غيرت المساعدين الامامى للسيراتو

يقالى فترة عاوز اغير المساعدين الامامى للعربية علشا الخبط والترزيع كان لا يطاق
فرحت لعفشجى كويس اسمه / إبراهيم ورشته فى مكان اسمه هرية فى الزقازيق
بس بصراحة ايدة تتلف فى حرير وسريع وشاطر
غيرت المساعدين بنوع kyb يابانى الجوز سعرهم 650 جنية
وغيرت بيض الدريكسيون ctr كورى الجوز سعرهم 190 جنية
وغيرت بيض المقصات ctr كورى الجوز سعرهم 160
وغيرت جلبتين المقص الصغيرين وسعرهم 70 جنية
ودفعت 20 جنية فى المخرطة علشان كبس الجلبتين
وجبت جاز بعشرة جنية علشان يغسلوا المقصات
ودفعت مصنعية 150 جنية
يعنى التكلفة كلها 1250 جنية
والعربية ما شاء الله عليها بقت زى الفل الحمدلله

مع العلم ان جوز بيض المقصات اصلى سعرهم 480 جنية
وجوز بيض الدريكسيون اصلى سعرهم 310 جنية

بس فى مشكلة ظهرت فى الفك والتركيب
انا لسة مغير التيل من حوالى عشرة الاف كيلو
وشارى التيل اصلى من موزع كيا المعتمد فى الزقازيق
المشكلة ان الاسطى ابراهيم وهو شغال وبعد ما فك تيل الفرامل وطلعة لقيت حاجة غربية
لقمتين التيل الى فى العجلة الى ناحية السواق لسة مليانين ووالتأكل بتاعهم متساوى
انما لقمتين التيل الى فى العجلة التانية واحدة لسة مليانه اما اللقمة التانية فقربت تخلص ومش فاهم ازاى ومش عارف العيب من اية علشان يحصل كدة
ودلوقتى مفيش حل قدامى غير انى اغير التيل تانى بس خايف المشكلة دة تتكرر
وعاوز اعرف السبب
مع العلم ان الاسطى ابراهيم قالى انه ممكن دة يكون عيب فى التقريط على لقم التيل لما اتركب
بس انا مش مقتنع
واخويا بيقولى ان دة عيب فى هوا الفرامل
فهل حد ممكن يفيدنى فى الموضوع دة

محدش عاوز يفدنى يا رجالة

الف مبروك يا باشا بس موضوع التيل دا بصراحه غريب جدا بالنسبه ليا بس انت مكنتش بتشم ريحه مثلا وانت ماشى او صوت بس لو فى مشكله المفروض وانت ماشى او بتفرمل هتحس ان العربيه بتحدف منك


بصراحه مش عارف بس حاجه غريبه اول مره تمر عليا واستنى رد حد تانى ممكن يفيدك


مجبتش ليه مساعدين منرو ولا السيراتو ملهاش مساعدين منرو اسبانى وايه العيب ال ظهر خلاك تغير المساعدين

قبل ما اغير المساعدين كانت العربية فعلا بتروح يمين وشمال لما افرمل بس بطريقة مش محسوسة للى بيركب معايا
وانا كنت بحسها فى الدريكسيون على خفيف ساعه الفرملة بس التعومية دى كانت بتحصل لما كنت بفرمل وانا سايق على السرعات العالية بعد سرعة 120 كيلو انما قبل 120 مكنتش بحس بالتعومية فى الفرملة
بس اخويا بيقولى دة عيب هوا فى الفرامل وعايز حد فاهم يعملة
ومكنش فى صوت او ريحة شياط فى الفرملة
بصراحة حاجة غريبة وربنا يسهل وتطلع حاجة بسيطة

بالنسبة للمساعدين لسة منزلش ليها مساعدين مونرو ودة بعد ما كلمت شركة هشام لهيطة وكيل مونرو بس قالى هينزل ليها قريب

