لاحول ولا قوة الا بالله ... ( صنيعية أخرررر زمن )

لاحول ولا قوة الا بالله
( حسبي الله ونعم الوكيل )

https://fbcdn-sphotos-c-a.akamaihd.n...91842444_n.jpg

يارب اشكو إليك حالي : ( صنيعية أخر زمن ) .

عاوز اغير سلك الدبان والناموس بتاع الشبابيك عندنا كل ما اروح لصنيعي يقولي فك الشباك وهاتوا وانا هغيرهولك من عنيا ... فانا ارد عليه وهو انا لو اعرف افك الشباك كنت جيتلك يا بني ادم ... وبعدين افك الشباك ليه طب ما أخلعلك الشقه واجبهالك أسهل !!

سبحان الله تلاقيهم قاعدين وبيهشوا فدبان ويقلولك اصل السوق واقف والحال واقف والدنيا واقفه وتجيبلهم الشغل لغايت عندهم يقوموا يتمرقعوا ويقلك مش فاضي او هاتلي الشغل لغايت عندي ... والي فيهم بقه وصنيعي على حق. عاوز عربية تيجي لغايت عندوا عند باب المحل تاخدوا وعربية مخصوص. ترجعوا من البيت لغايت باب المحل ... والي يجننك لمن يجي يفتح واحد اجنبي ( فلسطيني ولا سوداني ولا سوري ) جمب منو يفتح ويشتغل ويرضى بقليلوا ويطلع معاك يشتغل انشالله حتى في نص الليل. يقولولك ايه الي جاب الاجنبي ده هنا الله يخرب بيوتهم خدوا رزقنا ... لاحول ولا قوة الا بالله هو لا منكم ولامن كفاية شرك !!

هي البلد دي في قاع الأمم حاليا من شوية ؟
بسبب عوامل كتير ده واحد منها

اللي حصل مع السوريين هنا في مسألة الشغل دي بالذات فتح عينينا على حاجات ما كناش فاهمينها , و يا ريته فتح عينين اصحاب الشأن

المويتال ولا خشب الشبابيك يا يارس
جرار ولا مفصلى

اقتباس:

---

المشاركة الأصلية كتبت بواسطة a.saad

المويتال ولا خشب الشبابيك يا يارس
جرار ولا مفصلى

---

المونيتال ياحمد باشا .. جرار بس المشكلة الواد الي فصلهم عملهم بطريقة ميتخلعووش غير بالطبل البلدي انا حاولت اخلع درفة البلكونة شفت الضرفة لقيتها اتعوجت كده وحسيت الحلق كلوا هيطلع في ايدي من المصنعية الي اي كلام .

المشكلة مش في كده انشاء الله هتصرف بس. تصور حتى باب الشقة مع البروده الباب بيمدد وميرضاش يقفل فرحت اجيب نجار. لقيت النجار كمان بيقولي طيب اخلعلي الباب وهتهولي هنا وانا هزبطهولك !!!

انتا شايف لاي مدى الصنيعية والبرود الي عندهم. عارف عملت ايه في باب الشقه جبت حتت صابونة وبليتها وليست بيها الباب من الجنب وبقى عشرة على عشرة :) هههه بقينا نفتكس :)

وعلشان كده انا مريح دماغى وجايب معظم العدد وبعمل كل حاجه بنفسى سواء نجارة او سباكة او كهربا
لان يوم لما احتاج صنايعى بيبقى يوم ملوش لون ولازم هنختلف على الاقل لو ما اتخانقناش
بجد تلاقى الصنايعى عامل فيها شيخ الصنعة والاطة ملهاش اخر وشغله فى الاخر بيطلع ناقص ده اذا ما بوظش حاجه ويقولك اصل وفصل ويبقى عايز كمان فو قالاجرة الى اتف عليها
ربنا يتوب علينا من الصنايعية المصريين

اقتباس:

---

المشاركة الأصلية كتبت بواسطة تامر.محمد

هي البلد دي في قاع الأمم حاليا من شوية ؟
بسبب عوامل كتير ده واحد منها

اللي حصل مع السوريين هنا في مسألة الشغل دي بالذات فتح عينينا على حاجات ما كناش فاهمينها , و يا ريته فتح عينين اصحاب الشأن

---

١١١١١١+
واللهي وواللهي والله. خدت الكلمتين من على طرف لساني يا تامر باشا
ده على مستوى. كيس العيش الابيض كنا بنجيبوا بتاع مصنع ريتش باك الكيس ب ٤ واحيانا البقال الي جمبنا يحب يستغل ويبعتوا بخمسة وسط الحساب ويستغل ان البت لوحدها مش هتعد وتفاصل وراه وتحاسب ... تصور دلوقتي. بقى في اكتوبر يجي كزا فرن سوري يعمل العيش الابيض وبسم الله مشاء الله كل رغيف ورغيف قااااااد كده وب ٢.٥ جنية فقط كيس العيش الشامي كلوو وتلاقي طري كده وزي الغريبة في ايدك .

على مستوى خيااااااط تودي البناطيل لخياط مصري يقعد يطلع عينك على عدي عليا بكرة طب عدي عليا بعد العشا طب بص تعاله بعد بكره وانشاء الله هكون خلصتلك زرار البنطلوم !!! تانيت البنطلوم بقو ياخدوا عليها ١٠ و ١٥ جنية ومش عاجبهم كمان وشغل عك في عك لزق بتفافه عدم المؤخزة واقلب . لكن الخياط السوري بعتلو بناطيل وحبت حجات كده ومسافة ماخلصت كلام مع واحد حبيبي شافني بالصدفة قدام المحل. لقيت الخياط بيندهلي وقلي خلاص اغراضك خالصين. وايه بقه شغل بجد بجد تسلم الايادي فنااااان وخد ٣ جنية بس على البنطلوم !!!

