-
فوانيس نيو أكسنت 2010
السلام عليكم
ياجماعة انا عندي مشكلتين، الأولى اني مش عارف ايه احسن لمبات أماميه إضاءتها كويسه؟ لأني جربت أنواع كتير منها الفيليبس وجربت الأبيض والأصفر لكن مفيش فايدة الإضاءة مش كويسه بس النتيجه الوحيدة اللي طلعت بيها ان اللمبات الصفرا أحسن من اللمبات البيضا.
الحاجه التانيه عندي فانوس اصلي باظ ومش شغال خالص والفانوس التاني بدأ يتعب برضوا، ايه احسن نوع فوانيس أماميه ممكن اجيبها ويكون فيها عدسة علشان تحسن الإضاءة ؟ في ناس بتقولي هات ديبو بس مش عاوز اجيب حاجه معرفهاش فقلت اسألكم برضوا لو حد ليه تجربه بالفوانيس دي.
أتمنى النصيحه منكم
م. محمد عبد القادر
-
الديبو انضف نوع فوانيس موجودة ف السوق لأي ماركه عربيات بس عربيتك مش هتلاقيها ولا أي فانوس فيه عدسه ولا حتي الفوانيس المعدله ام 2000 جنيه
مفيش ادامك الا حل من اتنين .. تجيب فوانيس ديبو و تروح لحد يعدلهالك و تركب فيها عدسه ( و دا انا منصحكش بيه )
الحل التاني تجيب الديبو و تركبه و تركب كتاوت نور علي لمبتين 200/260 الماني
و ان شاء الله هيظهروا معاك كويس جدا النيو أكسنت انا ركبتها كذا مره قبل كدا و عجبتني جدا اضائتها
-
في البداية طبعا أشكرك على ردك واهتمامك، ولكن في حاجه نسيت اوضحها وهي اني اصلا مركب كتاوت لأني كنت مركب لمبات 200/260 يعني انا جاهز، بس لو انا فهمت صح من حضرتك، يبقى كده عربيتي دي ملهاش فوانيس ديبو بعدسة أصلا مش كده ؟ طيب لو ده صحيح الديبو اللي من غير عدسة اخباره ايه ؟ وايه أفضل أنواع لمبات موجودة حاليا لو عندك فكرة لأني جبت كذا نوع منهم فيليبس وبصراحة ملهوش اي لازمة.
-
ايوه بالظبط كدا عربيتك ملهاش فوانيس بعدسات سواء ديبو او اي ماركه تانيه
في نوع لمض حلو بس يكون الأصلي مش المضروب
اسمه johan علي ما افتكر انا مش فاكر ال spilling بالظبط
و برضو 200/260 دا الماني و المبة بتعمل من 20 ل 25 جنيه علي حسب المكان
و لعلمك دي اللمض اللي بيركبوها ف النص نقل و النقل و الميكروباصات
-
السلام عليكم ورحمه الله وبركاته
اسمحوا لي ان اشارك
برضه لسه شاري النيواكسنت بس 2008 و كانت بلمبات صفرا عاديه ولقيت متركب فيها جهازين زنون (شغالين ) بس مفصولين واشتريت لمبات ابيض درجه 8000 و ركبتها وبرضه مش شوفت حاجه
رجعت تاني للمبات الصفرا مش فاكر هيا كام وات وبرضه مركب كتاوت
والفوانيس بدئت تصفر عندي وحاولت ابيضها بمعجون الاسنان وفشلت معاها
فناوي ع نيه ان شاء الله
الفوانيس دي هدني بيها لحد ما اجيب اخرها وتصفر الباغه بتاعتها او تتكسر او اي سبب وساعتها هعدل الكشافات
وفي شركه في العاشر من رمضان بتعمل وشوش فوانيس زجاج فهعمل الفوانيس وشوشها ازاز علشان اريح نفسي من الاصفرار واشوف ايه طلبات التعديل في تصميم الوش الازاز والتعديل باذن الله ناوي عليه عند عضو في المنتدى هنا عامل موضوع انه بيعدل الفوانيس وهو في المنصورة
لاني تعبت في التدوير على فوانيس معدله جاهزة وتكون زي ما بيقولوا كريستال ومش لاقي
اللي مساعدني على تأخير اللي عاوز اعمله ان مشاويري اغلبيتها داخل المدينه و نادرا ما اطلع براها
للافاده الشركه الموجوده في العاشر من رمضان واللي بتعمل وشوش زجاج للفوانيس اسمها Magef Egypt <magefexp@gmail.com> راسلتهم على البريد بتاعهم ولسه مش كملت علشان اعرف التكلفة كام
00201064565820
00201008219291
وكنت سئلت ع الفوانيس الامامية جديده من اسبوع عند التاجر الوحيد في محافظتي
الفانوس الواحد الصيني ب 190 والكوري في حدود 300
ارجو ان تشرفنا بالانضمام لجروب النيواكسنت على الفيس لمحاوله لتجميع الاعضاء ومحاولة احياء رابطه النيواكسنت في المنتدى
Hyundai Accent MC (2006-2011) Egypt
Content Relevant URLs by
vBSEO 3.6.0 PL2