وانا غيرت المساعدين بسبب ان طريق شغلى مدغدغ وكسر وكذا مرة البس فى حفرة على سرعه عالية والمساعد احس انه بيترزع فبقى فى صوت شخللة قدام غير ان العربية فقدت ثباتها فرحت لعفشجى قريب من بيتى وركب معايا وقالى ان الاسكاترة بايظة فبصراحة مصدقتش ورحت لميكانيكى جرب العربية وقالى برده اسكاترة ...... قلتلهم ازاى العربية لسة جديدة
فرحت للاسطى ابراهيم العفشجى بناء على ترشيح صديق ليا يعمل فى قطع غيار السيارات وجرب العربيةمعايا وقالى مين الى قالك العربية اسكاترتها بايظة دة المساعد هو الى بايظ وصوته باين خالص وجبت المساعدين وفكينا العفشة قدام ولقى بيض المقص والدريكسيون فىه بوش تقريبا والجلب الصغيرة مشققة فاشتريتهم وغيرتهم
بس كنت عايز اجبهم اصلى بس كانوا غاليين اوى وانا مكنتش عامل حسابى وقلت اجرب ctr وخصوصا انهم شكروا فى الماركة دى واذا معمروش فخلاص هجيب الاصلى ومش هشترى تانى اى قطع مش اصلية بس قلت اجرب المرة دى وخصوصا ان دى اول مرة اغير حاجة ميكانيكية فى العربية

الف مبروك على تغيير المساعدين
و ثوانى و هجيب لحضرتك رابط هوا الفرامل

http://nileup.com/up/uploads/nilemotors_13616111391.png

http://nileup.com/up/uploads/nilemotors_13616111392.png

http://nileup.com/up/uploads/nilemotors_13616111393.png

http://nileup.com/up/uploads/nilemotors_13616111394.png

http://nileup.com/up/uploads/nilemotors_13616111395.png

5. Refill the master cylinder reservoir to MAX(upper) level line.



http://nileup.com/up/uploads/nilemotors_13616111396.png

http://nileup.com/up/uploads/nilemotors_13616111397.png[/QUOTE]


تفريغ الهوا فى فرامل السيراتو
تدور و تكارك . و بعد كده تفتح تاخد هوا بالترتيب الاتى :
بيبقى العجله اليمين فى الخلف
ثم الاماميه شمال
ثم خلفيه شمال
ثم اماميه يمين
و باذن الله تتحل المشكله .
و لازم قربه زيت الفرامل تبقى مليانه على الماكس .و لما تخلص تملى اللى نقص لحد الماكس فقط
و الله اعلم
فيما يلى شويه اختبارات لمعرفة هل الفرامل تعمل بكفاءه ام لا .

http://nileup.com/up/uploads/nilemotors_13616128921.png

دى مكونات فرامل اليد :
و على فكره الطنبوره الخلفيه جواها تيل تانى و بيترجلش منه فرامل اليد .و بيترجلش كمان من مسند اليد .
بس عموما انا التيل الخلفى هو اللى كان بيصفر و اختبرتها ازاى بقى ؟؟؟
مشيت على الd و مسكت الهاند و شديتها تدريجه و بالراحه لقيت صوت الصفاره .و فى جوا الطنبوره الخلفيه تيل بيبقى عليه تراب كتييييييييييييييير جدا هو اللى عامل صفاره .
و خلى بالكم اى صفاره تيجى من التيل ممكن تبقى من التراب او حصى اتحشر بين التيل و الطنبوره .او ممكن يكون التيل خلص .

1. Rear parking brake
2. Parking brake lever
3. Parking brake cable

http://nileup.com/up/uploads/nilemotors_13616128922.png

1. Back plate
2. Strut spring
3. Strut
4. Shoe & lining
5. Shoe guide
6. Return spring
7. Adjuster
8. Return spring
9. Cup washer
10. Shoe hold down spring
11. Shoe hold down pin[/QUOTE]

الف شكر لرد حضرتك
بس ليا استفسار ومعلش استحملنى علشان خبرتى ضعيفة شوية فى الميكانيكا

1- احنا بناخد الهوا ازاى من الفرامل ...... يعنى بقتح اية بالظبط للعجلة علشان اخد منها الهوا

2- وفى مشكلتى دى هل انا هاخد هوا من فرامل الاربع عجلات ولا من العجلة الامامية يمين بس الى فيها المشكلة

3-وهل ممكن اعمل الحكاية دى لوحدى او حد يساعدنى فيها ........ ولا لازم اروح لميكانيكى

وشاكر لحضرتك مقدما

بس انا سألت اكتر من مرة على المساعدين kyb قالولى لسه مانزلتش حضرتك جبتهم منين