معلومات جديدة عن شيرى a11

**douha_wise** · 05-01-2014 08:50 AM

المشاركة الأصلية كتبت بواسطة ahmed rashed

ممكن يا استاذ ممدوح تقولى هل العربية دى مريحاك ولا لا لانى ان فى مرحلة البحث عن عربية فى حدود 30 او 33 وياريت مميزات العربية وعيوبها وخاصة قطع الغيار لانى من الشرقية وهل الميكانيكية بيفهموا فيها وان لما قرات الموضوع بتاعك شفت ان حاجة الفورد بتركب عليها فياريت اذا كان عندك معلومات عن الفورد اسكورت تقوله لى وشكرا جزيلا

احى العزيز هذه السيارة من السيارات الاعتمادية عايز تشيل فيها و تحمل ما شاء الله عليها و استهلاك بنزين من افضل ما يكون طالما سواقتك كويسه طبعا و قطع غيار متوفرة بالنسبة للعفشة بالكامل ما بين جولف2 و جولف 3 بما فيها التيل و الطنابير و بالنسبة للموتور كل حاجته عند بتوع الفورد و هو كما قلت و كما هو معروف لاصحابها موتور فورد اسكورت 1600 كاربراتير المهم لما تشترى تحسن اختيارها عشان متتعبكش
و حاول تبص كويس على الموضوعات فى هذا القسم ان شاء الله ستجد ما تريد
و بالتوفيق

**douha_wise** · 18-02-2014 03:14 PM

اخى العزيز انا سيارتى لونج 2006 و سير الكاتينه لا يختلف من موديل لاخرو رقمه و نوعه هو نفس اللى انا كاتبه فى اول الموضوع و الذى يختلف هو سير المجموعه و لكن يختلف بين الاتوماتيك و العادى فى الاتوماتيك على ما اتذكر بيكون اكبر شويه
و على ما اظن ليس هناك غير بليه واحده للكاتينه و هى نفسها بلية اللاسكورت 1600 الكاربراتير لكن خذ معك القديمه برضه للضمان عشان انت عارف البائعين و ذكائهم و اشترى التركى على الاقل و انا كاتب اسماء و ارقام السيور فى اول الموضوع و كما قلت لك خذ معك القديم للضمان و الاطمئنان و بالنسبه لسير الكاتينه اشترى الكورى على الاقل ايضا و لا تشترى الصينى و هو ان شاء الله تجده مع سير الكاتينه عند محل الهوارى لبيع السيور بشارع رمسيس و هو بيبيع جمله لكن ممكن تشترى منه عادى و بالتوفيق اخى

**ahmed2801** · 20-02-2014 03:15 PM

المشاركة الأصلية كتبت بواسطة askarfeps84

شكرا جدا على الرد ... وعذرا لجهلي لكن كنت عايز اسال عن سير المجموعة
انا قررت اغير كل السيور
كاتينة ومعاها البلية
وبور
ودينامو

هل بقى سير المجموعة ده هو هو سير البور والدينمو ولا ده سير تاني لوحده

وسؤال تاني هل ايضا في سير تكييف ومروحة لأزم يتغيروا مع الوقت فى الشيري 2006

انا بسأل عشان بالمرة اغير كل السيور

(كان حد صاحبي قريب من صقر جسر السويس وساله عن طقم السيور بتاعت الشيري وقاله كالتالي
سير كاتينة ايطالي 120 جنيه والبلية للكاتينة 180 جنيه
سير دينمو ايطالي 70 جنيه
سير باور 25 جنيه )
هل حد جرب من فضلكم هذا الطقم من عند صقر ... وهل فعلا هو بيبع ايطالي ولا كله صيني؟ )

الدينمو والتكييف والكرنك سير واحد .... الباور والكرنك سير واحد .. الكاتينة : ترس الكامة وترس الكرنك وبلية الشداد وطلمبة المية على سير الكاتينة.

**douha_wise** · 21-02-2014 05:40 PM

اخى كما قلت لك ارح نفسك و بدلا من الشراء من صقر و غيره اذهب لمحل الهوارى للسيور فى شارع رمسيس امام المسرح القومى أو أى احد متخصص سيور فى التوفيقيه سستجد ان شاء الله السيور اللى انت عايزها و اسعارها اقل بكتير من محلات بيع قطع الغيار و ركز على الالمانى فى سير الكاتينه و البور اما بلية الكاتينه من بتوع الفورد اسكورت 1600 كاربراتير و خاصة الشركه الاسلاميه تحت كوبرى اكتوبر بشارع الجلاء خلف جمعية الشبان المسلمين ممكن تجد عنده الالمانى الأصلى لكنك ستجها غاليه ممكن توصل ل 750 جنيه هذا إن أحببت الأصلى أو اشترى التركى فى حدود من 180 الى 200 جنيه أما عند صقر فهى الصينى هذا ما اراه و لك مطلق الحريه و تابع موضوعى الجديد عن طنابير الفرامل الخلفيه

**douha_wise** · 24-02-2014 02:15 PM

اخى العزيز انا نزلت اليوم للتوفيقيه و ذهبت للشركه الاسلاميه و وجدت عنده بلية الكاتينه الالمانى ب 240 جنيه فقلت اصححلك المعلومه و انا ارشحها لك و قد ارسلت لك رساله بتليفونه و عنوانه و بالتوفيق