الموضوع: أيه أخبار السيراتو الجديده مع المطبات

السلام عليكم

انا معايا السيراتو الجديده ومشيت بيها مايقارب ال 1500 كم وباذن الله هنزل تقرير العفشه ناعمه جدا انا معايا اول فئه اتوماتيك من المميرزات اللي لاحظتها انها بقت ثابته ومش بتحس بالسرعه وان ال 120 بالنسبه ليها حاجه عاديه حتي وانت مشغل المكيف وكمان العزل زاد بمعني ان الصوت اللي بره بقيت بتسمعه بس مش بنفس درجه السيراتو القديمه بمعني انو اقل بنسبه 50% واي استفسار انا تحت امرك :)

أعتقد انها تحك فى المطبات المصرية الجميلة =d

بس ياريت حد يفيدنا و خصوصا لو مركب حد معاك هل بتهبط و لا لا ؟؟ لان الريو شفتها بتهبط جامد

العربيه معايا عامله 2500 كم هاي لاين الجنط ال 17 و مع ذلك العفشه ناعمه جدا فى المطبات و مفيش تنطيط من ضهر العربيه و انا اخرى 140ل و كانت معايا زى الفل مع نطام ال sport الملحوظه الوحيده اللى لاحظتها و اتمنى يكون حد معاه الجنط ال 17 بفيدنى اذا كان لاحظها ان فيه صوت دبده بسيطه جدا من الناحيه اليمين فى فواصل الكبارى و مش مسموعه الا لما يكون مفيش دوشه او قافل الازاز وماشى على سرعه متوسطه 40 كم مثلا ولما سالت فى التوكيل كانت الاجابه ان كل العربيات كده وان الدبه دية طبيعيه بسبب ان القواعد و السيور الناحيه اليمين مش عارف دى اشتغاله ولا ايه ؟؟ عامة العربيه ممتازه ومليانه اوبشنات جامده جدا

انا معايا الشكل القديم 2012 جنط 17 وموضوع الدبدبة الي في الجنب اليمين دي موجودة عندي بردة ولما شيكت على العفشة قالولي مفيش مشكلة فيها .. بس في عندي سؤال هل في حد جرب يركب مساعدين ويايات الشكل الجديد على الشكل القديم فتحل مشكلة النشوفيه ؟

طيب عاوزين حد يعمل دراسه عن الموضوع دا ويشوف لينا اذا كان الموضوع متاح ولا لا