استلمت كيا ريو خليجي هاي لاين 2014

**essam assem** · 13-01-2014 05:11 PM

السلام عليكم يا استاذ احمد
معلش سوال هو حضرتك ظبط كوتش العربية على كام ؟
انا ظبطتة على 30 بس حاسس انة كان عايز 32 فمش عارف اية رايك فى الافضل
وكل سنة وحضرتك وجميع اعضاء المنتدى بخير بمناسبة المولد النبوى الشريف

**abduo882000** · 13-01-2014 07:12 PM

المشاركة الأصلية كتبت بواسطة ahmed.essam

الله يبارك في حضرتك
انا جبتها من المصرية للسيارات في المنصورة ب 140
اول انطباع عن العربية ان هي عربية فيها تكنولوجيا عالية ما شاء الله

شكل جميل جدا وملفت والناس كلها عارفة ده

القاعدة في العربية حلوة ومريحة بالرغم من ان الكراسي ناشفة شوية بس متعتبرش مشكلة لاني اكيد مش واخد على القعدة فيها لانها جديدة ومع وجود الفرش بعدين ان شاء الله ممكن تخف شوية

العفشة ناشفة شوية واعتقد ملاك العربية متفقين على كده واعتقد السبب في كده الجنط ال17

عربيتي مافيهاش سنسور بارك وانا شايف ان الريو مهم فيها اوي السنسور بارك لان السواق وهو قاعد المراية اللي في النص تعتبر لرؤية اللي ورا بشكل بسيط ماتعتبرش رؤية كاملة وتحس ان الازاز الخلفي بعيد عنك لكن ان شاء الله ماتمثلش مشكلة بالنسبة ليا لان الحمدلله بركن كويس ولما اخد ع العربية هتبقى تمام

العربية انا ما مشيتش بيها اكتر من 40 او 50 كم بس اقدر اقول ان بسم الله ما شاء الله سحبها جميل اوي وبعد التليين بإذن الله هأكد المعلومة دي

الباور بتاعها ناعم جدا وسلس بس كلاكس العربية مسخرة :d

مبروك يا فندم على العربية وانا بردو عندي تعليق على الكلاكس بتاع الريو مش نافع معاها خالص خصوصا لو بتسوق على الدائري وسط النقل انا روحت التوكيل علشان اغيرة قعد يقنعني ان صوتة عالى وفي الاخر قالي لازم نفك الاكصدام علشان نغيرة قلتله شكرا ومشيت ههههههه

**Maged93** · 13-01-2014 07:46 PM

مبروووك ياباشا وربنا يديك خيرعا ويكفيك شرها ويبعد عنك العين

**aouelfotouh** · 13-01-2014 11:44 PM

مبررررررررررررررررررررررر رررررروك ربنا يكفيك شره ويحمهالك

وياريت تقول الدعاء ده وايدك على مقدمة العربيه

(اللهم إني أسألك من خيرها وخير ما جلبت عليه وأعوذ بك من شرها وشر ما جُلبت عليه)