استعدال جنوط سبور

**SimplyM** · 23-12-2013 04:09 PM

السلام عليكم

انا محتاج استعدل جنط اسبور الومنيوم اصلى (opel gm) مين يعمل القصه ديه و تتكلف كام؟ اتقالى انزل صقر قريش ... مفيش حد تانى قرب الهرم او فى مكان قريب من الهرم؟

شكرا

**Mo.Kareem** · 23-12-2013 05:30 PM

عندى نفس المشكلة وروحت لبتاع الملك الصالح بفردة جنط فيها كسر قالى 600 جنيه سبته ومشيت ، ياريت لو حد يعرف حد كويس وتبقى اسعره معقوله يبقى كتير خيره

**svneleven** · 23-12-2013 06:13 PM

فيه واحد جنب ورشة نايل موتورز في الحرفيين. أ. كريم منير قال عليه استاذ.

**semsem5144** · 24-12-2013 09:45 PM

في واحد فى الحرفيين شغله حلو اتعوج معايا جنط بي ام 18 من مطب على سرعه عالية والكاوتش انفجر بس الجنط الحمد لله شال وزن العربية الراجل رجعهولي زي الجديد مكانه في بلوكات البي ام وخد 50 جنيه

**SimplyM** · 30-12-2013 01:12 AM

هو في الملك الصالح مين الكويس؟

انا ملتقط غير محل واحد فاتح و عدل الجنط يدوي و عايره كمان يدوي علي طاره و ابره كده ... هو كان فيه شفه جامعده و احتاج تسخين اكتر من مره و طلب ٨٠ ايه النظام؟

**svneleven** · 31-12-2013 03:45 AM

المشاركة الأصلية كتبت بواسطة simplym

هو في الملك الصالح مين الكويس؟

انا ملتقط غير محل واحد فاتح و عدل الجنط يدوي و عايره كمان يدوي علي طاره و ابره كده ... هو كان فيه شفه جامعده و احتاج تسخين اكتر من مره و طلب ٨٠ ايه النظام؟

أنا جربت الراجل بتاع الملك الصالح الصراحة شغله كويس جدا لكن مغلواني و عاوز يقفش منك أي فلوس و خلاص أنا ما استريحتلوش و عايش دور التناكة علي الاخر. جرب الراجل بتاع الحرفيين صلاح غريب لأن أ.كريم منير بيشكر فيه جدا. أنا ما جربتوش الصراحة.

**Yousef.Kamel** · 09-01-2014 10:02 AM

فيه واحد احسن من بتاع الملك الصالح اللى بيشتغل يدوى فى المنيل ورا البنزينه عند مطعم مشهور بتاع مخ بس مش فاكر اسمه صنايعى محترم ومش مغلوانى وجايب مكنه لاستعدال الجنط وهو اللى بيفك الفرده مش زى بتاع فم الخليج