تعالى أعترف .... أى نوع من الاطفال أنت ؟؟!!!

بتختلف الاطفال في سلوكهم وتصرفاتهم ونفسيتهم ..

وفيه نماذج كتير من الأطفال كنا في يوم من الأيام زيهم ..

الطفل البريء :patch2:

في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مش بيدافع عن نفسه ..
الطفل العنيد:36_8_1[1]:
يطبق نظام البيت بالعكس .. يعمل اللي في دماغه ..
مش بيخاف من الأب أو الأم .. لو قلت له دا خطر لاتقربه .. عناد فيك يعمله ..
ينضرب كتير في طفولته .. ومع ذلك عنيد ومش بيغير رايه ..
الطفل المادي:shyy:
هذا الطفل مايرد السلام الا ... بفلوس
تعامله مع اهل المنزل .. مادي بحت
يستخدمونه لتوصيل طلبات المنزل .. وكله بحسابه ..
الطفل الفتّــان:44:
تجد عند هذا النوع جميع اخبار المنزل ..
يجد المتعه في اذلال غيره بالفتنه عليه
ما فيش معلومة تقف عنده لو أشتريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..
الطفل الدلوع:girlsthink:
هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ما يطلبها .. شخصيته اتكاليه جداً ..
الطفل العلة:dontudear:
يزعجك بأسئلته الي مش بتنتهي .. يستفسر من كل شي .. حتى لو عطست ..
يقول لك إزاي عطست ؟ .. وليه عطست .. ؟ وإزاي تكونت العطسه ..؟
يحرجك احياناً .. ويمكن دائماً بأسئلته .. مره تجاوب عليه ومره تطنشه ..
واكثر الاوقات مش بتلاقي اجابه لاسئلته .. لانك في الحقيقه تجهلها ..
الطفل المتشرد:00020140:
هذا الطفل مستحيل يجلس في المنزل ..
يعيش في الشارع اكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن ان يصبح اذا كبر مهندس طرق ..
الطفل الصريح:0002014A:
يلتقط العبارات والمفردات بسرعة مذهله ..
يسبب احراج دائم لأهله .. من الممكن ان يقول كلمة بالغلط للضيوف او الاقارب ..
يتميز احياناً بقلة الذووق والوقاحة اذا انفعل ..
لاينصح بأستفزازه ابداً ..
الطفل اللزقه:Copy of rfds:
تلقاه مستنيك عند باب البيت .. محدش يخرج الا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يـُـضرب كثيراً .. وخاصه من اخوانه اللي اكبر منه .. او خواته ..
لانه عباره عن رادار على طلعاتهم ..
احياناً يضطرون يطلعون من نافذة المنزل للهروب منه ..
ولكن للأسف يجدونه بانتظارهم في السيارة ..ويسألهم ليه تأخرتوا عليّ ..
الطفل الهادي:Copy of majd(2):
هذا الطفل مالوش صوت ابد .. مطرح ماتحطه تلقاه ..
احياناً يهملونه اهله .. لانهم ناسينه ..
واحياناً يلقى اهتمام زائد من اهله ..
لو يموت من الجوع ماتكلم ..
الطفل القوي
اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال ..
يتقرب منه الكبار ويتوددون له حفاظاً على سلامة اطفالهم ..
الطفل الحنون:B4_007:
يأخذ كل حقوقه بالحنية والكلمة الطيبة ..........

تتعاطف مع طلباته وكأنه بيحكي قصة مأسوية ..

يبدأ طلبة ببوسة أو حضن أو بكلمة حبيبي

ياترى انتوا من أي نوع لو كنتوا فاكريين ؟؟

يلا نطلع الطفل اللي جوانا

كل واحد جواه كذا طفل مش طفل واحد وخاصة عبر المراحل العمرية المختلفة
يعنى تلاقى واحد بدأ حياته طفل مبيتحركش وبعدين لم دخل المدرسة قلب للطفل الحبوب اللى بييجى متخرشم وبعدين لطفل وش اجرام علشان يعرف يعيش وبعدين قلب لحاجه مختلفة تماما وهكذا
للاسف التربية فى السابق كانت بالصدفة يعنى بترجع للاب والام وتربيتهم الاصلية ولا تراعى نوع الطفل وميوله وتصنيف شخصيته من كونها حركية ام بصرية ام سمعية ام خليط بين اثنين ام بين ثلاث
احنا كمان بنربى اغلب التربية بالسليقة وساعات بنفتكر اصول التربية فى الكتب والشرايط وسريعا ما ننسى وترجع ريما لعادتها القديمة لان الغالب بيكون انت عايز ايه مش الطفل عايز ايه ومحتاج لايه

