تسريب مياه داخل السيارة

**modyd** · 26-12-2013 08:51 AM

ياشباب معايا اوكتافيا a4 2000 و فى تسريب لمياه الشتاء فالعربية قدام الكرسى الى جمب السواق مش عارف من ايه روحت اشوف المزاريب كلها تمام وسالكة ومفهاش اى حاجة وحطيت مياة عشان اجرب كله نزل من المزاريب عادى ومفيش حاجة نزلت جوة العربية بس المشكلة ان لما تكون مركونى وتديها شتواية جامدة انزل الاقى نقط صغيرة كده من ورا التابلوه نازلة ولما اتحرك بالعربية المياة بتنزل زيادة بقى جوا العربية كأن فى حاجة مخزنة الماية واول ما تتحرك تنزل جوة العربية روحت لكذا حد قالولى هنحل روح لبتاع الازاز وشيل الازاز الى قدام عشان تروح بعد كده لكهربائى يحللك التابلوه كله وبعدين نشوف الماية جاية منين فا لقتها تكلفة عالية وطبعا حكاية حل التابلوه كله ده مقلقانى كمان فا لو المشكلة دى عندك حد او حد يعرف حل او حد كويس فاسكندرية اقدر اروحله يفيدنى اكون شاكر جدا ليكم عشان الحكاية دى مبهدلة العربية من جوا ومعلش طولت عليكم

**broadband** · 26-12-2013 11:31 AM

انا عندى نفس المشكلة بس اكتشفت ان السليكون بتاع الازاز الامامى مش مكتمل فى النص الفوقانى و ده بيغرق العربية و ناوى اجيب سيلكون اسود و احقن المان ده تحت جوان الازاز من الخارج بواسطة سرنجة
و جرب و شوف

**hilal** · 26-12-2013 11:32 AM

قد يكون هناك تسريب من سربنتينة التكييف الساخن
وللتأكد من ذلك ، حاول إلغاء التكييف الساخن مؤقتا ، بتوصيل خرطوم المياه الداخلة إلى السربنتينة مع خرطوم المياه الخارجة منها ، وشوف هل هناك تسريب بعد ذلك ام لا

**Amr_Azab** · 26-12-2013 03:31 PM

الموضوع بيتلخص في 3 مشاكل لاغير :-
1. سيليكون او كاوتش الزجاج الآمامي
2. تسريب من خراطيم التكييف الساخن
3. المزاريب بتسرب ولكن بنسبه ضعيفة وبالتالي عند هبوط الآمطار بشدة يكون التسريب ضعيف فيتم تحويش المياه الي ان تصل لفتحة التكييف

في ميكانيكي في شارع محمد نجيب أسمه كريم
حليلي مشكلة زي دي قبل كده وكانت المشكلة رقم 3 عندي وواحد صاحبي كانت مشكلة رقم 2
دي نمرته 01229786012
قوله من طرف مهندس عمرو صاحب الفابيا البيضا وحيعمل معاك الواجب وان شاء الله يحللك المشكلة

**modyd** · 26-12-2013 04:55 PM

المشاركة الأصلية كتبت بواسطة hilal

قد يكون هناك تسريب من سربنتينة التكييف الساخن
وللتأكد من ذلك ، حاول إلغاء التكييف الساخن مؤقتا ، بتوصيل خرطوم المياه الداخلة إلى السربنتينة مع خرطوم المياه الخارجة منها ، وشوف هل هناك تسريب بعد ذلك ام لا

تماااام يا باشا معلومة هجرب الموضوع ده ويارب تتحل

**modyd** · 26-12-2013 04:58 PM

المشاركة الأصلية كتبت بواسطة amr_azab

الموضوع بيتلخص في 3 مشاكل لاغير :-
1. سيليكون او كاوتش الزجاج الآمامي
2. تسريب من خراطيم التكييف الساخن
3. المزاريب بتسرب ولكن بنسبه ضعيفة وبالتالي عند هبوط الآمطار بشدة يكون التسريب ضعيف فيتم تحويش المياه الي ان تصل لفتحة التكييف

في ميكانيكي في شارع محمد نجيب أسمه كريم
حليلي مشكلة زي دي قبل كده وكانت المشكلة رقم 3 عندي وواحد صاحبي كانت مشكلة رقم 2
دي نمرته 01229786012
قوله من طرف مهندس عمرو صاحب الفابيا البيضا وحيعمل معاك الواجب وان شاء الله يحللك المشكلة

تمااااااااااااااااااام اوى يابشمهندس عمرو ان شاء الله هروحله بكرة وكويس انه فمحمد نجيب عشان قريب منى وعموما انا المزاريب سلكتها كتير اوى كل ما اروح لحد يسلكهالى وتنزل بردوا فا يارب كريم يجبلى من الاخر وشكرا جدا يابشمهندس

**mo3tazanas** · 26-12-2013 08:53 PM

ياجماعة المياة دى مش من الازاز دى سربنتينة التكيف السخن عاوزة تتغير لانها كدة اتخرمت بس خرم بسيط وعايز تتاكد خد العربية مشوار حلو وارجع افتح الباب اللى جانب السائق وبص فى الدواسة من اسفل الطابلوة جهة الشمال هتلاقيها بتنقط مياة
روح اكشف عليها وابقى طمنا