البلد دي عمرها مهتنضف ابدا !!

**Amr Nasir** · 24-12-2013 05:00 PM

**eslamrace** · 24-12-2013 05:36 PM

والله الصوره دى هى اللى بتمثل حياتنا وعلى فكره انا كنت كده لحد مكتشفت الغلط الفادح اللى كنت بعمله لما رحت امريكا لقرايبى ولقيت شوارعهم نضيفه جدا وعربياتهم مزبله بمعنى الكلمه ممكن تركب العربيه تلاقى قزايز كانز او بواقى اكل فاست فود واى بلاوى من دى وساعتها بعد مناقشه بسيطه عرفت معنى الملكيه الخاصه والملكيه العامه
وعلى فكره فى هناك ناس برضه لسه بيرموا فى الشوارع ولكنهم قليلين جدا جدا علشان كده مش باينين الموضوع مش محتاج غير ان كل واحد يغير نفسه ولو حس انه لوحده
وعلى فكره من يوم مرجعت من هناك وانا الى الان مرمتش حاجه فى الشارع وعلى فكره الموضوع فى الاول بيبقى صعب وممكن تغلط مره او حاجه ولكن بعد كده حتبقى عادتك وعمرك محتغيرها وتلقائى حتلاقى نفسك المنديل اللى فى ايدك اتحط فى جيب الجاكت او البنطلون لحد متروح او ازازه الكانز محطوطه فى العربيه لحد مترميها فى صنوق زباله او عامل المغسله بيرميها
شكرا ليك على الموضوع وعلى الصوره المعبره ويا رب نتعلم كلنا يعنى ايه ملكيه عامه ويعنى ايه ملكيه خاصه ونعرف ان طالما مبنحترمش الملكيه العامه "المشتركه بينا " عمرنا محنحترم ملكيه بعض الخاصه
تحياتى.

**RAPID** · 24-12-2013 06:23 PM

هتكلم عن نفسى
ممكن امشى 200 متر وسط اكوام الزبالة عشان شايف باسكت بعيد ارمى فيه
وعلى قلبى زى العسل
مش مهم الناس المهم انت، كل واحد يبدا بنفسه
شكرا على الموضوع

**khaled_sabry** · 25-12-2013 07:55 AM

المشكله فى عدم وجود الباسكت ده فى معظم الاحياء و الشوارع
انا عارف ان ده غلط لكن فعلا لو نزلت حتت متواضعه زى المرج او التبين مثلا مش حتلاقى الباسكيت اللى بتقول عليه ده - ده انتا لو سألت حد عليه ممكن يفتكرك بتشتمه :)