النهار ده نزلت الجراچ لقيت مراية الصالون مكسوره و مكسور معاها جزء من الزجاج الأمامي.
كنت عاوز أعرف أفضل طريقة لعلاجه إيه
عرض للطباعة
النهار ده نزلت الجراچ لقيت مراية الصالون مكسوره و مكسور معاها جزء من الزجاج الأمامي.
كنت عاوز أعرف أفضل طريقة لعلاجه إيه
عليك وعلى المـــــــــــــــادتين عن تجربة
Epoxy
اسم المادتين وحاول تجيب الشفاف منهم وتشتريهم من عند بتوع الاكسسوار او قطع الغيار وتقريبا الاثنين ب10 ج
نصيحه حاول تنضف مكان تثبيت المرايا كويس جدا بصنفره
خلى معاك سوليتيب عريض علشان بعد متثبت المرايا كويس وتمسكها بأيدك ويبدا يمسك هتحتاج السوليتيب
وحاول متتحركشى بعد عمل الموضوع ده لفتره
وبعد يومين هتلاقى المرايا ان شاء الله مسكت زى الحديد وابقى شيل السوليتيب بعديها بيومين
هتروح لاي حد بيبيع اكسسوارات عربيات (موتسيكلات تكاتك) أي حد قريب منك يعني
هتشتري من عنده معجون لحام حديد (انبوبتين مع بعض بيتخلطوا سويا بنفس النسبة) والسعر تقريبا 10ج
هتنظف مكان الكسر ف الزجاج والمرايه وسيب الجزء المكسور ف المرايه زي ما هو نظف عشان التراب مش اكتر من كدا
اخلط المدتين مع بعض وقلبهم كويس وف اقل من 4 دقائق تكون حطيت كمية مناسبة على المراية وزيها ف مكانها ف الزجاج وتثبيتها بإيدك ف المكان المظبوط واللي هيرشدك عنه الجزء المتبقي من الزجاج ف المرايه وتثبتها بإيداك على الأقل 7 او 8 دقائق بحيث لما تشيل ايدك مش تتحرك ولا تقع من مكانها
اعمل حسابك تعمل الحوار دا وانت ناوي تركن العربية او بالليل عشان المرايه مش تقع منك قبل ما تجف تماما
لان تمام الجفاف بيكون على الاقل 12س يعني تعمل الحوار دا وانت بتركن وعلى تاني يوم الصبح كله هيكون تمام
نصيحة اخيرة نقطة زيت من اي نوع على محور لف المراية عشان يسهل حركتها معاك بالمرة وهي مفكوكة
الحل اللي الاخوة قالوه انا عامله عندي بنفس الطريقة اللي قالوها وكله تمام بس حاول تكون ايدك ثابتة تماما وان ماسك لمدة ربع ساعة على الاقل
أنا متشكر جدا على الردود
وآسف على التاخير
إنشاء الله حعمل زى ما قلتم وأوافيكم بالاخبار