بصراحه بعد الصور انا يستحيل اجيب الشكل الجديد وكمان فيها مشاكل تانيه اخرى الناس بتشتكى منها
الشكل القديم رغم عيوبه لكنه افضل
عرض للطباعة
هات الشكل القديم علشان ترتاح .. وسيبك من الشكل الجديد اللى مش عاجبك وسيبك من ال ebs وال abd وال air bag والباور الكهرباء ووسع الصالون وأتساع الشنطة وارتفاع العربية عن الأرض .. ولو على الخبطات كلنا اتخبطنا وماحصلش كده بس ده نصيب وأنت ماتعرفش هو دخل فى ايه بالظبط وكانت سرعة الجسم التانى أيه !! افرض انا ماشى على سرعة 40 ودخلت فى عربية ماشية على 120 يبقى العيب فى عربيتى لو اتعجنت ؟!! .. والله ابو واحد صاحبى صمم يجيب مرسيدس وقال بالحرف علشان مابتتقلبش وتانى خروجه ليه بالعربية اتقلبت بيه وتوفى الله يرحمه هل ده عيب فى المرسيدس !! .. الغريبة أنك تغمض عينيك عن عيوب الشكل القديم وتبلعها وتقعد تفصص فى عيب واللا اتنين فى الشكل الجديد وتقول اصل فلان قاللى وفلان مش عارف ماله ..!! طيب ماأنا واحد فى نيسان قاللى أنهم عاوزين يخلصوا من الشكل القديم اللى نازل من غير اى اوبشن وبنفس الشكل من كذا سنة وعلشان كده نازلة ارخص بس ماينفعش اسمع كلامه وأسلم له دماغى ببساطة لأ،ى عارف أن العربية رغم كلامه ليها معجبيها وفيها ميزات .. الخلاصة أختار اللى تعجبك بس ماتعيبش فى اختيار حد .. ماحدش اتحايل عليك وقالك والنبى هات الشكل الجديد والحمد لله العربية مالية شوارع مصر المحروسة وربنا يديمها علينا نعمة وبالمناسبة اخبار صاج الاوبترا أيه ؟؟
دى الخلاصه عن امتلاك القديمه 7 سنوات و تجربه الجديده كثيرا ...
الشكل القديم :
-استهلاك اعلى للبنزين - حوالى 7 كم/لتر من غير تكييف فى الزحمه ...
فى السفر حوالى 11 كم/لتر ..
- الصاج اجمد ...
- الباور اتقل لانه زيت ...
- عافشه ناشفه لكن صلبه ... و ميزتها استحمال الطرق الصعبه ...
- بسبب نشوفيه العفشه و لان العربيه مش تقيله ... بعد 125 كم/ساعه ثباتها و اتزانها مش كويس ...
الشكل الجديد :
-استهلاك افضل 9 كم/لتر فى الزحمه ... سفر 13 كم/لتر ..
-اوسع من الداخل لان تصميم الصالون كنز ... يعنى الكراسى و الكنبه صغيره ...
مما يعنى ان قعده القديمه للكراسى الاماميه اريح ...
- صاج اضعف ... لكنه ليس بالضعف الى يقلق ...
- باور انعم و اسهل لانه كهربا ..
- عفشه انعم و بالتالى اريح ... وده ممكن يكون على حسلب عمر الاجزاء ...
- ثبات و اتزان افضل ...
انا راى الجديده افضل كأجمالى ...
تحياتى ...
+++111
كلامك صحيح وواقعى جدا ...
و بخصوص الحوادث ...
سنه 2007 فى توكيل صيانه البافاريه اسكندريه ... احد صنايعيه السمكره و الدوكو كان بيجرب عربيه e60/525 زبون و طاير على 160 كم/ساعه على المحور و عمل حادثه و مات فيها ... لو تشوفوا منظر العربيه متعجنه فى بعض زى علبه السجاير لدرجه انك لا تميز نوعها !! ... بعد كده شحنوها لالمانيا لدراسه الحادثه و تأثيرها و عمل الابحاث عليها ...
ربنا يكفينا شرها و يحمينا كلنا ...
تحياتى ...
بص يا باشا هقولك حاجتين
اولا العربيات الجديدة كلها صاجها ضعيف
ثانيا الحوادث و الخبطاط ملهاش اى قاعدة ، دة نصيب
ربنا يسترها علينا
بص انا معايا القديم موديل 2013 لسة زيرو
مش هقولك وحشة، بالعكس كويسة ومريحاني واهي عربية والسلام
لكن حسيت اني انضربت على قفايا لما جبتها
الجديدة تكنولوجيا جديدة واحسن بكتير اوي رغم موضوع الصاج والموتور الاقل والقدرة الحصانية الاقل
القديمة فلوس بتدفعها في تكنلوجيا عفا عليها الزمن
الجديدة احسن في حاجات كتير وان كان بيها عيوب
الجديدة كان فيها شوية عيوب واتصلحت في الشحنة الجديدة الي نزلت 2014
صلي استخارة وتوكل على الله وخليك في الشكل الجديد