وكنت مأمن مع مصر للتأمين
وهما غلوا نسبه التأمين عليا عند التجديد السنه دي علشان كنت واخد تعويض منهم السنه اللي فاتت
قررت أعمل في شركه تانيه
انا من المنصوره
تنصحوا بايه ؟؟
ولو عاوز أعرف القسط هيبقي كام السنه دي اعرف ازاي ؟؟؟ والنسبه كام ؟؟
ممكن من الساده الاعضاء شرح لنا كيفية التامين وقيمة التامين لوحبيت امن على سياره زيرو تامين شامل ما ادفع شئ عند الحوادث لقدر الله ؟؟؟
أولا كل شركة و لها نظامها
ثانيا كل شركة بتعمل أنظمة مختلفة للتأمين
ثالثا اللى انا أعرفه حأقوله
الشركات بتأخد نسبة 3,5 % من أجمالى قيمة السيارة المؤمن عليها زادت بعد الثورة ما أعرفش بقيت كام قيمة البوليصة بتقل كل سنة لأن قيمة العربية بتقل كل سنة 10 % و ده أختيارى بمعنى أنت لو حابب أن العربية تتأمن عليها كل سنة بنفس قيمتها ما فيش مشكلة كله عليك و بعدين لازم تجدد البوليصة قبل أنتهاء البوليصة بوقت كاف 15 يوم على الأقل و ألا يبقى فيه فحص للعربية و شغلانة
في حالة وقوع حادثة لا قدر الله هنا مجموعة حاجات لازم تتراعى
1- تكاليف الحادث اقل من أو أكثر من خمسة ألاف جنيه (في حالة زيادة تكلفة الحادث عن خمسة ألاف جنيه لابد من محضر شرطة و معاينة النيابة )
2- وجود نسبة تحمل في وثيقة التأمين و دى بتتراوح ما بين 250 -500 جنيه
العربية لو كانت بتمشي بتروح بيها الشركة و هناك بينزل حد يصورها و يقوللك على الإجراءات المتبعة
لو كانت العربية ما بتمشيش حتتصلل بيهم و حتقلهم مكان العربية فين بالضبط و حد من الشركة حييجى ويعاين و يصور
3- خللى بالك ان الأير باج التأمين ما بيدفعش أكتر من 25% من قيمة أصلاحها
4- لو حتصلح في ورشة تابعة لشركة التأمين ما بتدفعش حاجة ولوحتروح و تصلح في التوكيل حتدفع 10% من قيمة التكلفة
5- عند تجديد الوثيقة لازم تدفع نسبة أزيد من النسبة العادية كنوع من مشاركة الخسائر (أنا ما أعرفش لو حتروح شركة تانية حيبقى الوضع عامل أزاى و هل في أتصال بين الشركات و بعدها بحيث أنك لما تعمل حادثة كل شركات التأمين حتعرف أنك عملت حادثة و عموما كده كده حتتكشف أن العربية كان فيها حاجة لأن العربية بتتفحص فحص شامل و دقيق و طبعا حيسأللك انت كنت مأمن فين قبل كده فمتحاولش الهرب و أستسلم و أرفع أيدك من على جيبك لأنك حتدفع حتدفع
6-فى حالة الأهلاك الكلى بتتصرف نسبة من التأمين لا تتجاوز 75% من قيمة البوليصة
و النبى يا جماعة المعلومات دى حسب علمى و تجربتى المحدودة حد يصلحها لى و نشوفها كلنا بعد التصويب و ياريت يا جماعة يبقى في مو ضوع عن البنوك و البنوك الكويسة للمقدمين على شراء سيارة لوجان للأستفادة والله أعلم
ملحوظة
أنا مأمن في نايل تكافل و هي شركة معقولة و مقسط في بنك المغرب أقصد المشرق بنك من البنوك العشوائية السيئة اللى موجودة في بلدنا
حد عنده فكره عن الدلتا للتأمين وشركه المهندس للتأمين ؟؟؟؟؟؟؟؟ظ