اسعار فيرنا مستعمل

**mahmoudrahmy** · 24-12-2013 12:53 AM

يا جماعة ربنا عرفوه بالعقل
دلوقتى العربيه الفيرنا موديل 2014 زيرو فى المعارض بتتباع ب 70 و ب 71 الف تمام
على موقع كونتكت كار مزودين فى سعر العربيه 5 الاق جنيه فا بيخلي الى يجي يبيع عربيته بيطلب سعر مغالى فيه ولما بتسأله يقولك اصلها غليت .
طيب السؤال لما تكون الفيرنا 2014 زيرو ب 71 الف جنيه
يبقى زي ما كلنا عارقين لما اجي اشترى ال 2013 كسر زيرو هاتقل 10 الاف جنيه عن سعرها
يبقى اذاى واحد تبقى عربيته موديل 2011 او 2010 ويطلب فيها 57 و 60 هو دا كلام يا جماعه شوروا عليه وصححولى لو انا غلطان
عاجل

**mahmoudrahmy** · 24-12-2013 07:06 PM

الوووووووووووو

**mahmoudrahmy** · 24-12-2013 07:08 PM

ايه يا جماعة هو فين الردود انا عارف ان الكلام مش ها يجي علي كيف الي معاه عربيه وبيطلب فيها سعر خيالي علشان كده بتاع 60 واحد شافوا الموضوع و 2 بس الي علقوا

**elkorany** · 25-12-2013 09:18 PM

السلام عليكم
اللى انا اعرفه ان فيرنا 2014 كاملة مانويل جات ال80 الف وهتزيد تانى
لأنهم بيأكدو انها مش هتنزل تانى
المهم ايا كان الكلام ده صح او غلط بس الأكيد ان فيرنا غليت
انا شارى 2013 كاملة مانويل بزجاج فيميه ب 75 من سنه

نيجى بقا للمهم السعر للمستعمل
انا قبل ما أشترى لفيت يجى شهرين او تلاتة
الخلاصة كل واحد بيبيع على مزاجه بسعر غالى او رخيص هو دماغة ركب كده
اسأل كذا واحد ولف على مواقع بيع العربيات زى هنا مثلا فى المنتدى او اى موقع بيع تانى وفيهم كتير
ممكن تراسلنى على الخاص اقولك عليهم
بص نصيحة من واحد مجرب اتفرج على عربيات كتير ومتأخدش عربية فيه حاجة مش عجباك او مريحاك علشان سعرها
ممكن تتفرج على عربية مثلا مثلا رشة برة بس فبريكة جوا ونضيفة شوية من جوا وصاحبها يقولك 60 الف ومينزلش مليم
تروح بعدا ربنا يرزقك بعربية ب60 او اقل فبريكة برة وجوا وبرقبتها

الشراء حظوظ او بمعنى ادق رزق من عند ربنا, فصلى استخارة كتير ولما تتفرج على عربية متخلصش فيهل الا تانى يوم روح صلى ركعتين استخارة وادعى ربنا
وتانى يوم لو قلبك استريحلها خلص

اخيرا مش العربية فبريكة برة وجوا تبقى ممتازة لا ده كوكتيل مواصفات ومنكرش انها فبريكة ده يدل على الحالة
بس انا اعرف ربيات كتير فبركة طالع روح ابوها
المه ربنا يرزقك باللى يرضيك
عفوا على الاطالة