الموضوع: شهادة فى حق المهندس هانى speed car

السلام عليكم و رحمه الله و بركاتة,

دية شهادة حق لازم اقولها فى حق المهندس هانى و مركز الصيانة بتاعة.

انا اشتريت عربية اكسنت 1500 موديل 2000 و كنت سألت فى المنتدى هنا عن حد يساعدنى انى اعمل الصيانات فى مركز يكون كويس و ولاد الحلال ساعدونى و قالولولى على مركز المهندس هانى.

المهم روحت المركز و قابلت المهندس هانى ما شاء الله راجل محترم جدآ و اشتغلوا فى العربية و غيروا حاجات كتير جدآ مثلآ السيور و الفلاتر و البوجيهات كسرفيس و بعدين طرمبة المياة و قاعدتين ماتور و ماسورة المياة الحديد دية غير تنظيف البوابات و قراءة العربية على الكمبيوتر و بعدين بأة دخلنا فى العفشة جوز مساعدين أمامى و جوز كبالن و مسامير ميزان و بيض طرف داخلى و خارجى مش فاكر كان فى حاجة تانى ولا لأ بصراحة بس هو الفنى اشتغل فى العربية من 12 الصبح ل 11بليل و بعد كدة المهندس هانى هو الى جرب العربية و قال للفنى ان فى صوت فى العفشة ادام و خلاة يجرب العربية و بعدين قال ان الصوت دة من العلبة و لازملاها حشو فالمهم ان شاء الله ابقى اجيب الحشو دة و نجرب تانى.

المصنعية بأة بصراحة كلام فاضى بالنسبة للشغل و نظافة الشغل و حتى الفلوس الى معايا مكملتش و اتفاضل للمهندس هانى 50 جنية و لسة متدهومش لية :)

الخلاصة ان المركز فعلآ محترم و المهندس هانى انسان فوق المحترم ما شاء الله و ربنا يباركلوا و يرزقوا.