عرض للطباعة
السلام عليكم
حد عنده اى معلومات عن المشروع ده.....انا حاولت اعرف اى تفاصيل ملقتش
اللى عرفتوا انك ممكن تدفع مقدم 10 او 20 % وتقسط على 3 سنوات بدون فوايد او 6 - 9 بفوايد
انما معرفتش اول لاى حاجه عن المساحات المتاحه للوحدات والاسعار بتاعتها او حتى سعر المتر كام
حتى فى الصفحه بتاعتهم على الفيس كل ما حد يسئل سؤال يقولوا سيب رقمك واحنا حنتصل بيك
وطبعا تستنى ولا اى حاجه ....وحتى اما تحاول تتصل بيهم تنتظر لحد ما يطلع عينك وبردوا محدش يرد
فلو حد عندة اى معلومه عن المشروع دا يا ريت يقولنا.
سعر المتر بدأ فى المرحله الاولى حوالين ال 4500 و التانيه وصل حوالين ال 5500 ده للشقق .. الفيلات اغلى شويتين
المساحات متنوعه من 100 ل 200 بس مش اكيد هتلاقى المساحه اللى انت عايزها الا لما تروح و تشوف ايه المتاح
عندهم صالة عرض عند المشروع قدام مدخل المطار اللى فى طريق السويس ... معرفش وصلو للمرله الكام ولا الاسعار بقت عامله ازاى دلوقتى
بس دا على كدا الاسعار غاليه اوى .....يعنى اقل شقه فوق النص مليون.....وقسط على 3 سنوات يعنى القسط هيعدى 4500 جنيه فى الشهراقتباس:
المشاركة الأصلية كتبت بواسطة mohamed_selim
يالهوووووووى
ايون بالظبط .... و لو عايز شقه كبيره شويه هتلاقى القسط هيوصل 10000 لو هتدفع 10% بس مقدم و تقسط على 6 سنين او 9 سنين
ايه الاسعار دى !!!
من المستحيل انك تشتري شقة في مصر حاليا إلا لو كان ابوك مليونير لان اقل شقة بنص مليون.
ولو انت مكافح وكدا..فكك يعني مش هتشتري شقة ابدا وهتعنس او هتيجي تنط معايا في الاخر من فوق الهرم الاكبر وتنتحر وترتاح والناس بعدها تقول ياحرام شوفتوا البلد كخ ازاي؟ :d
طيب ممكن السعر يبقى غالى لو فى تقسيط على سنين كبيرة
لكن تقسيط على 3 سنين يبقى ده اوفر شوية
الشركة حكومية ومعروفة يعنى ممكن تبقى مطمن لكن بالمبلغ ده تجيب فى كومبوند نضيف وتاخد رفاهية اكتر
الموقع بتاعها جامد جدا
اكيد عملو موضوع السعر ده 5500 عشان هما على نفس الخط بتاع الرحاب ومدينتى والتجمع الاول
برغم الاسعار اتحدى انها هتكون خلاصانه قريب جدا عشان اللى هيشترى انهارده بالسعر ده خلال 5 سنوات او حتى اول ما يستلم هيبيع بضعف الثمن ...........شوف الرحاب فى ناس اعرفها لسه بتقسط الشقه لغايه دلوقتى وبعد ما هيخلص القسط هتبقى وقغى عليه 200000 ومعروض عليه يبعها دلوقتى ب 700000 وعجبى
الموقع فيه مشكلة كبيرة جدا تاهت عن كثير من الناس
الأرض بها أبراج كهرباء ضغط عالى و التى تسبب أمراض لا حصر لها مثل سرطان الدم و غيره
يعنى الموقع لا يصل للسكن ولو هايدفعولنا فلوس مش يدفعونا
ابراج الضغط بعيده عن المشروع مش معديه فيه
هو الموقع فين
الموقع ممتاز فشخ........هي في امتداد شارع الثوره وقبل ما توصل للدائري بعد 4.5 بشويه
