الموضوع: سؤال لاصحاب الخبرة فى تجارة الذهب

المشاركة الأصلية كتبت بواسطة foxhonda2008

الفضه الحل : هي الفضه الخام من غير اي اضافات يعني الكيلو الواحد ب حوالي 6000 جنيه و يوم متكون الفضه سعرها عالي ممكن تبيع الكيلو على 7500.
معني تشغلهم :انك تسافر تجيب شغل من برة مصر و الكيلو بيقف عليك بحوالي 10000 و تبعيهم هنا للمحلات ب 14000 للكيلو بس ده محتاج شويه مجهود في تنأيه الشغل و درايه بالبلد المنتجه و بردوا ازاي توزعهم و لمين
و لو عايز تسافر ممكن تتطلع معايا و ده و الله محدش هيعمل معاك كده
و بردوا انا معاك لو عايز تسأل على اي حاجه

انا متشكر لحضرتك
بس انا كده اتلخبطت
حضرنك كاتب ان الكيلو ب 6000 الاف جنيه وبعديها كاتب الكيلو من بره ب 10 الاف جنيه
ده اول حاجه عايز افهمخا
تانى حاجه ومعلش بتقل عليك السفر هيكون لفين وكام يوم وهتحتاج قد ايه لحد ما تبيع وازاى بتدخل الكمية دى من المطار وهل ده جائز قانونا ولا لو اتمسكت تبقى مشكله
ياريت تفيدنى بخبرتك واكون شاكر

المشاركة الأصلية كتبت بواسطة mo7elmy

ياباشا هات دهب سواء كان جنيهات (8 جرام عيار 21) او اونصات ( 31.1 جرام عيار 24) دة افضل وكمان انت كدة بتاجر فى الدولار فى نفس الوقت لاننا عومنا سعر الدهب واصبح سعر الدهب هو السعر العالمى والى هو بيقيم بالدولار .......... بمعنى لو مثلا اشتريت اونصة ب9500 جنية ( 1200 *7.45= 8950 +550 ضريبة ومكسب البياع) فانت هنا ممكن تكسب فى حالتين ...حاله ان المعدن طلع .....وحالة انه الدولار طلع ..... يعنى المفروض الدهب نزل جامد الفترة الى فاتت الى سند خسارته ان الدولار طلع من 7.1 الى 7.45 وطبعا دة فى السوق السودا لان تجار الدهب بيبعوا على حسب الدولار فى السوق السودا....................... ارجو ان اكون افدتك ودعواتك ليا لو استفدت

بصراحة جزاك الله خيرا وفكره جميلة بس الاقى فين الاونصة دى وازاى اعرف انها مش مضروبة وعلى اساس ايه حضرتك حسبت ال 550 جنيه وهل لو جيت ابيعها هخسر ال 550 جنيه يعنى هخسر 5.7% من قيمة المدخرات عند ثبات السعر
يعنى لو انا عايز ابدل فلوس بدهب يبقى على الاقل تجيب قيمة الزكاة 2.5% مش تخسر ضعف قيمة الزكاة
انا استفدت فعلا من نصيحتك وفتحتلى فكرة جديدة وعلشان كده طمعت فى المزيد ومستنى مشاركتك

المشاركة الأصلية كتبت بواسطة foxhonda2008

ال6000 للكيلو دي فضه حل يعني بتبقي عامله زي البلي كده
انما ال10000 للكيلو دي شغل جديد خواتم سلاسل انسيال حلقان شغل للبيع
البلد المنتجه عندك تايلاند و دي انا بفضلها و عندك الصين شغلها ارخص بس مبيعجبنيش

جميل قوى طب الفيزا سهله ولا صعبه والتسويق هنا بيتم ازاى