سيراتو 2014 ex فول ولا كرولا 2012 هاى لاين خليجى

ليا صديق أعرفو كويس ومعاه كرولا هاى لاين كان جايبها من السعوديه 2012 والعربيه ماشاءالله محافظ عليها ومفيهاش خدش وعامله حتى الان 60 الف كيلوا وناوى يبيع بس بعد 4 أو 5 شهور لسه ماتكلمناش فى السعر وقالى وقتها يحلها ربنا وأنا كنت بفكر فى سيراتو ex فول أوبشن زيرو بس خايف من أنخفاض العربيه والمطبات علشان المطبات عندنا حاجه حلوه صحيح وأكيد الكرولا فى السعر هتكون أقل من السراتو الجديده بس أنا مفيش مشكله لحد 165 الف جم بس أنا كنت راكب معاه اليوم وحسيت العربيه ماشاء الله عليها زيرو برغم عينى جت على العداد وعامل 60 الف بس مشاويره كلها طوالى وعلى الصحراوى .. أرجو النصيحه ولكم الشكر ،،

قولا واحد ......كورولا طبعا :)

Cerato 4 sure!

Sent from my C6903 using Forum Runner

سيراتو افضل عشان زيرو

اكيد طبعا سيراتو ٢٠١٤ زيرو ... مختلفه تماما و افضل من الشكل القديم ...
و موتور اقوى من الكورولا و مش اقل منها من حيث العفشه و الركوبه ...

ايه الى يخليك تجيب عربيه عامله ٦٠ الف مو ٢٠١٢ و شكلها اتغير ؟؟؟

تحياتى ...

أعتقد الآن أن الرؤية قد وضحت تماما.. هذه المقارنة بها شِقّان أساسيان:
الشِّقُ الأول: المقارنة بين الزيرو والمستعمل، وهذه راحتك الشخصية.. أما أنا فعن نفسي دائما ( بغض النظر عن الماركة مؤقتا حتى الانتقال للشِّق الثاني ) أُفَضِّلُ الزيرو.
الشِّقُ الثاني: المقارنة بين المدرسة اليابانية والمدرسة الكورية.. اليابانية أصبحت تركز على العملية والجودة على حساب الشكل والكماليات.. فبالتالي حضرتك هنا أيضا ستحدد أيهما أولى وأهمّ بالنسبة لك.. الكماليات الحديثة والشكل الحديث المساير لركب التطور والمواتير النشيطة المتوافرة في السيارات الكورية عموما، أم الاسم والتاريخ والعملية والجودة والمتانة وطبعا التماسك الكبير لسعر إعادة البيع المتمثل في الياباني عموما والكورولا خصوصا.
والله أعلم.

السيراتو الجديدة تحفة بصراحة ونصيحة منى هات سيراتو زيرو العربية مختلفة تماما عن الشكل القديم وبالمناسبة انا نازل من كورولا ٢٠١٠ وحاليا حجزت السيراتو بعد تجربتها مع صديق لى لسة شاريها بصراحة متردتش لحظة انى اشتريها وعموما ربنا يوفقك لما فية الخير لك
وتحياتى للجميع

سيراتو 2014 حتى لو مش زيرو :)

بس من حيث الإرتفاع عن الأرض الكورولا أعلى

السيراتو ماحكتش معابا فى اى مطب وانا معايا 3 غيرى فى العربيه والشنطه كانت فاضيه

مجربتش الحموله الكامله

لو بيركب معاك 4 ومعاك حاجات فى الشنطه بإستمرار خليك فى الكورولا

سيراتو بصراحة فالمقارنة دي الاربح

اكيد حنصحك بالسيراتو للاسباب الاتيه:
1- جديده
2- اعلي كماليات
3- افضل شكل خارجي
4- الكورولا شكلها اقدم ومستعمله اذا لابد من عمل صيانات
5- ضمان الوكيل

عارف لو حتقول كورولا الجديده 2014 ...... الكلام حيتغير

Cerato

يا باشا انت بتكلم في ايه !!! السيراتو الجديده اساسا احسن من الكرولا الشكل القديم حتي لو كانت زيرو مش مستعمله!!!

عموما الموضوع معتمد علي فرق السعر اللي حتوفره لو اخدت الكرولا و هل المبلغ ده فارق معاك ولا لا

لو الفلوس مش مشكله يبقي السيراتو الجديده بدون تفكير عربيه جامده جدا

ياترى العربيتين بعد 100000 كم هايبقى شكلهم ايه ملحوظه الكوروﻻ 2013 خليجى زيرو 163 الف