عربيتي لانوس 2001

**esnawy** · 24-12-2013 01:13 AM

السلام عليكم جميعا...انا عربيتي لانوس 2001 ودي بعض المشاكل عندي ياريت لوحد يقدر يفيدني:
1-لمبه التشيك بتنور قبل عمل مروحه الرادياتير بلحظات والعربيه ماشيه...ولاحظت انها مابتنورش ابدا والعربيه لسه مسخنتش ومؤشر الحراره لسه ماوصلش للحظه تشغييل المروحه..مع العلم ايضا انها مش بتنور والعربيه علي السلانسيه حتي لو المروحه اشتغلت...اللمبه بتنور في حاله التسارع وعند لحظه عمل المروحه

2-عندي رجرجه علي السلانسيه مع العلم اني غيرت حساس الايدل و tps والبوابه بالكامل وكمان مغيير سلووك البوجيهات

3-يوجد في سيارتي حساس بوتيونشيمتر + حساس شكمان...فهل ده يصح وجود الاتنيين...علي حد علمي انه بيوجد واحد فيهم بس في موديل 2001 .
معلش طولت عليكم....وارجو الافاده

**MMamdouh** · 24-12-2013 12:05 PM

واضح ان العربية دى مغيرة مكنة و فيه عك فى الضفيرة... روح لمحمد السيد و هو هيفهم الحوار و يحل المشكلة

MMamdouh

**esnawy** · 24-12-2013 10:25 PM

بما ان المكنه متغيره..هل .يبقي كده حساس الشكمان متوصل بضفيره....
هل ممكن اجرب افصل حساس الشكمان وامشي بالعربيه من غيره ونشوف اللمبه هتنور ولالا ...وده علس اساس ان حساس البوتونشيميتر موجود ومتوصل....

**esnawy** · 27-12-2013 08:39 PM

ايه ياجماعه ...مفييش اي اقتراحات ممكن تفيدني....

**osamaab** · 28-12-2013 03:46 AM

لمبه االتشك لما تنور فى حاله التسارع فقط ده فى الغالب عيب حساس الشكمان اما حكايه لما المروحه تشتغل فى حاله التسارع فده انا مش فهمه ازاى حضرتك بتعرف امتى المروحه اشتغلت وانت بتجرى بالعربيه لان الانوس مفيهاش لمبه بيان بتشغيل المروحه
اما لو قلتلى انك بتعرف ده لما امبير الحراره بينزل
فمعروف ان مع السرعات العاليه درجه الحراره بتقل
اما بخصوص الرجه على السلانسيه فاعتقد ان ده عيب فى ضفيره الموتور محتاجه كهربائى كويس يراجع عليها وخصوصا الاشارات والسلوك الخارجه من حساس الايدل و tps وممكن تغيرها بضفيره استيراد وعموما لمعرفه العيب فى الحالتين حط العربيه على جهاز كشف الاعطال قبل ماتصرف فلوس على الفاضى وتسيب نفسك للتخمينات
واهم من ده كله تحياتى لاهل اسنا البلد اللى وحشانى هى واهلها والقرى اللى حواليها

**esame55** · 28-12-2013 06:44 AM

اسمحلي انا حصلت معايا نفس المشكله ودوخت العبيه لمبه التشك كانت تشتغل قبل المروحه بسواني او معها وبعد عذاب اكتشفت ان ترمثتات المروحه بيعلق ولكي تتاكد تابع سرعه المروحه هتلاقيها بتشتغل علي السرعه العاليه

**esnawy** · 28-12-2013 03:34 PM

متشكر ياجماعه علي الردوود...
فعلا يا استاذ عصام المروحه سرعتها عاليه..ولمبه التشيك بتنور دايما عند وصول مؤشر الحراره قبل المنتصف مباشره واللي عند ه المروحه بتبدأ تشتغل.
ممكن تفيدني بمكان ثيرموستات المروحه او صوره ليها
وسؤال اخر هي المروحه ليها اكتر من سرعه بشتغل عليها..

ومتشكر جدا يا استاذ اسامه علي الرد والاهتمام..كنت حابب اوضحلك ملحوظه صغيره..لمبه التشيك مش بتور خالص والعربيه في حاله التسارع طالما ماسخنتش ومش وصلت لوقت تشغيل المروحه..يعني ممكن امشي بالعربيه وهي بارده لسرعات عاليه واللمبه متنورش...

وهوصل تحياتك لاهل اسنا والقري اللي حواليها كمان...علشان انا من القري اللي حواليها وتحياتنا ليك.

**esame55** · 28-12-2013 03:58 PM

اسف علي التاخير الترموستات تحت الموبينه مباشره وتمنه 40 جنيه جديد و50 جنيه مستعمل وافضل المستعمل (استيراد) والمروحه سرعتين لاحظها في المروحه الكبيره اولل درجه بتبقي ضعيفه والثانيه قويه جدا

**esnawy** · 28-12-2013 04:14 PM

هو كده التيرموستات بيشغل المروحه عند درجتين من الحراره مثلا 40-90..ولا بشتغل عند درجه حراره واحده عند 90 بسرعه بطيئه وبعد كده بسرعه عاليه..

الموضوع: عربيتي لانوس 2001

LinkBack

أدوات الموضوع

عرض

-

-

-

-

المواضيع المتشابهه

تعديل فوانبس ومرايات عربيتي ابيزا 2001

مقارنة بين لانوس 2001 واكسنت 2001

محتار بين بولو 2001 موتور 1000 سي سي و لانوس 2001

أرجو المساعدة عربيتي بولو 2001

يا جماعة عايز ابيع عربيتي Gol plus 2001..

الكلمات الدلالية لهذا الموضوع

المفضلات

المفضلات

ضوابط المشاركة