الطفل البرئ + المادي :d

الطفل البرئ لن تكثر اصابات وجهه الا في مصر و في مدارس مصر..التي هي نموذج للمجتمع..الذي تضيع فيه الحقوق و يعتبرون الطيبة عبط
لي صديق له ابن في مدرسة لغات اسلامية ..لا اتذكر اسمها..يتعجب من قرار المدرسة بأن الطفل الذي سيؤذي اخر ستقوم ادارة المدرسة بالقصاص للأخير بذات نوع التعدي...طبعا سبب استغرابه هو أن ابنه غالبا هو المعتدي و ليس المعتدى عليه....و هو ما نجده حتى بين اطفال العائلة ..فأم المعتدي غالبا ما تعتصم بعبارة ..اطفال و اشقية..لكن لو ابنها هو المعتدى عليه سيكون لها رأي اخر

احنا ولا اولادنا :)

اقتباس:

---

المشاركة الأصلية كتبت بواسطة Eng_hatemfathy

كل واحد جواه كذا طفل مش طفل واحد وخاصة عبر المراحل العمرية المختلفة
يعنى تلاقى واحد بدأ حياته طفل مبيتحركش وبعدين لم دخل المدرسة قلب للطفل الحبوب اللى بييجى متخرشم وبعدين لطفل وش اجرام علشان يعرف يعيش وبعدين قلب لحاجه مختلفة تماما وهكذا
للاسف التربية فى السابق كانت بالصدفة يعنى بترجع للاب والام وتربيتهم الاصلية ولا تراعى نوع الطفل وميوله وتصنيف شخصيته من كونها حركية ام بصرية ام سمعية ام خليط بين اثنين ام بين ثلاث
احنا كمان بنربى اغلب التربية بالسليقة وساعات بنفتكر اصول التربية فى الكتب والشرايط وسريعا ما ننسى وترجع ريما لعادتها القديمة لان الغالب بيكون انت عايز ايه مش الطفل عايز ايه ومحتاج لايه

---

فعلاً عندك حق
أنا شخصياً كنت طفلة هادئة جداً
وبعدين أصبحت طفلة مش مكتوبة في أنواع الأطفال اللي في المشاركة الأولى
مش عارفة نستها إزاي :Copy of rfds:
أصبحت طفلة سوسة
ويمكن علشان ترتيبي الوسطى
فكنت أشوف أختي الكبيرة القوية بابا بيزعق لها أعمل العكس علشان ما يزعلش مني
وأشوف تصرفات الصغيرة ودلعها أعمل نفسى جادة علشان ما زعلش بابا
لكن أنا في الحقيقة أيه معرفش :U_thin1[1]:

:w_022:

اقتباس:

---

المشاركة الأصلية كتبت بواسطة someone5

الطفل البرئ + المادي :d

---

يا ترى الشخصيتين دول كبروا معاك ؟!
ولا أتغيروا !!

اقتباس:

---

المشاركة الأصلية كتبت بواسطة samyyousef

الطفل البرئ

---

يعني عبارة اللي يضربك أضربه دي نصيحة في محلها هنا
رغم عدم أقتناعي بها

اقتباس:

---

المشاركة الأصلية كتبت بواسطة mohammedgido

احنا ولا اولادنا :)

---

أحنا علشان نتعلم من أخطاءنا ونتجنبها في ولادنا

كنت طفل هاديء امام اهلي ومع اصدقائي شقي جدا .. دا نصنفوا ايه بقى :)

