شيفروليه افيو 2013 غلطت عمري

**mosad2** · 28-12-2013 09:33 PM

ارجو من المشرف نقل الموضوع لمنتدي الافيو و يتثبت عشان لو حد فكر يشتري العربية دي
انا اساسا كارهه من غير حاجة ده لو جه حبت هواء شديد شوية الصاج يتطبق
ده طبعا غير الفرامل اللي مبتلمهاش علي سرعه 60.

لعلمكوا انا روحت التوكيل , و قبلت مدير صيانة جنرال موتورز و قالي هعملك العربية و متقلقش .
ايه رايكوا يا شباب؟

**mosad2** · 04-01-2014 02:20 PM

شباب دلوقتي ازاي اعمل اجراءات تقاضي مع التوكيل؟ ابدأ ازاي و اعمل ايه عشان ابقي شغال صح

**Gelgel2004** · 04-01-2014 03:51 PM

اسال هتتعمل ازاى و اتاكد
الاول صنفره و بعدين عزل على البارد بالكمبرسور الهواء علشان يدخل فى المزانق اللى تحت
و بعد كده لون العربيه .
المفروض العربية بتتغطس بنظام elbo العربيه قبل الرش تنزل فى حوض تطهير ثم حوض زنك علشان يعزل العربيه و الحوض طبعا بيتغير كل لون وعلشان ده مكلف بتترش بالمسدس بس

**mahmoudysf** · 04-01-2014 11:44 PM

العربية دي المفروض تتغير

**weta** · 04-01-2014 11:47 PM

المشاركة الأصلية كتبت بواسطة mosad2

جبت عربية شيقروليه افيو 2013 زيرو من سنة و نص و من شهر قولت ارفعها تتغسل و انا رافعها بتتغسل قولت لما اطمن و هنا كانت المفاجئه
بارومه في العتب و الرفارف .

المهم عملت شكوي في الكالسنتر و النهارده و انا رافعها عشان اصورها و ابعتلهم الصور لقيت البلاوي
البارومه بتزيد .
ايه العمل مع منصور شيفروليه؟؟؟ اشتكي في حمايه المستهلك و لا في جي ام مصر و لا اعمل فيهم ايه؟؟؟

ياجماعه الموضوع في رأي كا الاتي:

اخونا اشتري العربيه من اجانس عربيات زيره الاجانس ده وهو بيجيب العربيه من الوكيل اتخبتطط منه غير القطعه التخبطيت بوحده جديده ورش الجزء ده بدهان سيلفر .... ومع الغسيل والرطوبه جتله البارومه ملهاش حل غير كده........ ارجوا من اخونا تأكد من ذلك ...لان بتحصل كتيير .....

**مروان** · 04-01-2014 11:49 PM

عاوز رأيي كلهم .................روح لسمكري و قولو اعملي الكعبين الحتتين دول موجودين في كل عربيات الزيرو و مع إعتزاري و طبعا بضم نفسي لكل الناس اللي بلقي عليهم لفظ الجهله و من ضمنهم المصنع للعربيه الحته دي لازم يا تتشال من التصمميم بتاع العتب يا يتعملها كرتير محترم انا لما اشتريت عربيه لانسر 2007 من كام شهر لأيت فيها الحتتين دول عملتهم و عملت كرتير بلدي للأسف علشان احفظ عليها ولان الكرتير الامامي محافظ علي الفجوه و الرفرف فمحتجتش فإسمع ناصيحتي روح للسمكري هيعملهالك و رشها و اعمل الكرتير البلدي و كبر دماغك و بعدين شكلها عندك ممكن تتلحق يعني معظم الاجزاء تتجلخ ولو فيه حته متاكله اوي خليه يظبطها و ادي بيج و رش الحته بس علي قدها كده مش هيعيب العربيه و انساها بقه

**amz2011** · 05-01-2014 12:32 AM

متابع

**WaleedNagaty** · 05-01-2014 12:46 AM

على فكرة هنا في السعودية ناس كتير قدمت شكاوي في وكيل شيفروليه هنا لان اغلب العربيات الجديدة اللي خدوها كانت مرشوشة

**colorado** · 05-01-2014 05:39 AM

بص يا باشا
العازل المرشوش تحت البوية الفضي مش كامل يعني مش مرشوش لآخر قطعة الصاج والحتة دي واخدة بوية على الصاج مباشرة بدون عازل بالإضافة إن الرش جاي على الطبب الكاوتش
وده طبعا معناه ان ده مش رش مصنع
طبعا مبقولش ان حضرتك اللي عامل كده لكن ممكن جدا تكون خارجة من المصنع كده يعني ملعوب فيها
وده في حد ذاته غش تجاري و ممكن إثباته بسهولة
على فكرة العربية دي مع أخويا
البرومة سرحت في ديول الرفارف والعتب وقوايم البيبان نفسها
وداير الزجاج ورا وقدام
باختصار العربية بقت منخل
بجد حاجة زبااااااالة علما بأنه محافظ عليها جدا
ياريت تهتم بإثبات الحالة دي فورا لأنهم ممكن يقولوا ان حضرتك عامل فيها شغل بره ومش بمعرفتهم ويسقط حقك في الضمان
وربنا يوفقك :