بخصوص الاعلانات علي صفحات المنتدي

**hilal** · 26-12-2013 02:39 PM

المشاركة الأصلية كتبت بواسطة أحمد كمال

بدون زعل

اللي مش عاجبه ان فيه اعلانات ...... هو انت اصلا دافع حاجة ؟؟؟؟؟

الموقع مش شغال ببلاش ...... بجانب جهد المتطوعين الرهيب ...... الهوستنج مش رخيص ........

و معلش هو مش سبيل و لا تكية ......... حتى جووجل بتحط اعلانات .......

أرجو مراجعة اسلوبك
انت بتتكلم مع ناس معظمهم مثقفين ودكاترة ومهندسين
واعتقد عيب انك تقول سبيل وتكية ، أسلوب غير لائق ومرفوض شكلا وموضوعا

**BUNSH** · 26-12-2013 02:43 PM

كان الله فى عونكم ..

المشاركة الأصلية كتبت بواسطة mahmoud_afifi

المشكله اللي ظاهره عندي هي الاعلان بتاع تويوتا ياريس اللي كل شوية لازم اقفل الويندو بتاعه.
رخمه فعلا انما غير كده الاعلانات تمام وماعنديش اي اعتراض

احـــــاج عفيفى _منور_

على فكرة بتاع تويوتا بيقفل توماتيكى فى اقل 10 ثوانى

**mahmoud_afifi** · 26-12-2013 04:15 PM

المشاركة الأصلية كتبت بواسطة BuNsH_FoX

كان الله فى عونكم ..

احـــــاج عفيفى _منور_

على فكرة بتاع تويوتا بيقفل توماتيكى فى اقل 10 ثوانى

ده نورك يا بنوش

انا بقعد في الصفحه اقل من 10 ثواني

**Samah AbdAllah** · 26-12-2013 04:50 PM

ده برينت سكرين من كروم مفيهوش اى مشكلة ولا تداخل مع المشاركات

**Nader** · 29-12-2013 10:09 PM

المشاركة الأصلية كتبت بواسطة walidzakzok

كده انت عندك مشكلة، مش من المفروض فعلا ان الاعلان يغطي على الصفحة، الدعم الفني هيتابع معاك ان شاء الله

بس بشكا مبدئي، واضح انك بتستخدم جوجل كروم، فياريت تذكر رقم الاصدار
وياريت تتاكد ان نك مش عامل زوم أو مكبر الصفحة وان العرض 100% وليس أكثر
وجرب متصفح تاني شوف ظاهر فيه الكلام مظيوط ولا لأ

**Karim_Monir** · 29-12-2013 10:43 PM

المشاركة الأصلية كتبت بواسطة amrelsaqqa

ايوة فعلا انا عندى نفس مشكلة الـ overflow وباستخدم فايرفوكس في الغالب

معنديش اعتراض على الاعلانات بس تتعمل بطريقة شيك ، وبالعكس ساعات الاعلان وجوده بيدي شكل ومعنى للصفحة وممكن كمان يجذب الزائر اكتر ، ودى حاجة معروفة في الديزاين والماركتنج ، الفكرة كلها تتعمل بطريقة حلوة وحرفية .. بس :)

يعنى مثلا بصراحة اسلوب الـ popups ده مش لطيف وحاجة اصلا المفروض عفى عليها الزمن ، ولو دخلتوا اي موقع اجنبى محترم مش هتلاقوا الكلام ده خالص

اعلان تويوتا ياريس فعلا رخم جدا بدون زعل ، ولو بتدورا على الـ seo والـ usability والـ accessibility و الـ user experience والكلام ده ، فالـ popups بالطريقة دى مش في صالح السايت خالص :(

اتمنى تتقبلوا ملاحظاتى بصدر رحب واعتبروها
نصيحة من واحد ما يفهمش اي حاجة في الويب :)

مقدر فعلا كلامك وداخل في نشاكل كتير جدا مع الوكيل الاعلاني لانهم قبلو الحملة الاعلانية بالشروط دي
وفعلا اعلان تويوتا فاضله يومين بالظبط ويخلص وهانحاول مانقبلش اي اعلنات بالشكل ده تاني
ب ساعلانات البوب اب شغاله في كل المواقع وكمان مواقع كبيرة جدا وبترافيك ادنا 10 مرات
لكن المفروض الاعلان يختفي بعد ثانيتين ويظهر مرة واحدة للايبي مش كل امبريشن زي ما عاملين بالشكل البدائي ده

شكرا لنصايحك