حفاظا علي التركيز ومنعا لتشتيت المواضيع
السلام عليكم
كيف الحال جميعا
انا اسف يا جماعه لو كلامي ممكن يكون بايخ شوية او يضايق حد
انا ملاحظ ان بعض المواضيع بتكون مواضيع دسمة وثرية وفيها معلومات قيمة
لكن بعض الاعضاء الافاضل بتكتب تعليقات قد تكون خارج سياق الموضوع وغالبا بتكون شكر او اعجاب او احيانا مزاح مع صاحب الموضوع لانهم واخدين علي بعض وسؤال عن الاحوال والعيال وكده يعني
وده بيخلي الموضوع فيه صفحات كتير لكن اغلبها مالوش دعوة بالليله
انا ما اقصدش ان الموضوع يبقي دمه تقيل او جاف , نقدر برده نجامل بعض ونهزر ونسأل علي بعض بس المشاركة يكون فيها اضافة او استفسار في نفس الموضوع الاصلي
وللشكر والاعجاب المجرد ممكن نستخدم الخاصية الموجوده في المنتدى او الرسائل الخاصة
وانا اسف علي الرخامة واتمنى محدش يفهم كلامي غلط
