معلومات جديدة عن شيرى a11
اولا السلام عليكم و رحمة الله و بركاته
ثانيا كنت عملت شوية حاجات الفاترة اللى فاتت فى العربية و قلت اعرض عليكم ما تم عمله و ما هو الجديد الذى قابلته لمزيد من الاستفادة لاحبابى
1 - غيرت كونتاكت السيارة و ذهبت لبتوع الجولف فوجدت انه نفس بتاع الجولف 2 المهم خذ معك القديم ليقارنه اشتريته ب 70 جنيه بمفتاحين هو طبعا صينى بس احسن من اللى عند بتوع الشيرى و عرفت من الكهربائى انه العيب لأنى لما كنت بدور العربية مكنتش بتعمل أى صوت و لا تكة و لا غيره
2- كنت مشترى من كام شهر فبرة الكونتاكت أو فيشة الكونتاكت عشان لها اكثر من اسم لأنى كنت فاكر العيب منها و هو كان تعليق بيحصل لما ادور العربية كانت بتعمل تكة واحدة و بعد كده مفيش حاجة خالص فأتضح إن السلك اللى واصل على المارش مش مربوط كويس و عرفت كده بعد ما اشتريت الفيشة من صقر ب 50 جنيه بالعافية فاحتفظت بها و لما رحت اشترى الكونتاكت وجدتها و خامة افضل منها بكتير رغم انها صينى برضه و بنفس السعر
3 - كنت فى موضوع سابق وضحت انى غيرت سير الكاتينة و كتبت رقمة لكن اتضح إن الرقم الأصح هو
CT729 ماركة Contitech و هى من اشهر شركات السيور الالمانية و على فكرة السير اللى اشتريته نفس الشركة بس صناعة مكسيكى ب 80 جنيه من عند محل الهوارى للسيور بشارع رمسيس قبل شارع التوفيقية و نقوله سير عربية فورد اسكورت 1600 و عدد السنون 97 سنه و خذ معك القديم و لاحظ تاريخ الانتاج المكتوب على السير كويس عشان ميطلعش قديم و سعره عند أى محل عادى اكثر من 120 جنيه و على فكرة مكتوب على العلبة فعلا إنه لفورد اسكورت و بالمناسبة سير المجموعة رقمه 6PK 1268 و ممكن يمشى برضه 1260 لكن هذا للمانيوال و اظن الاتوماتيك بيكون اوسع شويه و السير صناعة كورى بحوالى 65 الى 70 جنيه
4 - طبعا كلنا عارفين إن المساعدين الاماميين لجولف 2 و سعره الآن من فتح الباب و موديل ساكس المانى ب 700 جنيه هو بيكون هواء و زيت
5 - البطاحات اشتريتها برضه كما نعلم بتوع الجولف 2 ال 1600 بالصامولة ماركة اسمها Fibe و على كلام البائع كما اقسم لى انها المانى اصلى و الجوز ب 170 جنيه
6 - تيل الفرامل الخلفى اشتريتها من فتح الباب ب 170 جنيه ماركة رمسا اسبانى رقمه 4046.01 و قالى ان الطنابير بتاعتها نفس الماركة أو ماركة Fibe سعرهم 300 جنيه و هذه صفحات انترنت توضح الموديلات التى يتوافق معها هذا التيل و سنلاحظ وجود الشيرى منهم فى اول صفحة 404601,REMSA 4046.01 Brake Shoe Set for AUDI,CHERY,SEAT,SKODA,VW,VW (SVW) REMSA 4046.01 (404601) Brake Shoe Set 7 - اوكرة الباب الشمال الامامى الداخلية اتكسرت و وجدتها فى محلات الصينى ب 35 جنيه و بيعطيك الجزء المطلى بالنيكل اما باقى الاوكرة فلا و هذا على كلام واحد صاحبى و وجدتها فى التوكيل ب 33 جنيه بالضريبة و كاملة فاشتريتها منه
اسف لو كنت نسيت حاجة أو لو كنت طولت عليكم بس لحرصى على افادتكم و هذه بعض الصور http://www8.0zz0.com/2013/12/24/08/164336137.jpg http://www3.0zz0.com/2013/12/24/08/564144971.jpg http://www3.0zz0.com/2013/12/24/08/908616428.jpg http://www3.0zz0.com/2013/12/24/08/530609343.jpg