تعالى أعترف .... أى نوع من الاطفال أنت ؟؟!!!

**ahmedalaahosny** · 25-12-2013 05:28 PM

انا كنت طفل متشرد بطريقة غير عادية مع صحابي وطيب ولذيذ وكيوت ع الاخر ف البيت

**احمد المصرى** · 25-12-2013 05:39 PM

اعتقد والله اعغلم ان ابنى من النوع العنيد جدا بس بحاول اتعامل معاه واقومه هو حاليا 3 سنوات بس وهو اصغر بكل اسف كنت بضربه فاكر ان دا صح علشان اربيه وميكنش مدلع فعرفت ان دا غلط وبدات فعلا ابطل اضربه خالص بس عنيد لدرجه غريبه يعنى مثلا عايز الموبيل بتاعى علشان يلعب لعبه جديده عليه ( بقالى كتير بس هيا اسمها لعبه جديه هو مسميها كدا ) ولو قلت لاه يعيض عياض السنين واخر لما ازهق اقوله لو بطلت عياض هتاخده فى ثانيه الدموع تتبخر ويقولى حاضر يا بابا نفسى اعرف الدموع دى بتروح فين فى ثانيه

مش عارف تربيتى كدا صح ولا غلط

ثانيا :- ان شاء الله بعد ايام ربنا هيرزقنى بمولود اذاى اتعامل مع ابنى علشان يحب المولود علشان ممكن يخلص عليه من شقاوته

**rotanamasoud** · 25-12-2013 06:30 PM

الطفل العلة
يزعجك بأسئلته الي مش بتنتهي .. يستفسر من كل شي .. حتى لو عطست ..
يقول لك إزاي عطست ؟ .. وليه عطست .. ؟ وإزاي تكونت العطسه ..؟
يحرجك احياناً .. ويمكن دائماً بأسئلته .. مره تجاوب عليه ومره تطنشه ..
واكثر الاوقات مش بتلاقي اجابه لاسئلته .. لانك في الحقيقه تجهلها ..
اعتقد ده تصنيف غلط الصح يبق اسمه الطفل العبقرى
عايز يفهم كل حاجه حواليه عشان كده اسئلته كتير
لو شوفتى كميه وكتر الاسئله اللى انيشتين كان بيسئلها حتزهلى

**YahiaAshraf** · 25-12-2013 07:34 PM

يا باشا ده كو فيه اطفاك اساس طب انا مره كنت رايح درس بالعربية وجاي اركن ولد يجي 8 سنين كده دضربله كلكس مفيش فايدة نزلت قولتلة حبيبي وسع شوية علشان اركن العربية قالي ايه يا عم انا واقف في ارض الحكومة الصراحة خفت اصلا الا اركن و يعمل حاجة في العربية والمصيبت انا كان بيشرب سجاير كمان شوفته الخيبة ادي الطفال في بلدنا

**Mamoud salah H** · 26-12-2013 05:09 AM

الطفل الصرييح+الطفل المادي

**Mamoud salah H** · 26-12-2013 05:12 AM

المشاركة الأصلية كتبت بواسطة Mamoud salah H

الطفل الصرييح+الطفل
المادي+اني كتير بيقولو عليا سهن بضم الهاء واعمل حركااات وتصرفات من غيير حد يمسك عليا حاجة

**lolnk** · 26-12-2013 06:03 AM

الطفل المتشرد

**elhelwany188** · 26-12-2013 09:21 AM

ههههههههههههههههههه ...
بس هو التصنيفات دى ممكن تمشى ايام زمان الايام اللى كانت فيها تربية وبالفطرة كمان ...
انما دلوقتى للاسف التصنيف ده مينفعش يمشى لان كل طفل ممكن تلاقيه ليه كذا تصنيف حاجة ملخبطة كده ذى الزمن اللى احنا فيها بالظبط ...
انا فاكر وانا صغير ان جدتى ام والدى كانت قاعده معانا فى الشقة وكان لايمكن اى حد من والدى او والدتى يجرؤ يضربنى فى البيت مع انى كنت بعمل مصايب كتيييير ومشاكل وخناقات والناس كانت تيجى تشتكى منى فى الشارع وكان دايما الحاج يقول الواد ده مينزلش الشارع تانى وجدتى كانت ساعة وتنزلنى الشارع تانى ...
ومع ذلك جدتى اقدرت تحتوينى وكانت تقعد تدور عليا فى الشارع قبل صلاة العصر بساعة علشان اروح الكتاب علشان اتعلم القراءة والكتابة والحساب واحفظ القرءان ...
والحمد لله كنت داخل المدرسة كنت حافظ سبع اجزاء من القرءان وعارف الحروف كلها وجدول الضرب واكتب اسمى واقرأ الجورنال كمان وكله ده كان فى اولى ابتدائى ...