وامتدادها لحد زهراء مدينه نصر.. ........يعني من الاخر انت اقرب لمدينه نصر واقرب لمصر الجديده من التجمع والرحاب وفي نفس الوقت اقرب للشروق ولهليوبيلس الجديده يعني،من الاخر انت في النص بين كل حاجه
ودا اللي شجع الواحد انه يفكر فيها........بس بالاسعار دي الموضوع صعب
طيب هو لسة فيه حد بياخد شقق فى وسط البلد ما ابعد عن الزحمة والضوضاء واخلينى فى المدن الجديدة
الموقع دا مايعتبرش وسط البلد بالظبط .....هو قريب من كل حاجه ....يعنى مثلا الشروق بتاخد لها من 15 الى 25 دقيقه علشان توصل الدائرى .....ولكن فى دى انت بينك وبين الدائرى 1 دقيقه ......يعنى حتوفر على نفسك كتيراقتباس:
المشاركة الأصلية كتبت بواسطة egyptawy2010
بالاضافه ان قربها من المطار حيكون ميزة لما خط المترو بتاع المطار يشتغل......حاجه عنب على الاخر
بس ده تقريبا نفس سعر الرحاباقتباس:
المشاركة الأصلية كتبت بواسطة ahmed_selmy
ايه الا يخلينى ما اروحش مدينة جاهزة زى الرحاب
سعر ايه فى الرحاب؟ اللى اعرفه ان سعر المتر فى الرحاب ٧ او ٨ و كاش؟
ما هو ده تقريبا 6 يعنى ما فرقتش الفاقتباس:
المشاركة الأصلية كتبت بواسطة mohamed_selim
وبعدين الاسعار على ارض الواقع بتبقى حاجة تانية سيبك من الاعلانات
يا فندم ١٠٠ جنيه بتفرق لو شقه ١٥٠ متر هتفرق معال ١٥٠٠٠ ال ١٥٠٠ جنيه دول يفرقو حوالى ٢٢٥٠٠٠ يعنى تقريبا ربع مليون فى شقه ١٥٠ متر
و بالنسبه للاسعار مبتفرقش كتير ساعة الجد و حتى لو نزلت شويه بيبقى مطلوب كاش مش تقسيط
على العموم لو كلامك صح و الفرق مش كبير يبقى طبعا تروح الرحاب لو قدامك حاجه :)
يا سيدى الفاضل المنطقه دى حتكون احسن من التجمع والرحاب ......لان المسافه بتاعتها حتكون اقرب كتير ....انا ليا واحد صاحبى ساكن فى الرحاب كان متعسف فى موضوع المواصلات لحد ما جاب عربيه .....مصاريف المواصلات والتاكسى كانت خرافيه.....بالاضافه ان السعر تبع الجهاز بيكون 8 الف للمتر يعنى فرق الفين جنيه
طبعا الرحاب ميزة للى عايز يسكن علطول علشان جاهزة .....انما كاستثمار اتفرج على الحته دى كمان كام سنه حتبقى اعلا من الرحاب ومدينتى
كلام جميلاقتباس:
المشاركة الأصلية كتبت بواسطة ahmed_selmy
طيب ممكن لو سمحت توصفلى المكان بالظبط لانى ماليش فى المنطقة ده
يعنى لو نزلت من الدائرى ودخلت طريق السويس هلاقيها قبل جاردنيا ولا فين بالظبط
وهل المنطقة ده تتبع اداريا للتجمع الخامس
وشكل حضرتك مهتم بالموضوع ممكن تقولنا لو عندك تفاصيل اكتر
هى بالظبط لو حضرتك نازل من الدائرى فى اتجاهك ل4.5 اول متنزل من الدائرى حضرتك حتلاقيها على الشمال قصاد المطار بالظبط.اقتباس:
المشاركة الأصلية كتبت بواسطة egyptawy2010
بالنسبه للمعلومات للاسف معنديش معلومات اكتر من اللى موجوده فى الموضوع, ولسه مرحتش الشركه علشان اعرف التفاصيل بالظبط والمساحات.
