الاكسيل ولا سوزوكى سويفت ؟؟؟؟

:002:ياجماعة لو وحد عايز يجيب عربية من 30 الى 36 الف

وعايز حاجة سريعة وحلوة ومستحبش بنزين كتير وفى نفس الوقت تصلحة سهل هل الاكسيل احسن ولا السوزوكى سويفت ؟؟؟؟؟:boat:

ولا فى عربية احسن فى حدود السعر دة ؟:jimlad:

لو الـ36 دول تحط عليهم 4 كمان هات لانوس احسن من الاتنين.

السويفت يابانى ومعمره وبتستحمل البهدله وبتجرى جامد وتحطلها بنزين 80 ماتقولش لا

كل اللي حضرتك عايزة ده مش هتلاقيه الا في السويفت
كانت معايا كم سنة و الله ممتازة
اتوكل على الله و ربنا يوفقك

اكيد الاكسيل احلى
بس لو تزود شوية بسيطة 3 مثلا وتجيب اكسنت احلى واحلى

الاتنين مقاربين جدا لبعض
بس لو قدامك اتنين
سويفت 1300 ياباني تكييف
و اكسيل 1300
لاء خد السويفت افضل بمراحل.
انما لو الاكسيل 1500 حتكسب بس شويه كماليات زياده باور و زجاج كهرباء.
انا معايا السويفت و مريحاني جدا و اعطالها قليله بصراحه
بس اهم حاجه حالتها و البارومه متكونش سارحه فيها.

السويفت احسن بس لو حالتها نضيفة اوي

اول مره اشوف حد بيقول السويفت افضل!!!هو ده عشان هى يابانى!!
اتفق انها افضل فى الصاج من الاكسيل انما كتحمل وكقطع غيار فنفس سعر ال 128 ووسع رهيب لعربيه وشنطة واسعة جدا وماتور ممتاز وثبات افضل وشكل افضل بمراحل وبنزين 80 عادى جدا ومدى انتشار فى مصر كلها فالاكسيل طبعا
انا معايا اكسيل بقالها سنتين وزى الفل وعمرها ماقلت بأصلها معايا وطول منا ماشى الاقى حد بيقولى تبيع!!واروح ازود كاوتش الاقى الراجل يقولى تبيع!!
قارن عدد الاكسيل بالسويفت اللى بتشوفهم فى الشارع وانت تعرف انهى الافضل
وفى الاخر دى مجرد وجهات نظر

لو المقارنة بين1300 يبقى يكفيني تابلوه الاكسيل اللي ينافس في رداءته تابلوه ال 128 موديل السبعينات

الاكسيل لا تتميز سوى انها اوسع بعض الشئ وبالظبط 8 سنتي فالكنبه الخلفيه