القصد في كل حاجة. الواد السوري صنيعي بجد وعندوا ضمير وفن مش موجود عند الصنايعي المصري. ليهم حق الخليجين بيدوا مرتبات. للسوري اعلى من مرتبات المصري ... شيء مؤسف الحقيقة مرقعة الصنايعية عندنا بجد شيء مؤسف مش فالحين غير انهم يطلبو زيادة وعاوزين فلوس فلوس وانتاج عك في عك

اقتباس:

---

المشاركة الأصلية كتبت بواسطة eng_hatemfathy

وعلشان كده انا مريح دماغى وجايب معظم العدد وبعمل كل حاجه بنفسى سواء نجارة او سباكة او كهربا
لان يوم لما احتاج صنايعى بيبقى يوم ملوش لون ولازم هنختلف على الاقل لو ما اتخانقناش
بجد تلاقى الصنايعى عامل فيها شيخ الصنعة والاطة ملهاش اخر وشغله فى الاخر بيطلع ناقص ده اذا ما بوظش حاجه ويقولك اصل وفصل ويبقى عايز كمان فو قالاجرة الى اتف عليها
ربنا يتوب علينا من الصنايعية المصريين

---

واللهي انتا راجل ١٠ على ١٠ وجدع
فعلاً هو الزمن بتاعنا دهو زمن الي الواحد لازم يعمل كل حاجة بايدوو ولا الذل. لده ولده ... ياخي. ده حتى الصنايعية بيقعدوا يتنكوا على الواحد. ولا دكتور زمانوا ... لا ومش بس كده. اول ما يخش البيت يشغلك كل الي في البيت لحسابو يعني. مثلاً انا اقف على ايدو واسند معاه اي حاجة. ابني. فجئة يتحول بقدرة قادر لاسطة بلية ويناولوا مفك. شاكوش. مفتاح عشرة كده يعني. وطبعاً مراتي في المطبخ بتعملوا كوبايت الشاي. الي بيحبها شاي في الخمسين حتى بنتي الصنيعي يبعتها. تجيبلوا كوبايت ميه من المطبخ او يقولها روحي عند عمك عماد الموان. قليلوا لاسطى جمال بيسلم عليك وبيقلك هات الهلتي الي سلفتهولك امبار ح ههههههههه

اقتباس:

---

المشاركة الأصلية كتبت بواسطة y a r i s

واللهي انتا راجل ١٠ على ١٠ وجدع
فعلاً هو الزمن بتاعنا دهو زمن الي الواحد لازم يعمل كل حاجة بايدوو ولا الذل. لده ولده ...

---

انا برده باعمل كده دلوقت

انا فاكر مرة كنت محتاج سباك
قعدت اتصل بيه اسبوعين ورا بعض , و معاد ورا معاد
تقريبا نص اهله و جيرانه ماتوا في الاسبوعين دول و عزى فيهم واحد ورا التاني

طب مش فاضي اليومين دول يحترمني و يقول لي انه مش هايفضى قبل اسبوعين
لأ و ليه يطير الزبون ؟ يفضل يعطل في اللي جابوه لحد ما هو يفضى
حاجة تقرف

ههههه
واضح إن كلهم كدة
أنا كان عندي مفصلة ضلفة المطبخ اللي تحت الحوض أتخلعت
روحت لنجار قول له كدة : قال لي هاتيها
قولت له : هتركب المفصلة فين لو جبت الضلفة ؟
قال لي هاتي العلبة اللي تحت الحوض كلها !!!
قولت له : حاضر يا فندم ، بس ممكن طلب من حضرتك ؟ :praying:
قالي لي بمنتهى الآلاطة : أتفضلي ؟ :U_thin1[1]:
قولت له ممكن رقم تليفون نجار علشان يجي يفكها لي :Copy of rfds:وأبعتها لك - ههههه

شوف هتدفع كام واجى اعملهولك-بالدولار

اقتباس:

---

المشاركة الأصلية كتبت بواسطة y a r i s

واللهي انتا راجل ١٠ على ١٠ وجدع
فعلاً هو الزمن بتاعنا دهو زمن الي الواحد لازم يعمل كل حاجة بايدوو ولا الذل. لده ولده ... ياخي. ده حتى الصنايعية بيقعدوا يتنكوا على الواحد. ولا دكتور زمانوا ... لا ومش بس كده. اول ما يخش البيت يشغلك كل الي في البيت لحسابو يعني. مثلاً انا اقف على ايدو واسند معاه اي حاجة. ابني. فجئة يتحول بقدرة قادر لاسطة بلية ويناولوا مفك. شاكوش. مفتاح عشرة كده يعني. وطبعاً مراتي في المطبخ بتعملوا كوبايت الشاي. الي بيحبها شاي في الخمسين حتى بنتي الصنيعي يبعتها. تجيبلوا كوبايت ميه من المطبخ او يقولها روحي عند عمك عماد الموان. قليلوا لاسطى جمال بيسلم عليك وبيقلك هات الهلتي الي سلفتهولك امبار ح ههههههههه