اللى مخلينى متحمس للموضوع بس السعر صادمنى....انى اتعاملت مع شركه مدينة نصر للاسكان والشقه اللى انا ساكن فيها من احد مشارعها
ولكن كنت متوقع ان يكون الاقساط على مدة اطول زى الشقه بتاعتى ما كانت على 15 سنه, وان الاسعار تكون اقل من كدا شويه .....وبردوا علشان النصب اللى واحد بيسمع عليه اليومين دول فهى مضمونه 100 * 100
الموقع بتاعها ملوش حل لكن الأسعار غبية
أنا رحت الموقع بنفسي وسألت في المبيعات والنتيجة:
المتر في الشقق بيتراوح من 5500 لحد 6000 جنيه
الشقه ال 140 متر - 3 أوض نوم بتوصل ل 800 ألف
حسبت القسط طلع بيوصل ل 10 آلاف في الشهر، ومعندهمش دفعات سنوية ونصف سنوية
في الأول كنت فاكر بتاخدها متشطبة، طلعت الأسعار دي نص تشطيب محارة وحلوق
وكنت فاكر معاها جراج، طلع الجراج لوحده يبدأ من 35 ألف
والطامة الكبرى يقولك هتدفع 8% من تمن الوحدة صيانة بعد سنتين من الحجز (دفعة واحدة)
يعيني الشقة ال 140 متر اللي ب 800 ألف، هتدفع 64 ألف زيادة على تمنها عشان الصيانة (وده بعد الحجز بسنتين وقبل الاستلام بسنة) ده غير تمن الجراج
التقسيط 3 سنين بدون فوائد، و6 سنين و 9 سنين
وبتاخد خصم 1% على كل 10% زيادة في المقدم . ههههههه
يعني لو دفعت 10% مقدم بيبقوا 80 ألف
دفعت 20% مقدم يبقوا 160 - 8 = 152 ألف بدل 160 ألف
دفعت 30% مقدم يبقوا 240- 16 = 224 ألف بدل 240 ألف
وخطوات التعاقد: تحط المقدم في حسابهم في البنك، ويكون عندك دفتر شيكات، تكتبلهم بيه شيكات بالأقساط
آه نسيت في مصيبة تانية: العقد ضمن بنوده إنك ماتعترضش لو الشركة قررت تزود أدوار تانية فوق العمارة، وإن من حق الشركة ترفع سعر الشقة بحد أقصى 10% لو حصل زيادة في أسعار مواد البناء
وكان الله في عون الشباب المكافح
الفايدة كام لو فوق ال3 سنين ؟
معلش ليا تعقيب بسيط على الكومنتات ... رحاب ايه اللى بعيدة عن الدائرى و الناس متعسفة عشان المواصلات ؟؟؟ انا زوجتى مش بتعرف تسوق وعندى اطفال والحمد لله مش بنواجه اى مشكلة خصوصا وانا مسافر .. كافة الخدمات والمواصلات وعشان كدة سكان التجمع بييجوا يخنقونا زى ما نكون عاملين المدينة عشانهم ... وعلى فكرة الأسعار هناك محدش بينزل جنيه حتى لو شقته فيها عيوب الدنيا .. بس نفسى افهم ازاى ابراج الكهربا مش معدية فى تاج السلطان دى راشقة بالعرض فالمشروع وواضحة جدا من برة الا بقا لو هى داخلة جوة 3 كيلو
انا سألت كانت الشقه 100 متر ب 600 الف ..استلام بعد 3سنين
يعنى حضرتك ترشح الرحاب للسكناقتباس:
المشاركة الأصلية كتبت بواسطة ramymechanics
وياترى سعر شقة 150 متر كام
اصل بصراحة فيه جروب على الفيس لسكان الرحاب يحسسك انها بقت عشوائيات
بالنسبه للكهربا فى تاج سلطان هى فى اول 100 متر بالعرض من طريق السويس ... المشروع نفسه ممتد لحد الموازى لبنزينة توتال على الدائرى يعنى فعلا اكتر من 3 كيلو لجوهاقتباس:
المشاركة الأصلية كتبت بواسطة ramymechanics
بالنسبالى اسعارها بعيده عن متناول ايدى حاليا و ممكن تكون مبالغه فى ظل ظروف البلد و خاصة انها شركه حكوميه بس التخطيط بتاعها و موقعها اكثر من ممتاز
انا ارشحلك التجمع المنطقة حوالين الجامعة الامريكية يعنى سواء شقق او كومباوندات يعنى متوسط الاسعار 6000 للمتر و فيه اقل بس مستقبلها كويس باذن اللهاقتباس:
المشاركة الأصلية كتبت بواسطة egyptawy2010
بص يا باشا الرحاب اه مش فخمة اوى كمداخل وسلالم وكدة بس الرحاب مكان امان بسيب ولادى ومراتى اللى مبتعرفش تسوق لوحدهم هناك واسافر شهر واتنين وانا مطمن ان فى امن وفى صيدليات وفى عيادات .. للأسف السبب اللى خلى الرحاب مستواها نزل شوية هم الناس اللى بتيجى من برة عشان يوجعوا دماغنا يتفسحوا لكن انا لو مقيم فى مصر بصفة دايمة الصراحة كنت هاخد فى كومبوند جنب الرحاب عشان مش بحب الزحمة ... لكن دايما الرحاب ليها طعم خاص يكفى ان ابنى اما تعب وانا مسافر جه الراجل اداله حقنة الساعة 5 الفجر بعد ما كلمناه ب 5 دقايق بالظبط غير الخدمات ميكانيكية كاوتش نجارين حدادين كله فى مكان واحداقتباس:
المشاركة الأصلية كتبت بواسطة egyptawy2010
بالنسبة للأسعار الشقة ال 150 متر فالمراحل القديمة تعمل من 950 الف ل مليون و 100 الف كاش