متشكر جدا يا باشمهندس ان شاء الله تستلم قريب ومبروك مقدما، مش b auto ده له فروع تانية صح؟ غير اللي في شيراتون؟انا عموما هروحلهم واشوف التسليم عندهم بعد اد ايه؟؟ متعرفش حضرتك هم بيتعاملوا مع بنك المشرق ولا لا؟؟؟؟
عرض للطباعة
في معارض مش بتتعامل مع بنك ناصر عشان بياخر الشيك شوية عليهم بس انا روحت وسالت في سمير ريان قالي بيتعاملو مع بنك ناصر بس فرع الحي السابع فقط لان تقريبا مظبطين معاه مندوب هناك مبياخرش الشيك عليهم، بس نصيحة لاي حد له قريب في الحكومة ويقدر يجيبها تبع بنك ناصر يبقي افضل، هو بنك حكومي اه ومتحسوش بنك اصلا لان مستواه قليل بس بعد ما سالت كتير اكتشفت انه بيدي اقل فايدة 6% ثابتة واطول فترة سداد سبع سنين ونص(مش هتلاقيها في اي بنك) ومش بيجبرك تأمن(انت غالبا كده كده هتامن عشان زيرو بس تختار الشركة بمزاجك متبقاش مجبر علي شركة مش كويسة).
بنك ناصر فعلا احسن بنك بس المشكلة انه عايز حكومة
انا بعد فحص وتمحيص فى بنوك كتير وانظمة كتير
بصراحه احسن نظام تقسيط شفتوا بضمان تحويل المرتب
كان بنك الاسكندرية لو حولت مرتبك عليهم بيقسط لغاية 7 سنين مقدم 25%
وفائدة 13% تناقصية يعنى بتعادل 7.55% فى ال 3 سنين
واكبر قسط ممكن تدفعه 50% من مرتبك
واول قسط بتدفعه بعد شهرين
وممكن تقسط بضمان المرتب منهم برضه بدون تحويل مرتب
بس بيديك لغاية 6 سنين واقصى قسط 40% من مرتبك
والفائدة بتكون 14.5% تناقصية