---

انا بعمل معظم حجتي بايدي بس في اوقات بيكون عندي شغل بخلصه وانا علي الكمبيوتر فمش فاضي مره قالي هات مفك قمت نولته قالي هات البنسه قمت اديتهاله وقولتله انا عندي شغل مهم بخلصه لسه بيقولي هات مش عارف ايه قمت ماسكه وواخد العده كلها وواخده طرده بره بيقولي في ايه يا استاذ احمد قولتله لما اشتغل صبي هبق اجيبك

اقتباس:

---

المشاركة الأصلية كتبت بواسطة AhMeD MeTwAlY

انا بعمل معظم حجتي بايدي بس في اوقات بيكون عندي شغل بخلصه وانا علي الكمبيوتر فمش فاضي مره قالي هات مفك قمت نولته قالي هات البنسه قمت اديتهاله وقولتله انا عندي شغل مهم بخلصه لسه بيقولي هات مش عارف ايه قمت ماسكه وواخد العده كلها وواخده طرده بره بيقولي في ايه يا استاذ احمد قولتله لما اشتغل صبي هبق اجيبك

---

ههههههههههههههههههههههههه ههههههههههههههههههههههههه ههههههههههههههههههههههههه هههههههه

حكايه كل بيت مصري

المشكله مبقتش مشكله صنايعى وبس ده بقي جيل بحاله فى جيل طالع اتربى على الانتخه سواء متعلم "فبيحسس نفسه ان مجابتهوش ولاده وانه بيشتغل حاجه مش من مستواه "او غير متعلم "فبيتعامل من ناحيه مش المتعلمين دول بيتعوجوا علينا طيب اهم بيجوا عندنا واحنا بنتحكم فيهم "
والصنايعى المفترض انه يكون اقدر الناس فى صنعته بحيث ان الناس لما تطلبه تكون بتطلبه فى حاجات فنيه ميقدرش حد غيره يعملها ولكن تحول دلوقتى لمجرد تقفيل شغل بمعنى ان اغلبنا بيجيب الصنايعى يعمل حاجات بسيطه فى البيت بس لمجرد ضيق الوقت او انه مش عايز يحاول فيها وبالتالى تحول الفنى الى اى شخص عنده قدره الافتكاس فممكن تلاقى واحد عايز يحسن دخله فيقولك انا كهربائي لمجرد انه مره وهو صغير حط مفك تست فى بريزه كهرباء فنورت فقالك مهو موضوع بسيط اهو ونتعلم فى خلق الله علشان كده ضاع الفنى وسط الصنايعى والمفترض الصنايعى المنيل ننصح صحابنا وجيراننا واهلنا ميتعاملوش معاه لان لما القرش يقل معاه حيعرف انه لازم يسمع لشكاوى الناس منه ويغير سلوكه ولو فى صنايعى كويس برضه ننشر خبر انه شخص كويس لعله رزقه يزيد ويتعلم ان حسن المعامله والصنعه بتتقدر
ويا ريت لو حد يعرف شركات او مكاتب توريد صنايعيه حتى لو بسعر اعلى شويه ولكن حنبقى مرتاحين ان فى مقر للشركه لو رحت عملت قلق حيريحك علشان سمعته وغالبا كل الدول المحترمه بتتعامل بالشكل ده

بنفس الطريقه علشان نعرف حجم المشكله فى فئه الشباب كل شاب نفسه يتعين فى شركه بمرتب كويس عظيم هاته شغله فى شركه قطاع خاص يتفحت فورا تلاقيه بيقولك انا عايز حاجه حكومه انتخه اروح الساعه 3 وعندى تامين ومعاش واهو اسمى شغال وطبعا لما يلاقى وظيفه احلامه فى القطاع الحكومى بيكون مش عايز يشتغل ويتعوج على خلق الله مش علشان هو وحش بس علشان "المرتب ضعيف ومبيكفيش والدنيا وحشه والحكومه لازم ترفع المرتبات " فمن النهايه قله قليله من المصريين هم اللى بيشتغلوا بجد واغلب الباقى بيشتغل مضطر ولو خيرته ياخد 700 جنيه بدل وظيفه "اعانه بطاله "او يشتغل ب 1200 جنيه غالبا حيختار الاختيار الاول وده افه مجتمعنا ان الصنايعى والموظف والعامل والفلاح والتاجر بيستنى المكسب الكبير قبل ميشتغل ويفضل يلف فى دوامه هى العيشه الكويسه الاول ولا الشغل الاول وكأنها "البيضه ولا الفرخه "وبالرغم ان اغلب الدول فهمت ان الشغل والتعب حتى لو بمقابل قليل هو السبيل للعيشه الكويسه لسه لحد دلوقتى احنا تايهين .

بس احقاقا للحق انا اتعاملت مع صنايعيه محترمين جدا جدا وناس زى الفل ولكن للاسف الغالب بيبقى ظاهر اكتر من المحترمين
والحل كنت قايله فى موضوع عن مجانيه التعليم من فتره الغاء مجانيه التعليم الجامعى وتوجيه الاهتمام للتعليم الفنى علشان يدخل فى المجال ده ناس حابه وفاهمه ومطلوبه فى مجتمعنا

كلنا بنشارك فى سوء البلد دى بشكل مباشر او غير مباشر .
تحياتى .

