رقم العضوية : 149013
تاريخ التسجيل : 22Sep2013
المشاركات : 259
النوع : ذكر
الاقامة : 6 أكتوبر
السيارة: دايو نوبيرا
السيارة[2]: دايو نوبيرا 2
الحالة :
انا عاوز اضرب نفسي بالجزمه :d
بعد كل الدوخه دي من ميكانيكي لكربائي لغيره طلع العيب عندي تافه بس حسبي الله ونعم الوكيل في قطع الغيار المشمومه اللي بتطلع للعربيه دي
روحت النهارده للراجل تاني على اساس يبدأ يغير طقم الرشاشات وهو بيفك قالي انا عارف ان مش هو بس مقدميش غيره !!
قولتله طب متفكش انا هروح ارفعها كمبيوتر قالي ماشي
روحت لكهربائي تاني عنده كمبيوتر اسمه ماهر المهم قالي طالما لمبة التشيك مش منوره يبقى غالبا الكمبيوتر مش يسجل معايا حاجه !! قولت يعني هدفع 100 جنيه عالارض طب بصلي بصه عليها
قالي ماشي هشوف الطرمبه اطلعها وانضفها ..وبالفعل الصنايعي عنده فكلي الطرمبه بس قالي شكلها نضيف اوي !! اكيد مش المشكله فيها الا لو هي ضعيفه
وكالعاده الصبيان بيفهموا اكتر .. قالي انا هغيرلك طقم البوجيهات قولتله كذا كهربائي شافهم وقالي كويسين فكهم وقالي فعلا شكلهم كويس بس مش شرط يكونوا كده في البوجيهات عيوب الصيانه كتير انصحك هات طقم وعوضك عالله لو مش هما ...
مبقاش قدامي حل وقولت اريحه يعني هي جت على ده !!
اشتريته وركب الطقم ورجع ركب الطرمبه وقالي دور سميت وبفضل ربنا العربيه دارت زي الفل ..وجربتها ماشاء الله تمام
قالي الطرمبه كويسه هي كانت البوجيهات !! وقالي البوجيهات دلوقتي مش زي زمان دلوقتي البوجيات معظمها عيوب صناعه وقرف
والحمدلله انتهت المشكله بس بعد ماكرهت حياتي وطلع عين اهلي ايام في الموال ده وفكرت جديا اني ابيعها بس خلاص هخليها بقى كله دلوقتي ماسك في عربياته والسوق شاطط واهو حمارتك العارجه ولا سؤال اللئيم
..
وشكرا ليكو كلكو ياجدعان بجد للاهتمام :) وربنا يستر علينا من اي عطل مجهول السبب زي ده عشان بتبقى عمليه متعبه ..الحمدلله
رقم العضوية : 66058
تاريخ التسجيل : 24Mar2010
المشاركات : 3
النوع : ذكر
الاقامة : الجيزة
السيارة: اوبل
السيارة[2]: نوبيرا
الحالة :
موبينة النوبيرا 2 الاصلى 800 جنية من التوفيقية عند عزيز سليمان
و الماليزى 250 جنية
والكورى 320 او 350 حسب شطارتك من عند رفيق فى ش فيص ( ش كعابيش)
و خراطيم النوبيرا 2 الاصلى 225
والخراطيم الكورى 110 وفى نوع بـــ 70
12/11/2015
المفضلات