انا كنت طفل متشرد بطريقة غير عادية مع صحابي وطيب ولذيذ وكيوت ع الاخر ف البيت

اعتقد والله اعغلم ان ابنى من النوع العنيد جدا بس بحاول اتعامل معاه واقومه هو حاليا 3 سنوات بس وهو اصغر بكل اسف كنت بضربه فاكر ان دا صح علشان اربيه وميكنش مدلع فعرفت ان دا غلط وبدات فعلا ابطل اضربه خالص بس عنيد لدرجه غريبه يعنى مثلا عايز الموبيل بتاعى علشان يلعب لعبه جديده عليه ( بقالى كتير بس هيا اسمها لعبه جديه هو مسميها كدا ) ولو قلت لاه يعيض عياض السنين واخر لما ازهق اقوله لو بطلت عياض هتاخده فى ثانيه الدموع تتبخر ويقولى حاضر يا بابا نفسى اعرف الدموع دى بتروح فين فى ثانيه


مش عارف تربيتى كدا صح ولا غلط


ثانيا :- ان شاء الله بعد ايام ربنا هيرزقنى بمولود اذاى اتعامل مع ابنى علشان يحب المولود علشان ممكن يخلص عليه من شقاوته

الهادي وفيه صفات من انواع تانية
ولكن الحياة الي احنا فيها قادرة علي قتل اي طفولة
واعتقد بنعيش وقت كبير بندور علي حاجات كتيرة جوانا
والله اعلم بنلاقيها ولا لا ولا من الاساس مش عارفين الي بندور عليه

الطفل العلة:dontudear:
يزعجك بأسئلته الي مش بتنتهي .. يستفسر من كل شي .. حتى لو عطست ..
يقول لك إزاي عطست ؟ .. وليه عطست .. ؟ وإزاي تكونت العطسه ..؟
يحرجك احياناً .. ويمكن دائماً بأسئلته .. مره تجاوب عليه ومره تطنشه ..
واكثر الاوقات مش بتلاقي اجابه لاسئلته .. لانك في الحقيقه تجهلها ..
اعتقد ده تصنيف غلط الصح يبق اسمه الطفل العبقرى
عايز يفهم كل حاجه حواليه عشان كده اسئلته كتير
لو شوفتى كميه وكتر الاسئله اللى انيشتين كان بيسئلها حتزهلى

يا باشا ده كو فيه اطفاك اساس طب انا مره كنت رايح درس بالعربية وجاي اركن ولد يجي 8 سنين كده دضربله كلكس مفيش فايدة نزلت قولتلة حبيبي وسع شوية علشان اركن العربية قالي ايه يا عم انا واقف في ارض الحكومة الصراحة خفت اصلا الا اركن و يعمل حاجة في العربية والمصيبت انا كان بيشرب سجاير كمان شوفته الخيبة ادي الطفال في بلدنا

انا الطفل المتشرد

الطفل الصرييح+الطفل المادي

اقتباس:

---

المشاركة الأصلية كتبت بواسطة Mamoud salah H

الطفل الصرييح+الطفل
المادي+اني كتير بيقولو عليا سهن بضم الهاء واعمل حركااات وتصرفات من غيير حد يمسك عليا حاجة

---

الطفل المتشرد

ههههههههههههههههههه ...
بس هو التصنيفات دى ممكن تمشى ايام زمان الايام اللى كانت فيها تربية وبالفطرة كمان ...
انما دلوقتى للاسف التصنيف ده مينفعش يمشى لان كل طفل ممكن تلاقيه ليه كذا تصنيف حاجة ملخبطة كده ذى الزمن اللى احنا فيها بالظبط ...
انا فاكر وانا صغير ان جدتى ام والدى كانت قاعده معانا فى الشقة وكان لايمكن اى حد من والدى او والدتى يجرؤ يضربنى فى البيت مع انى كنت بعمل مصايب كتيييير ومشاكل وخناقات والناس كانت تيجى تشتكى منى فى الشارع وكان دايما الحاج يقول الواد ده مينزلش الشارع تانى وجدتى كانت ساعة وتنزلنى الشارع تانى ...
ومع ذلك جدتى اقدرت تحتوينى وكانت تقعد تدور عليا فى الشارع قبل صلاة العصر بساعة علشان اروح الكتاب علشان اتعلم القراءة والكتابة والحساب واحفظ القرءان ...
والحمد لله كنت داخل المدرسة كنت حافظ سبع اجزاء من القرءان وعارف الحروف كلها وجدول الضرب واكتب اسمى واقرأ الجورنال كمان وكله ده كان فى اولى ابتدائى ...