يا عمدة مفيش غرابة هو ده المصرى

بمناسبة الشركات المتخصصة
صاحبى كان بينقل من الهرم لزايد وصاحبى مشغول على طول وملوش طهقان على الصنايعية فجاب شركة تفك وتكرتن وتنقل وتركب تانى
وصاحبى من النوع اللى بيعرف يلعب دور البارد التلاجه
وقعد عشر دقايق يضحكنى على ردوده على الصنايعية اللى طلبوا سلم وخلاهم ينزلوا يأجروا على حسابهم وطلبوا ريموت تكييف وخلاهم يروحوا يشحتوا ولما ملقوش خزنزا الفريون مانيوال
ولما جالوا كام واحد يسألوا احنا خلصنا عايز حاجه تانى يا بيه وطبعا هما مش بيسألوه عايز حاجه ولا لأا هما عايزين بقشيش مع ان الاتفاق مع الشركة ان المبلغ اجمالى من غير جنيه زياده فكان رد صاحبى مش عارف روح اسأل الاستاذ فلان (المشرف بتاعهم) هل فى خاجه تانى ولا لأ
وطبعا كل حاجه مش عاجباه كان بينده للمشرف ولما النجار اتلكك علشان ضلف مش بتفتح كويس بالارض وكده قاله شايف الضلفة دى قاله اه قاله افتحها ففتحها قاله تمام قالوه حلوة صح قاله اه قاله عايز الباقى زيها ولو مش عارف انزل هات نجار
طبعا قمة الكوميديا بس الاشكال دى عايزة واحد تلاجه فعلا

ربنا يتوب علينا

هى بتزول من وشهم من شوية ... و الله التعامل مع السوريين أنضف بمراحل خلي الصنايعية المصريين حالهم يقف أكتر و يجيبوا ضرفها و يقعدوا فى البيت يخرطوا الملوخية لستاتهم

ههههههههه لسة جاي من عند الميكانيكي. روحتله تعالي ياعم العربية عطلانة ومبتمشيش ( الدبرياج فاصل) دورها وجيبها ياباشا ومن عنيا طلعت عينك من وشك يابعيد امال انا جايلك ليه.

مش صنايعية دول بهوات.

احنا مش بنحب نشتغل ونقعد ننقد ونبكي علي الحال
وفالاخر عاوزين فلوس ورخاء وحياة كريمة

فئه ضالة بجد و عندهم نقص غريب
أخر أفتكاسة سمعتها من صنايعي بيرد علي الأسطي بتاعه (بوهيجي ) يا أسطي طلباتك كترت و مش هاينفع كده دا أنا أروح أركب توك توك و يوميتي 50 جنيه
سمعتها و بقيت مستغرب من الوضاعه عايز يسيب صنعته و يركب توكتوك يتفسح به طول اليوم و يأنتخ

ههههههه

ههههههههه
واللهي دحكتموني وبسطتني تعليقاتكم كلكم. ... الحمدالله ابشركم تمت المهمة. خدت العربية ولفيت اكتوبر كعب داير صنيعي صنيعي ... لحد مالقيت صنيعي مبرشم وقاعد يشيش. فرحتلوا طبعاً هو بمنتهى الالاطة. الي في الدنيا ... وكان قاعد بيشرب حجرين. فقلتلوا الحكاية كزا كزا قالي واللهي انا دلوقتي مش فاضي بس لو عديت عليا بعد الغدى مممممممممكككككككككن اطلع معاك

طبعاً انا بصيتلوا كده وهو بيقلي انوا دلوقتي مش فاضي ومشغول ... وعمال اشوف معقول حجرين المعسل اهم من شغل الي هيشتغلوا ... كنت عاوز اقولوا طيب يا عم المشغول اسفين يافندم. عطلانك على رسالة الدوكتراة الي بتحضرها ... قطعنا حبل. افكارك. قصدي حبل انفاسك ... فالمهم قلتلوا طيب بقولك ايه. انتا ابن حلال انا عزمك النهردة على الغدى دقيقة وحده وقمت ماسك الموبايل كلمت المدام. قلتلها الو يا حياتي اعملي حسابك عم ... رحت قلتلوا انتا اسمك ايه. قالي خدامك شعبان ... المهم رحت قلتلها اعملي حسابك عم شعبان هيجي يتغدى. عندنا النهرده انتي عاملة ايه النهرده ... طبعاً مراتي واقفه ماسكة التيلفون مبلمة وعم شعبان مين !

المهم قلتلوا ... واللهي انتا ابن حلال يالله يالله قوم بينا نلحق المحشي وهو سخن في ورق عنب بصيتوا بيقولي لا اصل مش هقدر قلتلوا. ايه مبتحبش الورق عنب.
فقالي لا بحبوو. قلتلوا خلاص في ورق عنب وكرنب وبتنجان محشي يالله يالله يا راجل هات عدتك ويالله بينا الاكل مبيبقاش حلو وهو بارد حلوتوا وهو سخن ... المهم راح البيت. ومسكلك يا معلم درفة درفة. لا وايه زمة وضمير الدنيا. كلها ... شغل ولا في اليابان. ... المهم طبعاً مراتي. ولا كانت طبخه ولا عاملة ولا منيلة حاجة ههههه. بس الولية ام عمر جارتنا. كانت باعته. حلة محشي كوكتيل ماسخه وملهاش اي طعم عارفين البعليصة.ههههه. اهو ده محشي البعليصة. الي بعتتوو. وطبعاً احنا اتكسفنا. نرفضوا فتاخود على خاطرها وتزعل وخفنا نرمية في الزبالة ناخود. اثم وسيئات. الدنيااااا المهم خليت مراتي تسخنلوا البعليصة كلها بحالها قصدي المحشي بتاع امو عمر .

