قولت المرة طالما هافك الفتيس ، فاركب معاه بالمرة قواعد موتور
كانت عندي رجة خفيفة جدا تكون غير ملحوظة على السلانسيه ، لكن مع التكييف بسمع صوت زنة والصراحة بسبب الصوت ده كرهني في حاجة اسمها التكييف مع الفيكترا المانيوال

والمفأجاة ان بعد تغيير القاعدتين اليمين والشمال ، صوت الزنة اختفى خالص ، مافيش فرق بين العربية بدون تكييف أو مع تشغيل التكييف
دا حتى لما بشغله عشان اسمع صوت الكباس لقط ولا لأ ، بيبقى صعب اوي لازم اركز جامد عكس الأول كنت بعرف بسهولة طبعا بسبب صوت الزنة المؤرف

الخلاصة ان القاعدة اليمين هي سبب الزنة ديه

كنت عايز أغير القاعدة التالتة كمان ، بس الميكانيكي قالي ان اللي راكبة حلوة مع اني كنت عايز أغيرها باردوا بس هو الظاهر كسل ، وانا كسلت باردوا لما لاقيت انها ممكن تاخد كتير لأنها مزنوقة هي كمان
اشتريت 3 قواعد موتور من الوطنية
قاعدتين ليمفوردر يمين وشمال ، الواحدة بـ 350 جنيه
والتالتة أسباني ومعرفش ماركتها ايه بـ 300 جنيه ورجعتها تاني عشان ماركبتهاش ، مافيش منها للأسف ليمفوردر لا عند الوطنية ولا أمريكان ستار وتمنها 400 جنيه للإفادة