اقتباس:

---

المشاركة الأصلية كتبت بواسطة mohammedgido

كنت طفل هاديء امام اهلي ومع اصدقائي شقي جدا .. دا نصنفوا ايه بقى :)

---

أ/ mohammedgido كدة فيه إزدواجية في شخصيتك الطفولية
والطفل بالشخصية دي خوفه من اهله هو ما يجعله هادئ في بيته
وحبه للفت الأنظار في الخارج يجعله شقي مع أصدقائه، وغالباً دمه خفيف

اقتباس:

---

المشاركة الأصلية كتبت بواسطة ahmedalaahosny

انا كنت طفل متشرد بطريقة غير عادية مع صحابي وطيب ولذيذ وكيوت ع الاخر ف البيت

---

الطفل المتشرد غالباً هيكون بيتوتي جداً لما يكبر
لأنه في طفولته زهق من التشرد :new:

اقتباس:

---

المشاركة الأصلية كتبت بواسطة احمد المصرى

ابنى من النوع العنيد جدا بس
ثانيا :- ان شاء الله بعد ايام ربنا هيرزقنى بمولود اذاى اتعامل مع ابنى علشان يحب المولود علشان ممكن يخلص عليه من شقاوته

---

ألف مبروك مقدماً
وربنا يجعلهم الذرية الصالحة
قال تعالى ( ربنا هب لنا من أزواجنا و ذرياتنا قرة أعين و اجعلنا للمتقين إماماً ) الفرقان

موضوع الطفل العنيد
الأطفال عموماً من سن سنتين لغاية 4 سنوات بتجي لهم نوبات غضب
اذا لم تلبي رغبته يصرخ بقوة و يبكي ويرمي نفسه على الارض واحيانا يدق راسه غضبا .
نعمل أيه في هذه الحالة ؟
بالذات لو حصلت هذه المشكلة امام الناس .. او في مكان عام .. فالطفل يطلب حلوى او ايس كريم في سوبر ماركت او لعبة وعند رفض أمه أو أبوه يبدا بالصراخ ومنعا للاحراج نرى انهم يلبوا طلبه لاسكاته وابعاد نظرات الناس .
الابحاث و الدراسات السلوكية على الاطفال تفيد بان تلبية رغبة الطفل عند الصراخ .. و اعطاءه ما يريد هي السبب الرئيسي لجعل هذا التصرف يستمر ...مرة واحدة يفعلها الطفل و تصبح عنده عادة .. فيعلم ان اسهل طريقة لفعل ما يريد هو الصراخ و الغضب .
ماذا نفعل ؟
1- كن هادئا .. و لا تغضب .. واذا كنت في مكان عام لا تخجل ..وتذكر ان كل الناس عندهم اطفال و قد تحدث لهم مثل هذه الامور.
2- ركز على الرسالة التى تحاول ان توصلها الى طفلك . وهى ان صراخك لا يثير أي اهتمام او غضب بالنسبة لي و لن تحصل على طلبك.
3- تذكر .. لا تغضب و لا تدخل في حوار مع طفلك حول موضوع صراخه مهما كان حتى لو بادرك بالاسئلة.
4- تجاهل الصراخ بصورة تامة .. و حاول ان تريه انك متشاغل في شئ اخر .. و انك لا تسمعه لو قمت بالصراخ في وجهه انت بذلك اعطيته اهتمام لتصرفه ذلك ولو اعطيته ما يريد تعلم ان كل ما عليه فعله هو اعادة التصرف السابق .
5-اذا توقف الطفل عن الصراخ وهداء.. اغتنم الفرصة واعطه اهتمامك واظهر له انك جدا سعيد لانه لا يصرخ.. واشرح له كيف يجب ان يتصرف ليحصل على ما يريد مثلا ان ياكل غذاءه اولا ثم الحلوى او ان السبب الذي منعك من عدم تحقبق طلبه هو ان ما يطلبه خطير لا يصح للاطفال.
6-اذا كنت ضعيفا امام نوبة الغضب امام الناس فتجنب اصطحابه الى السوبر ماركت او السوق او المطعم حتى تنتهي فترة التدريب ويصبح اكثر هدواء .
7- ومن المفيد عندما تشعر ان الطفل سيصاب بنوبة الغضب قبل ان يدخل في البكاء حاول لفت انتباه على شيء مثير في الطريق ... اشارة حمراء .. صورة مضحكة .. او لعبة مفضلة . و اخيرا تذكر .. نقطة هامة دائما مرة واحدة فقط كافية ليتعلم الطفل انه اذا صرخ و بكي و اعطى ما يريد عاودا التصرف ذاك مرة اخرى .