وتحط المحشي على السفرة. انا وهو بس عملت نفسي بنده على ابني علشان ياكول ابني اول ما جه وشاف البعليصة قال من بعيد لبعيد لا شكراً. انا نزل العب مع صحابي. قلتلوا احسن برضو ... المهم وقعدت معاه على السفرة ( بسم الله الرحمن الرحيم ) جي يا كول. بصلي كده وقالي انتا مبتكولش ليه يا بيه قلتلوا معليش انا النهرده صاااااااايم اصل متعود اصوم كل اتنين وخميس هههههههههههههه بس انا قاعد معاك علشان اسليك .

بص عقبال ماتكول انتا المحشي اكون علقتلك على الشاي. ... سبحان الله مسافت ماقمت اجبلوا الشاي. لقيتوا قام. من على السفرة قلتلوا ايه مكلتيش ليه مش اكلتك ددددي هههههه. قالي لا كتر خيرك يابيه اصل. افتكرت زبون مهم هيجيلي في الورشة. ضروري علشان اسلموا شوية حجات. يالله بينا نمشي. ياخسارة كان نفسي ياكول بعليصة ام عمر. ...

ههههههههههههههههههههههههه هه يعنى بعد كل دا ماكلش المحشى

هههههههههههههه والله هو ده اللي يمشي معاهم . الله ينور بجد

طيب كان اديت لة المحشى تيك اوى واهو بالمرة كنت خصمتة من الاجرة ها ها

انا لو منك مكنتش نزلته من الشقه الا لما يخصل حله البعليصه يستاهل ده اكبر عقاب ليه .........
الصنايعيه عندنا تحس انهم من كوكب تانى وبينعموا علينا لو عملوا لك شغلانه والكارثه طول مابيكلموك بيدعوا الفقر ووقف الحال تناقض غريب....
لسه قريب جدا سلك كهرباء عمل شرز فى سكينه الكهرباء محتاج كهربائى يهوى المسمار وينزل السلك ويربطه تانى بس اتصلت على الكهربائى تبعى البيه عريس وروح البيت الساعه 8 بعد العشاء قالى مش هقدر انزل عذرته عريس بقى يستاهل
دورت على كهربائى تانى جنبى جه صنايعى على درجه وكيل وزاره عملها اقسم بالله خمس دقايق بالظبط طلبات يادكتور (شوف الاستفزاز) قالى طبعا الساعه دلوقتى 9 وانا كنت لازم اقفل يعنى انت هتعطل طول الليل قلته طلباتك ياعمنا قالى 100 جنيه .........لييييييه ياعم استفزنى اكتر قالى لو جتلى بعد الضهر على ما افتح كان هيبقى وضع تانى قلتله لا فك السلك تانى واديلك 20 جنيه يبقى عشره تركيب وعشره فك علشان تمشى مرضى بعد مناهده وعيب افك السلك تانى وافق قلته يعنى انت رضيت بعشره جنيه تركيب وعشره فك طيب بتقولى 100 جنيه ليه ياظالم قعد يبصلى ومنطقش والعمال قعدوا يضحكوا عليه اديته 30 جنيه وصمم على 50 فى الاخر ادتهمله وقلتله قطعت بشغلك معايا
قمه الاستغلال

علشان كدة هتعلاقيةيشتغلوا وينهبوا

وربنا مش بيبارك تلاقى منظرهم زبالة وحالهم يقرف

اقتباس:

---

المشاركة الأصلية كتبت بواسطة Y a r i s

ههههههههه
. بس الولية ام عمر جارتنا. كانت باعته. حلة محشي كوكتيل ماسخه وملهاش اي طعم عارفين البعليصة.ههههه. اهو ده محشي البعليصة. الي بعتتوو. وطبعاً احنا اتكسفنا. نرفضوا فتاخود على خاطرها وتزعل وخفنا نرمية في الزبالة ناخود. اثم وسيئات. الدنيااااا المهم خليت مراتي تسخنلوا البعليصة كلها بحالها قصدي المحشي بتاع امو عمر .

---

أنت بتألس على بعليصة أم عمر ؟!!!
كيف تجرأت ؟!!
أنا صاحبة أم عمر :new:
مش هفتن عليك لو قولت لي يعني أيه بعليصة ؟
ومبروك على ضرب الصناعي ميت قلم على سهوة
ربنا يخليكي يا أم عمر

ههههههههههههههههههههههههه ههههههههههههههههه
جامدة جدا حكاية البوعليصة ديى مع ان مش عارف يعنى ايه ههههههههههههههههههههههه
بس عمال اتخيل الموقف و اضحك

ههههههههههه
محشي امو عمر ده. يعني مش عارف اوصفهلكم ازاي ... بصو هو من الاخر شوية محشي حمضانين واظاهر هيا استخسرت ترميهم في الزبالة فحبت تتخلص منهم بجميله ... حشوة المحشي ذات نفسها حبت افتكاسات رز وجزر وشوية حجات مالهمش اي علاقه ببعض بس يجبولك مغص في الاخر ... مع ريحة زفارة اظاهر طبخاهم في مية كوارع ولا ايه والمشكلة مش اول مرة تبعت حجات برضو مرة بعتت لنا صنية مكرونة باشميل كلناها من هنا وجلنا تلبك معوي جماعي ومغص واسهال اسري من هنا ... واكمن هيا ست كبيرة فمش عاوزين نكسر بخاطرها. وبنقلها تسلم ايديكي ... وهيا بتنبسط قووووي قووووي. لمن حد يقلها تسلم ايدك او تسمع اي كلمتين حلوين .

وكعادتي مجامل واحيانا بحب اتريق ... فهيا سئلتني عجبك يا ابني المحشي. فانا بقولها ااااه يا امي ده من كتر حلاوتها العيال مصمصو صوابعهم وايدهم ورجليهم وراها واللهي ومن يومها كل ما تبقى فاضيه. تطبخ وتبعت ... في اكتر من اننا مبنرضاش نفتح لها الباب اذا بصينا في العين السحرية ولقيناها ماسكة صنية في ايديها مبنرضاش نفتح الباااااب لها ابداً. فتحطلنا الصنية على باب الشقة وتمشي ... وكزا مرة اقولها يا امي ارجوكي بلاش تتعبي نفسك ... تقوم. تدحك وتقلي ولا تعب ولا حاجة انتا بس قولي نفسك في ايه ... فانا اقولها نفسي متبعتيش حاجة ... تقوم تقلي دول مش علشانك علشان خاطر العيال .

يالهووي طب اقولها دي ايه بس ... قلتلها واللهي يا امي المشكلة العيال. بيحبوا اكل المطاعم والديلفري ... يعني افهمي بقه ومتبعتيش ... وهيا تقولي وده اسمو كلام يا ابني. ده اكل المطاعم كلو. تلوث ... ده على اساس ان طبخها ياجمالوا يا جمالوا .

وبقيت مش عارف اعمل ايه من ناحية مش قادر اجرح شعورها واكسر بخاطرها ومن ناحية تانية مش قادر ارمي الاكل في الزبالة ( حرااام ... وهاخود وزر ) ... في واد كان شغال حارس المسجد الي جمبينا واد كده غلبان من المنيا ... الواد ده فرح قووي قوي لمن قلتلوا هبعتلك غدى النهردة. ولمن بعتلوا صنية البطاطس بتاعت امو عمر .... ومع ان كان فيها فراخ ، الواد ده من يومها لو رميت عليه السلام ... مبقاش يرد علي حتى السلام بتاع ربنا!!

كان في اعلان برضو بيطلع في التلفزيون بتاع بنك الطعام المصري ... انا كنت هتصل واعمل ايداع بحلة المحشي بتاعت امو عمر ... مراتي منعتني وقالت لا ياشيخ حرام علييييك بطل اذى بقه ، الناس يجرلها حاجة ونشيل احنا ذنبهم ... طب دبروني انتم اعمل ايه !

بمناسبه الصناعيه هحيكلكم مأساتى معاهم...كان عندى مشكله فى دينامو العربيه سالت عليه فى التوكيل قالى الدينامو ب 3000 جنيه غير تركيب ومصناعيه..المهم واحد صاحبى شار عليا نروح لكهربائى نحاول نصلح الدينامو...المهم فعلا رحنا لكهربائى كنا الضهر...قعدنا ساعتين لحد الباشا متكرم واشتغل فيها وكل شوية يبعتنا نجيب حجات المهم خلصنا العشا وكنا فى الصيف اخدت العربيه انا وصاحبى وروحنا نقعد على كافيه ولحسن الحظ قعدنا برا والعربيه قدامى بمسافه قصيره...بعد شوية لقيت دخان طالع من العربيه طبعا ما اخدتش فى بالى قولت يمكن دخان بنزين عربيه تانيه او حاجه لكن لقيت الدخان مستمر طلعت اجرى على العربيه لقيت نار فى الكبوت...مبقتش عارف اعمل ايه الناس اتلمت وجنبا طفايه والحمد لله لحقنا الموضوع اتارى الصنايعى ابو ضمير حط مسمار من عنده ملامسى الارضى وعمل قفله والسلوك ولعت...بعدها اتصلت بيه وزعقتله فى نص الشارع والناس بتبوص عليا..لقيته بمنتهى البرود بيقولى طيب هات العربيه وتعالى..قوتله بقولك العربيه حصل فيها ماس وكانت والعه قالى انا عندى شغل قوتله اقسم بالله لوديك فى داهيه قالى خلاص انا جيلك....فات نص ساعه والباشا مجاش اتصلت بيه تانى لقيته بمنتهى البرود بس برود اكتر من الاولانى بيقولى مش لاقى موصلات...ابعتلى تاكسى يخدنى ..قولت يا ادى الغلب صاحبى اتصرف وجبنا عربيه وراح جابه...وفصلنا البطاريه واخدنا العربيه على الورشه كانت الساعه 1 بليل وسبتها لتانى يوم.....رحت تانى يوم لصاحب الورشه قوتله خلصت العربيه قالى الصنايعى اللى عندى قالى الدينامو ده مش هينفع وهات واحد جديد....قوتله وهجيب منين دلوقتى التوكيل بينى وبينه ساعتين راح وساعتين جاى ومفيش حد عنده الدينامو بتاعها ...قالى وانا مش هقدر اعملك حاجه..قولت هجيب 3000 جنيه منين دلوقتى .رحت للصنايعى قوتله انت ليه مش عايز تعمل العربيه قالى مليش دعوة علشان لو حصل فيها حاجه متلومش عليا. رحت للمعلم بتاعه لقيته ولا معبرنى رجعت للصنايعى تانى ..قوتله طيب ظبط الشغل وانا هشوفك...وهشوفك كويس اوى كمان...بصلى كده وابتسم وبدون تردد راح للمعلم بتاعه وقاله طيب ممكن نحاول ...قاله خلاص حاول وفعلا ساعتين وصلح الدينامو وطلعت بالعربيه جربتها لقيته تمام....قوتله مش هيحصل حريق تانى قالى لا اطمن...اديته خمسين جنيه طبعا غير اجره الورشه...لقيته بيقولى انا عايزك متقلقش من الدينامو ده مهما حصل فيه انا اللى هعمله ... قولت فى بالى اه يا ولاد التيت بخمسين جنيه الدينامو بقى تمام ...وكل فتره يتصل بيه يطمن على الدينامو واهى ماشيه لحد مغيره

ههه- بصراحة موضوع زى العسل وفكرنى بمواضيع الاستاذ احمد كمال اللى كانت بتخلينى انفجر من الضحك بطريقة هستيرية تخلى الجيران تقل ايه اللى جنن الراجل الى قاعد يضحك ده بعد واحدة بالليل
بجد جزاكم اللله خيرا غيرتم مودى بعدا حالة الكأبة اللى عشتها امبارح وانهارده بسبب الدم اللى مالى الشوارع
يارب الطف بينا وباهالينا واصرف عنا كل فتن يارب العالمين

فعلا الصنايعية المصريين بيتمرقعوا
حاجه تقرف

اقتباس:

---

المشاركة الأصلية كتبت بواسطة y a r i s

ههههههههههه
محشي امو عمر ده. يعني مش عارف اوصفهلكم ازاي ... بصو هو من الاخر شوية محشي حمضانين واظاهر هيا استخسرت ترميهم في الزبالة فحبت تتخلص منهم بجميله ... حشوة المحشي ذات نفسها حبت افتكاسات رز وجزر وشوية حجات مالهمش اي علاقه ببعض بس يجبولك مغص في الاخر ... مع ريحة زفارة اظاهر طبخاهم في مية كوارع ولا ايه والمشكلة مش اول مرة تبعت حجات برضو مرة بعتت لنا صنية مكرونة باشميل كلناها من هنا وجلنا تلبك معوي جماعي ومغص واسهال اسري من هنا ... واكمن هيا ست كبيرة فمش عاوزين نكسر بخاطرها. وبنقلها تسلم ايديكي ... وهيا بتنبسط قووووي قووووي. لمن حد يقلها تسلم ايدك او تسمع اي كلمتين حلوين .

وكعادتي مجامل واحيانا بحب اتريق ... فهيا سئلتني عجبك يا ابني المحشي. فانا بقولها ااااه يا امي ده من كتر حلاوتها العيال مصمصو صوابعهم وايدهم ورجليهم وراها واللهي ومن يومها كل ما تبقى فاضيه. تطبخ وتبعت ... في اكتر من اننا مبنرضاش نفتح لها الباب اذا بصينا في العين السحرية ولقيناها ماسكة صنية في ايديها مبنرضاش نفتح الباااااب لها ابداً. فتحطلنا الصنية على باب الشقة وتمشي ... وكزا مرة اقولها يا امي ارجوكي بلاش تتعبي نفسك ... تقوم. تدحك وتقلي ولا تعب ولا حاجة انتا بس قولي نفسك في ايه ... فانا اقولها نفسي متبعتيش حاجة ... تقوم تقلي دول مش علشانك علشان خاطر العيال .

يالهووي طب اقولها دي ايه بس ... قلتلها واللهي يا امي المشكلة العيال. بيحبوا اكل المطاعم والديلفري ... يعني افهمي بقه ومتبعتيش ... وهيا تقولي وده اسمو كلام يا ابني. ده اكل المطاعم كلو. تلوث ... ده على اساس ان طبخها ياجمالوا يا جمالوا .

وبقيت مش عارف اعمل ايه من ناحية مش قادر اجرح شعورها واكسر بخاطرها ومن ناحية تانية مش قادر ارمي الاكل في الزبالة ( حرااام ... وهاخود وزر ) ... في واد كان شغال حارس المسجد الي جمبينا واد كده غلبان من المنيا ... الواد ده فرح قووي قوي لمن قلتلوا هبعتلك غدى النهردة. ولمن بعتلوا صنية البطاطس بتاعت امو عمر .... ومع ان كان فيها فراخ ، الواد ده من يومها لو رميت عليه السلام ... مبقاش يرد علي حتى السلام بتاع ربنا!!

كان في اعلان برضو بيطلع في التلفزيون بتاع بنك الطعام المصري ... انا كنت هتصل واعمل ايداع بحلة المحشي بتاعت امو عمر ... مراتي منعتني وقالت لا ياشيخ حرام علييييك بطل اذى بقه ، الناس يجرلها حاجة ونشيل احنا ذنبهم ... طب دبروني انتم اعمل ايه !

