اعمل شكوى فى حمايه المستهلك وخليك ورا حقك حتى لو حتاخد وقت ومتقلقش كان فى زميل لينا فى المنتدى كانت عربيته فيها عيب تصنيع برضه واتعمله لجنه تبع المحكمه واصدروا حكم بتغيير العربيه واخد عربيه جديده \
بس خللى خلقك واسع وكلامك واقف مع التوكيل واتكلم معاهم من ناحيه انك صاحب حق واوعى تخليهم يعملوا حاجه انت مش مقتنع بيها علشان متكرهش عربيتك طول عمرك وطالما ليك حق حتاخده بس خللى بالك الموضوع حيطول شويه فمتخليهوش يأثر على حياتك والا حتعيش فى جحيم بسبب شويه صاج .
ولو ليك فى سكه القضاء وتقدر ترفع عليهم قضيه اعمل كده لانهم بيقلقوا جدا من القواضي لانها بتبقى غالبا قاتله فى سمعه اى توكيل لانهم بيعتبروا اللى بيروح للقضاء فقد الامل فيهم وواثق من حقه ومصمم ياخده ولو مش حترفع قضيه استخدمها كوسيله للتهديد معاهم .
وربنا معاك ونتطمن ان الموضوع خلص قريب.
تحياتى.
المفضلات