وبالنسبة لغيرة الطفل الأول من المولود الجديد :
1- إشعار الطفل بأنَّه كبير
2- لا تقول له لا تفعل
3- إعطاؤه مجموعة من الامتيازات
4- أحذر كثرة الأوامر له
وربنا يعينك ويعينا

اقتباس:

---

المشاركة الأصلية كتبت بواسطة rotanamasoud

الطفل العلة:dontudear:
يزعجك بأسئلته الي مش بتنتهي .. يستفسر من كل شي .. حتى لو عطست ..
يقول لك إزاي عطست ؟ .. وليه عطست .. ؟ وإزاي تكونت العطسه ..؟
يحرجك احياناً .. ويمكن دائماً بأسئلته .. مره تجاوب عليه ومره تطنشه ..
واكثر الاوقات مش بتلاقي اجابه لاسئلته .. لانك في الحقيقه تجهلها ..
اعتقد ده تصنيف غلط الصح يبق اسمه الطفل العبقرى
عايز يفهم كل حاجه حواليه عشان كده اسئلته كتير
لو شوفتى كميه وكتر الاسئله اللى انيشتين كان بيسئلها حتزهلى

---

واضح يا أ/ rotanamasoud
أنك أنت كنت الطفل العبقري
أنا معاك في خطأ التنصنيف ولكنه أختبار للوصول للعضو اللي كان طفل عبقري
وأنت أخدت اللقب :satelite:
وأستاذ / Hosam165 اللي عمل لك لايك حتى هذه المشاركة :M_yes[1]:

اقتباس:

---

المشاركة الأصلية كتبت بواسطة lanos2004

انا الطفل المتشرد

---

كل لما أشوف تقفيل عداد العربية اللي صورة البروفيل بتاعتك
أقول إنك كنت طفل متشرد ، وواضح أنك ما زلت :openflower3:
ربنا يستر طريقك يا أ/ lanos2004

اقتباس:

---

المشاركة الأصلية كتبت بواسطة mamoud salah h

الطفل الصرييح+الطفل المادي

---

واضح أنك فعلاً صريح
لأن لا المادي ولا السُهن هيعترف بكدة :018a1d~146:

اقتباس:

---

المشاركة الأصلية كتبت بواسطة friendship7897

واضح يا أ/ rotanamasoud
أنك أنت كنت الطفل العبقري
أنا معاك في خطأ التنصنيف ولكنه أختبار للوصول للعضو اللي كان طفل عبقري
وأنت أخدت اللقب :satelite:
وأستاذ / hosam165 اللي عمل لك لايك حتى هذه المشاركة :m_yes[1]:

---

ده بس من زوق حضرتك راحت الطفوله وتهد اى حلم بالاختراعات هى دى الدوله
اخر فكره فى دماغى كانت حل مشكله الكهرباء بدون بناء محطه واحده اضافيه او لتر وقود زياده
وهى تحويل عواميد مصر للعمل بالليدات الوفر حيكون340% من الطاقه(الوفر ممكن يوصل ل500%لو وضع سنسور جوه اللمبه بيتحكم فيها بس موجه للارض لتلافى السنسورات الفاشله اللى موجوده دلوقت)
وحل مشاكل المرور عند الترخيص عن طريقgps يوضع فى كل السيارات ويسجل السرعه ويبعت المخالفه فى نفس اللحظه والاتجاه الخطئ(وترسل رساله للمخالف على الموبايل) ولو فصل يتم الابلاغ عن السياره فى كل الكماين وبكده حنقضى على كل السلوكيات الخطء حتى لو واحد ماشى بعربيته فى الارياف حيكون ملتزم التزام قطعى
لو حد عايز يسرق اى فكره من دول انا موافق بس تتنفذ

اقتباس:

---

المشاركة الأصلية كتبت بواسطة friendship7897

واضح أنك فعلاً صريح
لأن لا المادي ولا السُهن هيعترف بكدة :018a1d~146:

---

دة اعتراف كدة بس في المنتدي انما في المواقف اليومية بتبقي اسرار عسكرية حربية والادارة بتكون في المستخبي بعييد عن الانظار:nemoflow::00020191: