مشكلة في عربيتي الماروتي

**Samir345** · 24-12-2013 10:53 PM

أنا عندي ماروتي 2009 و معايا من الزيرو.....و هي حاليا عدادها 25000 كيلو و ده في حوالي 3 سنين و نص يعني استعمالي ليها استعمال خفيف....و أنا بطبعي سواقتي هادية و حريص علي العربية خصوصا اني بسوق من 10 سنين و مغير في 4 عربيات لغاية دلوقت......معلش طولت في مقدمة كلامي ... المهم في الفترة الأخيرة بسمع صوت حاجة "بتطق" عند كل طلعة من الثبات و خصوصا لو العربية مش علي أرض مستوية....و غالباً بسمع صوت "الطقة" ده في الجنب اليمين قدام....هو مش مقصر في أداء العربية بس قالقني و عاوز أعرف سببه......أرجو من أصدقائي الماروتية يفيدوني لو ده بيحص معاهم....و شكراً مقدماً لكل من يتكرم بالرد..

**eiad_naser** · 24-12-2013 11:39 PM

كوبلن داخلي

**Samir345** · 24-12-2013 11:44 PM

المشاركة الأصلية كتبت بواسطة eiad_naser

كوبلن داخلي

شكرا علي رد حضرتك

بس ده معناه انه لازم يتغير و لا اسيبه شوية؟؟

مع العلم ان الصوت خفيف و مش بيحصل في كل طلعة

مع الشكر

**tameem2010** · 25-12-2013 12:36 AM

اعتقد انه تيل الفرامل مش الكوبلن لان العربيه لسه تقريبا زيرو اكشف على تيل الفرامل واتاكد قبل الكوبلن لانى مستبعد تماما موضوع الكوبلن ده

**dr.hazem** · 25-12-2013 01:32 AM

قواعد ماتور عايزة تتربط باذن الله

الكوبلن الداخلي يعمل طقطقه مش طقه ويعمل غربله عالسرعات

دوشمة الفرامل تعمل طقه مع لف الستيرنج يمين وشمال

امتى اخر مره ربطت فيها العفشه والقواعد؟؟؟
تحياتي

Sent from my Xperia Arc S using Forum Runner

**mesaharaty** · 25-12-2013 10:30 AM

متابع وإن شاء الله بسيطة

**dr.hazem** · 25-12-2013 02:47 PM

المشاركة الأصلية كتبت بواسطة waelgam2005

انا عندى الطقة دى من ساعة ما استلمت العربية ولو حد قاعد جمبى بيحس بيها وانا كمان بحس بيها وبصراحه انا ولا مرة ربطت على قواعد الماتور وربطت العفشه حوالى 3 مرات تقريبا من ساعه ما جبتها او مرتين مش فاكر بس مش عارف هيا قواعد الماتور دى فين علشان تتربط ومين اللى يربطها بتاع العفشه ولا اروح لميكانيكى ؟
اسف على التدخل

بتتربط عند ميكانيكي او عفشجي
الماتور له قاعدتين لو انا فاكر واحده قدامه تحت او قدام شجرة الشكمان وواحده ناحية الصدر والفتيس له قاعده واحده..
تحياتي

Sent from my Xperia Arc S using Forum Runner