---

بسيطه انت ممكن تقولها ودي الاكل دا للي يستهله يعني دار ايتام او ما شبه وتقضي يوم لطيف مع الاطفال انا وﻻدي الحمد لله بيكلو وبيشربو غيرهم مش ﻻقي حنانك وانت تريح دماغك وتسكب ثواب ومليت فرغها
او شوف بواب او حد من الناس الي بتربي طيور واديهم الحاجه كانها فايضه من بيتك
وبطل مجامﻻت بزياده لتيجي في يوم تخليك نازل او طالع وتزنقك ع السلم تقولك دوق كذا اصلي عزمه ناس وساعتها الاكل اجباري

اقتباس:

---

المشاركة الأصلية كتبت بواسطة ahmed metwaly

بسيطه انت ممكن تقولها ودي الاكل دا للي يستهله يعني دار ايتام او ما شبه وتقضي يوم لطيف مع الاطفال انا وﻻدي الحمد لله بيكلو وبيشربو غيرهم مش ﻻقي حنانك وانت تريح دماغك وتسكب ثواب ومليت فرغها
او شوف بواب او حد من الناس الي بتربي طيور واديهم الحاجه كانها فايضه من بيتك
وبطل مجامﻻت بزياده لتيجي في يوم تخليك نازل او طالع وتزنقك ع السلم تقولك دوق كذا اصلي عزمه ناس وساعتها الاكل اجباري

---

طيب وايه ذنب الايتام فى بوعليصه ام عمرو

اقتباس:

---

المشاركة الأصلية كتبت بواسطة طارق _عبد السلام

طيب وايه ذنب الايتام فى بوعليصه ام عمرو

---

ما هي لما تعرف انها لايتام مش هتودي بعاليصه بقئ يمكن تعمل حاجه احسن وادائها يرتفع يا طارق بيه

اقتباس:

---

المشاركة الأصلية كتبت بواسطة Y a r i s

ههههههههههه
محشي امو عمر ده. يعني مش عارف اوصفهلكم ازاي ... بصو هو من الاخر شوية محشي حمضانين واظاهر هيا استخسرت ترميهم في الزبالة فحبت تتخلص منهم بجميله ... حشوة المحشي ذات نفسها حبت افتكاسات رز وجزر وشوية حجات مالهمش اي علاقه ببعض بس يجبولك مغص في الاخر ... مع ريحة زفارة اظاهر طبخاهم في مية كوارع ولا ايه والمشكلة مش اول مرة تبعت حجات برضو مرة بعتت لنا صنية مكرونة باشميل كلناها من هنا وجلنا تلبك معوي جماعي ومغص واسهال اسري من هنا ... واكمن هيا ست كبيرة فمش عاوزين نكسر بخاطرها. وبنقلها تسلم ايديكي ... وهيا بتنبسط قووووي قووووي. لمن حد يقلها تسلم ايدك او تسمع اي كلمتين حلوين .

وكعادتي مجامل واحيانا بحب اتريق ... فهيا سئلتني عجبك يا ابني المحشي. فانا بقولها ااااه يا امي ده من كتر حلاوتها العيال مصمصو صوابعهم وايدهم ورجليهم وراها واللهي ومن يومها كل ما تبقى فاضيه. تطبخ وتبعت ... في اكتر من اننا مبنرضاش نفتح لها الباب اذا بصينا في العين السحرية ولقيناها ماسكة صنية في ايديها مبنرضاش نفتح الباااااب لها ابداً. فتحطلنا الصنية على باب الشقة وتمشي ... وكزا مرة اقولها يا امي ارجوكي بلاش تتعبي نفسك ... تقوم. تدحك وتقلي ولا تعب ولا حاجة انتا بس قولي نفسك في ايه ... فانا اقولها نفسي متبعتيش حاجة ... تقوم تقلي دول مش علشانك علشان خاطر العيال .

يالهووي طب اقولها دي ايه بس ... قلتلها واللهي يا امي المشكلة العيال. بيحبوا اكل المطاعم والديلفري ... يعني افهمي بقه ومتبعتيش ... وهيا تقولي وده اسمو كلام يا ابني. ده اكل المطاعم كلو. تلوث ... ده على اساس ان طبخها ياجمالوا يا جمالوا .

وبقيت مش عارف اعمل ايه من ناحية مش قادر اجرح شعورها واكسر بخاطرها ومن ناحية تانية مش قادر ارمي الاكل في الزبالة ( حرااام ... وهاخود وزر ) ... في واد كان شغال حارس المسجد الي جمبينا واد كده غلبان من المنيا ... الواد ده فرح قووي قوي لمن قلتلوا هبعتلك غدى النهردة. ولمن بعتلوا صنية البطاطس بتاعت امو عمر .... ومع ان كان فيها فراخ ، الواد ده من يومها لو رميت عليه السلام ... مبقاش يرد علي حتى السلام بتاع ربنا!!

كان في اعلان برضو بيطلع في التلفزيون بتاع بنك الطعام المصري ... انا كنت هتصل واعمل ايداع بحلة المحشي بتاعت امو عمر ... مراتي منعتني وقالت لا ياشيخ حرام علييييك بطل اذى بقه ، الناس يجرلها حاجة ونشيل احنا ذنبهم ... طب دبروني انتم اعمل ايه !

---

ههههههه ده انت حكاويك يا ابوحميد ميتشبعش منها

Sent from my GT-S6500D using Forum Runner

اقتباس:

---

المشاركة الأصلية كتبت بواسطة Y a r i s

١١١١١١+
واللهـي وواللهـي

---

اقتباس:

---

المشاركة الأصلية كتبت بواسطة Y a r i s

واللهـي انتا راجل ١٠ على ١٠ وجدع

---

اقتباس:

---

المشاركة الأصلية كتبت بواسطة Y a r i s

ههههههههه
واللهـي دحكتموني وبسطتني تعليقاتكم كلكم. ... الحمدالله

---

https://lh6.googleusercontent.com/-M...67467119_n.jpg

برجاء تحري الدقة في كتابة لفظ الجلالة على الاقل يا باشمهندس.

انا فاكر ان احنا في الموال ده من ايام عضوية حضرتك القديمة :36_1_1[1]: